San Lucas 17:4 - Koreguaje

⁴ Chekʉrʉmʉ repaʉ mʉ'ʉre te'eumucuse sieterepañoã cu'ache cho'omʉ. Cu'ache cho'oñoã pa'iche sieterepañoã rani kʉamʉ repaʉ mʉ'ʉre. “Cu'ache cho'osi'kʉa'mʉ chʉ'ʉ. Jo'e cuasamanejʉ̃'ʉ chʉ'ʉ cho'osi'e”, chiimʉ. Jã'aja'ñe chiito repaʉ cu'ache cho'osi'e jo'e cuasamanejʉ̃'ʉ mʉsanʉkona —chiiʉ chʉ'vaasomʉ Jesús repaʉ neenare.

San Lucas 17:4 Iomraidhean Croise

San Mateo 18:16

Jã'ata'ni repaʉji asa jachato chekʉni te'eʉ'te jã'apãani ka'chanare soni rao jo'e ũcuare repana asajʉ'te i'kajʉ̃'ʉ, repaʉni ja'me chʉ'vaa'jʉ. Repaʉ cho'osi'e asa kʉakainapi chotena jã'apãani te'eka'chapana pa'ito re'omʉ.

San Mateo 18:35

Chini Jesús jo'e cheke ija'che i'kasi'kʉa'mʉ: —Chʉ'ʉ Ja'kʉ Cʉnaʉmʉ Pa'ikʉ ũcuaja'che cho'oja'mʉ mʉsanʉkonare, chekʉna cu'ache cho'osi'ere mʉsanʉkonapi cavesʉma'ñe cuasato —chiisi'kʉa'mʉ.

San Mateo 5:44

Chʉ'ʉta'ni ija'che chʉ̃'ʉmʉ mʉsanʉkonare: Mʉsanʉkonare cuhenare oijʉ pa'ijʉ̃'ʉ. Mʉsanʉkonare cu'ache i'kanare Dioni re'oja'chere sẽekaijʉ̃'ʉ. Ũcuachi'a mʉsanʉkonare cu'ache cho'onare sãiñe re'oja'che cho'okaijʉ pa'ijʉ̃'ʉ.

San Mateo 6:12

Chʉkʉna cu'ache cho'oche jo'e cuasamanejʉ̃'ʉ, chʉkʉna'te pãi cu'ache cho'osi'e chʉkʉna jo'e cuasama'ñeja'ñe.

San Lucas 17:5

Ũcuarʉmʉ Jesús neena jo'e i'kaasome repaʉ'te. —Diore na'a rʉa cuasañu chiime chʉkʉna. Repaʉ, “Mʉsanʉkonare si'arʉmʉ cho'okaija'mʉ chʉ'ʉ”, chiisi'ere cavesʉmairo na'a rʉa cuasañu chiime chʉkʉna. Chʉkʉna'te cho'okaijʉ̃'ʉ —chiniasome repana.

Romanos 12:20

Jo'e ija'che kʉamʉ Dios chʉ'o: Mʉ'ʉre cuhekʉji, “Ãucuhamʉ chʉ'ʉre”, chiito ãu ãujʉ̃'ʉ repaʉ'te. Ũcuaja'che, “Okoʉamʉ chʉ'ʉre”, chiito oko ũkuajʉ̃'ʉ repaʉ'te. Jã'aja'ñe mʉsanʉkonapi repaʉ'te re'oja'che cho'oru Diopi repaʉ'te sãiñe cu'ache ti'jñejañe chʉ̃'ʉkaija'mʉ, chiimʉ.