San Lucas 15:7 - Koreguaje

⁷ Asarepajʉ̃'ʉ, mʉsanʉkona. Chekʉrʉmʉ pãi re'ona noventa y nueverepana pa'ime. Re'onajejʉna cu'ache cho'oche ũhañe chiima'mʉ repanare. Jã'aja'ñe pa'ijʉna cʉnaʉmʉ pa'ina rʉa pojome repanare. Jã'ata'ni pãiʉ te'eʉji repaʉ cu'ache cho'oche'te ũhasõru cʉnaʉmʉ pa'ina na'a rʉa pojome repaʉ'te —chiniasomʉ Jesús repanare.

San Lucas 15:7 Iomraidhean Croise

San Mateo 18:13

Sani ku'ekʉ pa'iʉ jñaani chekʉva'nare noventa y nueverepanare cavesʉmanesiva'nare na'a rʉa pojomʉ mʉ'ʉ repava'ʉre. Pojokʉ repava'ʉre mini kuãa ramʉ mʉ'ʉ. Ũcuarepaa'me jã'a.

San Mateo 3:8

Mʉsanʉkona cu'ache cho'oche'te ũhasõ re'oja'che pa'ijʉ Dios chʉ̃'ʉñe'te cho'ojʉ pa'ijʉ̃'ʉ. Mʉsanʉkonapi re'oja'che pa'ito chekʉnapi ñani, “Ina cu'ache cho'oche ũhasõsinajejʉ re'oja'che pa'ime”, chiijanaa'me mʉsanʉkonare.

San Lucas 15:10

Ũcuaja'che pãiʉ te'eʉji repaʉ cu'ache cho'oche'te ũhasõru ángeles Diore ja'me pa'ina rʉa pojome —chiniasomʉ Jesús repanare.

San Lucas 15:29

Jã'aja'ñe chʉ̃'ʉkʉna pʉka'kʉre ija'che i'kaasomʉ repaʉ: “Mʉ'ʉ chʉ̃'ʉñe jmamakarʉjẽ'e jachama'ñe rʉa jeerʉmʉ cho'okʉ pa'ikʉ'mʉ chʉ'ʉ. Jã'ata'ni mʉ'ʉ chʉ'ʉre jmamakarʉjẽ'e chivochĩiva'ʉrejẽ'e ĩsima'kʉa'mʉ. ‘Mʉ'ʉ ja'me pa'inana'me pojokʉ fiesta cho'ojʉ̃'ʉ’, chiima'kʉa'mʉ.

San Lucas 15:32

Mʉche'ʉva'ʉta'ni jũnisõsiva'ʉja'che peocheja pa'isiva'ʉpi co'icuhasi'kʉa'mʉ. Ũcuaja'che sani cavesʉsõsiva'ʉja'che peocheja pa'isiva'ʉpi co'icuhasi'kʉa'mʉ jo'e. Jã'ajekʉna pojokʉ fiesta cho'omʉ chʉ'ʉ”, chiniasomʉ repaʉ —Jã'aja'ñe chʉ'vaasomʉ Jesús repanare pãi.

San Lucas 15:6

Rani tĩ'a mʉ'ʉre re'onana'me mʉ'ʉre kueñe pa'inare soni, “Ovejava'ʉre cavesʉsiva'ʉre ku'e jñaacuhasi'kʉa'mʉ chʉ'ʉ. Jñaa pojosõmʉ chʉ'ʉ. Ja'me pojokaijʉ̃'ʉ chʉ'ʉre”, chiimʉ mʉ'ʉ.

San Lucas 15:8

Chini Jesús jo'e chʉ'vaasomʉ repanare. —Chekʉrʉmʉ romio kurire're dierepare're paakoji te'ere'reva cho'osõmo. Cho'osõ, repare'reva'te ku'e jñaara chini ʉopʉ chʉ̃o, rʉa masi ku'eko peore vʉ'e jʉ'omo repare'reva jñaañetʉ'ka.

San Lucas 16:15

Sojʉna Jesús ija'che i'kaasomʉ repanare: —Pãi re'ona cho'ocheja'che sẽ'sevʉchi'a re'oja'che cho'onaa'me mʉsanʉkona, chekʉnapi ña, “Re'onaa'me ina”, chiapʉ chini. Jã'ata'ni Dios mʉsanʉkona rekoñoã cu'ache cuasache ñakʉ'mʉ. Jã'aja'ñe pa'inare ñani pojoma'kʉa'mʉ Dios. Jã'aja'ñe pa'iche rʉa cuhemʉ Repaʉ. Pãita'ni jã'aja'ñe pa'inare ñani pojome —chiniasomʉ Jesús repanare.

San Lucas 5:32

Chʉ'ʉ ũcuaja'che pãi, “Re'onaa'me chʉkʉna”, chiinani, “Cu'ache cho'oche ũhasõ re'oja'che pa'ijʉ̃'ʉ”, chisa chini cajesi'kʉma'mʉ icheja cheja. Pãi, “Cu'ache pa'inaa'me chʉkʉna”, chiiva'narechi'a, “Mʉsanʉkona cu'ache cho'oche ũhasõ re'oja'che pa'ijʉ̃'ʉ”, chisa chini cajesi'kʉa'mʉ chʉ'ʉ —chiniasomʉ repaʉ.

Romanos 7:9

Aperʉmʉ Dios chʉ̃'ʉsi'e chʉ'ʉ vesʉrʉmʉ, “Re'okʉ'mʉ chʉ'ʉ”, chini pojokʉ cuasasi'kʉa'mʉ. Jã'ata'ni Dios chʉ̃'ʉsi'e che'chesirʉmʉ masikʉta'ni cho'ocuhekʉ jachasi'kʉa'mʉ chʉ'ʉ. Jã'arʉmʉpi jachakʉna cuhekʉ sẽjosi'kʉa'mʉ Dios chʉ'ʉre. Dios maire jã'aja'ñe cho'oma'ñe paapʉ chini chʉ̃'ʉsi'kʉa'mʉ, maipi Ũcuaʉna'me re'oja'che paapʉ chini. Jã'ata'ni chʉ'ʉpi Repaʉ chʉ̃'ʉsi'ere asa jachakʉna cuhekʉ sẽjosi'kʉa'mʉ chʉ'ʉre.