San Lucas 17:3 - Koreguaje

³ Ñarepajʉ pa'ijʉ̃'ʉ, mʉsanʉkona. Mʉ'ʉre kueñe pa'ikʉji mʉ'ʉ majapãiʉja'iʉ pa'iʉ mʉ'ʉni cu'ache cho'oto chʉ'vajʉ̃'ʉ repaʉ'te, jo'e cho'omanea'kʉ. Chʉ'vakʉna, “Cu'ache cho'osi'kʉa'mʉ chʉ'ʉ. Jo'e jã'aja'ñe cho'ocuhemʉ chʉ'ʉ”, chiito repaʉ cu'ache cho'osi'e jo'e cuasamanejʉ̃'ʉ.

San Lucas 17:3 Iomraidhean Croise

San Mateo 18:21

Ũcuarʉmʉ Pedro na'a kueñe sani Jesure ija'che sẽesi'kʉa'mʉ: —Chʉkʉna'te Paakʉ, chekʉrʉmʉ chʉ'ʉ majapãiʉja'iʉji chʉ'ʉni cuhama'ñe cu'ache cho'oto, ¿jetopʉñoã cuasamaneja'ñe chʉ'ʉ repaʉ cho'oche? ¿Sieterepañoãjatʉ'ka? —chiisi'kʉa'mʉ.

San Lucas 21:34

’Ñarepajʉ pa'ijʉ cu'achejẽ'e cho'omairo pa'ijʉ̃'ʉ mʉsanʉkona. Cu'achejẽ'e cho'oma'ñe, conojẽ'e jũ'ima'ñe, mʉsanʉkona pa'ichejẽ'e rʉarepa cuasama'ñe pa'ijʉ̃'ʉ. Jã'are cho'ojʉ mʉsanʉkonapi chʉ'ʉ raijachejẽ'e cuasama'ñe vesʉ pani chʉ'ʉpi tãupa tãiñeja'ñe teana na'mi rakʉna ña kʉkʉsõjanaa'me mʉsanʉkona. Jã'ajekʉna chʉ'ʉni cha'ajʉ re'oja'che pa'ijʉ̃'ʉ mʉsanʉkona. Chʉ'ʉpi cuasoma'ñe rakʉna pãi cu'ache pa'ina ũcuanʉko ña kʉkʉsõjanaa'me.

Efesios 5:15

Jã'ajekʉna ñamema'ñe si'arʉmʉ re'oja'che cho'ojʉ pa'ijʉ̃'ʉ. Pa'ivesʉna pa'icheja'che pa'imanejʉ̃'ʉ; pa'imasina pa'iche pa'ijʉ̃'ʉ.

Hebreos 12:15

Sãiñechi'a kuirajʉ pa'ijʉ̃'ʉ, cu'ache cuasokʉna te'eʉjẽ'e Dios oiʉ cho'okaisi'ere cuhejʉ chekʉnani eo ãuñeja'ñe cu'ache cho'ojʉ cacʉ'omaneñu chini.

Santiago 5:19

Asarepajʉ̃'ʉ, chʉ'ʉ majapãijana. Mʉsanʉkonare ja'me pa'ikʉji Dios chʉ'o ũcuarepa chʉ̃'ʉñe'te masi cho'omaʉ ma'a cavesʉsõ tĩiñe saicheja'che cu'ache pa'iva'ʉni chekʉpi cho'okaiʉna jo'e repava'ʉpi re'oja'che saito repaʉ'te cho'okaisi'kʉ vati toa sani uuche ʉ̃sekaichena'me repaʉ cu'ache cho'osi'ere Diopi tʉnosõ cuasamanea'kʉ chini cho'okaisi'kʉ pa'iche masijʉ̃'ʉ. Re'omʉ. Santiago

2 San Juan 1:8

Jã'ajekʉna ñarepajʉ pa'ijʉ̃'ʉ. Mʉsanʉkonapi pãi jorena i'kachʉ'ore asa chẽato Dios re'oja'che ĩsira Chiisi'kʉ ĩsimaneja'mʉ mʉsanʉkonare. Jã'ata'ni mʉsanʉkonapi pãi jorena chʉ'o asa chẽama'ñe re'oja'che pa'ito mʉsanʉkonare re'oja'che pa'iche karama'ñe ĩsija'mʉ Dios.