San Lucas 17:16 - Koreguaje

¹⁶ Jã'aja'ñe i'kakʉ co'i, Jesús pa'ichejana tĩ'a, repaʉni pojokʉ repaʉ ti'jñeñe meñe sime ñu'iʉ, “Re'orepamʉ”, chiniasomʉ repaʉ. Samaria cheja cakʉ paniasomʉ repaʉ asi ravʉ jũ'isi'kʉ.

San Lucas 17:16 Iomraidhean Croise

San Mateo 10:5

Reparʉmʉ Jesús chʉkʉna'te repaʉ chẽasinare docerepanare Dios chʉ'ore chʉ'vaa'jʉ chini saopi'rakʉ ija'che chʉ'vasi'kʉa'mʉ: —Judío peona pa'ichejña saimanejʉ̃'ʉ mʉsanʉkona. Ũcuachi'a Samaria cheja pa'ijoopoã saimanejʉ̃'ʉ.

San Mateo 2:11

Jã'aja'ñe canʉkaʉna ña ũcuavʉ'ena kaka chĩiva'ʉna'me pʉka'ko María'te ñaasome repana. Repava'ʉre ña ro're ñu'ijʉ pojoasome repana repaʉ'te. Pojocuha repana rasi'e cãjovʉã vata pachokurina'me sũkima'ñana'me chekʉñʉãquee ma'ña ĩsiasome repana repava'ʉre chĩiva'ʉre.

San Marcos 5:33

Ñakʉna repao jũ'isi'ko vajʉchʉko kurukuruo repao'te vasosi'e masiko rani repaʉ'te ti'jñeñe ro're ñu'io peore kʉaasomo repaʉ'te.

San Lucas 17:17

Jã'aja'ñe pojokʉ i'kaʉna Jesús i'kaasomʉ. —Asi ravʉ jũ'inare, dierepanare vasosi'kʉa'mʉ chʉ'ʉ. Chekʉna nueverepanata'ni co'i, “Re'orepamʉ”, chiima'me chʉ'ʉre.

San Lucas 5:8

Jã'aja'ñe cho'oʉna ña Simón Pedro Jesure ti'jñeñe ro're ñu'iʉ ija'che i'kaasomʉ: —Pãi Ũcuanʉkore Paakʉ, cu'ache pa'ikʉ'mʉ chʉ'ʉ. Jã'ajekʉna jo'ka saijʉ̃'ʉ chʉ'ʉre —chiniasomʉ.

San Juan 4:9

Chikʉna i'kaasomo repao. —¿Je'se pa'iʉna mʉ'ʉ chʉ'ʉre Samariapãioni judíopãiʉji okore sẽekʉ? Tĩiñe cho'omʉ mʉ'ʉ —chiniasomo repao. (Judíopãipi Samariapãire cutucuheme. Jã'ajekʉna repaʉ i'kache'te asa jñano jã'aja'ñe i'kaasomo repao.)

San Juan 8:48

Ũcuarʉmʉ judío aina i'kasinaa'me repaʉ'te Jesure. —“Samariapãiʉjekʉ vatire paamʉ mʉ'ʉ”, chiijʉ chʉ'o ũcuarepare i'kame chʉkʉna —chiisinaa'me repana.

Los Hechos 1:8

Ie chʉ'ʉ i'kache asa chẽajʉ̃'ʉ: Mʉsanʉkonare Dios Rekocho raipi'ramʉ. Rani ja'me pa'iʉ Ũcuarekochoji cho'okaija'mʉ mʉsanʉkonare, chʉ'ʉ pa'iche'te chekʉnani masi kʉaa'jʉ chini. Ũcuaʉji cho'okaiʉna chʉ'ʉ pa'iche masi kʉajanaa'me mʉsanʉkona ijoopo Jerusalén vʉ'ejoopo pa'inare peore, icheja Judea cheja pa'inare, ũcuachi'a Samaria cheja pa'inare. Mʉsanʉkonapi kʉajʉna si'achejñarʉã rʉa so'ña pa'ina pãi peore asajanaa'me chʉ'ʉ pa'iche —chiniasomʉ Repaʉ.

1 Corintios 14:25

Repaʉ rekocho te'eʉ cu'ache cuasasi'ere sʉma'ñe cuasa ro're ñu'iʉ, Dioni pojokʉ, “Ja'kʉ, inare ja'me pa'iʉ re'oja'che cho'okaikʉ'mʉ mʉ'ʉ”, chiija'mʉ repaʉ.

El Apocalipsis 19:10

Chikʉna asa repaʉni pojora chini repaʉ ti'jñeñena ro're pʉʉ ñu'iʉna ija'che i'kasi'kʉa'mʉ repaʉ chʉ'ʉre: “¡Jã'aja'ñe cho'omanejʉ̃'ʉ! Mʉ'ʉna'me mʉ'ʉ majapãijana Jesucristoni cuasajʉ Repaʉ pa'iche'te kʉajʉ cu'ache ti'jñecojñonata'ni Repaʉ'te cuasache ũhasõma'ñe Repaʉ chʉ̃'ʉñe cho'okaijʉ pa'iche'te ũcuare cho'okaikʉ'mʉ chʉ'ʉ. Diorechi'a ro're pʉʉ ñu'iʉ pojojʉ̃'ʉ”, chiisi'kʉa'mʉ repaʉ chʉ'ʉre. Dios chʉ'o aperʉmʉ kʉasinapi Jesús pa'ijache kʉajʉ tocha jo'kaasome.

El Apocalipsis 5:14

Jã'aja'ñe i'karena asa vajʉpãi, “Jã'aja'ñe paaʉ”, chiisinaa'me. Ainapi ro're pʉʉ ñu'ijʉ Diore Si'arʉmʉ Pa'ikʉni pojosinaa'me.