San Lucas 17:19 - Koreguaje

¹⁹ Chini Jesús repaʉ'te co'isi'kʉre i'kaasomʉ. —Chura vʉni saijʉ̃'ʉ. “Ikʉ Jesús chʉ'ʉre vasoja'mʉ”, chini cuasasi'kʉjekʉ vajʉcuhasi'kʉa'mʉ mʉ'ʉ —chiniasomʉ Jesús.

San Lucas 17:19 Iomraidhean Croise

San Mateo 9:22

Jã'ata'ni Jesús repaoji chẽaona chʉri ña ija'che i'kasi'kʉa'mʉ repao'te: —Mʉ'ʉva'o, pojoko pa'ijʉ̃'ʉ. “Ikʉ chʉ'ʉre vasoja'mʉ”, chiio cuasakojeko vajʉja'mo mʉ'ʉ —chiisi'kʉa'mʉ Jesús repao'te. Ũcuarʉmʉpi teana te'erʉmʉ vajʉasomo repao.

San Marcos 10:52

Chikʉna Jesús jo'e i'kaasomʉ. —“Jesús chʉ'ʉre vasoja'mʉ”, chini cuasasi'kʉjekʉna mʉ'ʉ ñakocaã ñoja'mʉ mʉ'ʉre. Chura mʉ'ʉ vajʉ saijʉ̃'ʉ —chiniasomʉ Jesús repaʉ'te. Jesupi jã'aja'ñe i'kaʉna repaʉ ñakocaã teana care'osoasomʉ. Care'oʉna Jesure jovo ja'me saniasomʉ repaʉ na'ava'ʉ pa'isi'kʉ.

San Marcos 5:34

Kʉaona asa Jesús i'kaasomʉ repao'te. —Mʉ'ʉva'o, “Ikʉ chʉ'ʉre vasoja'mʉ”, chiio cuasasi'kojeko vajʉcuhasi'koa'mo mʉ'ʉ. Sani re'oja'che pa'ijʉ̃'ʉ chura —chiniasomʉ Jesús repao'te.

San Lucas 18:42

Chikʉna Jesús i'kaasomʉ. —Mʉ'ʉ ñakocaã ñoa'kʉ mʉ'ʉre. “Jesús chʉ'ʉre vasoja'mʉ”, chini cuasasi'kʉjekʉ vajʉcuhamʉ mʉ'ʉ chura —chiniasomʉ Jesús repaʉ'te.

San Lucas 7:50

Chitena repao'te jo'e i'kaasomʉ repaʉ. —Chʉ'ʉni cuasakona mʉ'ʉ cu'ache cho'oche tʉnosõkaisi'kʉjekʉ vati toa uuche ʉ̃seja'mʉ chʉ'ʉ mʉ'ʉre. Sani re'oja'che pa'ijʉ̃'ʉ mʉ'ʉ —chiniasomʉ Jesús repao'te.

San Lucas 8:48

Kʉaona asa Jesús i'kaasomʉ repao'te. —Jmava'o, “Ikʉ chʉ'ʉre vasoja'mʉ”, chiio cuasasi'kojeko vajʉcuhasi'koa'mo mʉ'ʉ. Sani re'oja'che pa'ijʉ̃'ʉ chura —chiniasomʉ Jesús repao'te.