San Lucas 15:16 - Koreguaje

¹⁶ Saoʉna sani pa'iʉ jo'chasẽsere kuirakʉna repaʉni rʉarepa ãucuhakʉna jo'chasẽse ãure ãni chajiʉakʉ'teta'ni repacheja pa'ina pãi te'eʉjẽ'e ãumaneasome repaʉ'te.

San Lucas 15:16 Iomraidhean Croise

San Mateo 7:6

Ũcuarʉmʉ Jesús jo'e ija'che chʉ'vasi'kʉa'mʉ: —Jamuchai kokaneenare Dios neemajñarʉã ĩsimanejʉ̃'ʉ, chekʉrʉmʉ repanapi chʉri kũ'ijʉ. Ũcuachi'a perlara'karʉã rʉa ro'ira'karʉã jo'chasẽse pa'ichejñana jo'kamanejʉ̃'ʉ, repara'karʉãna cha'o cha'casõjʉ. Ũcuachi'a pãi repana cu'ache cho'oche ũhacuhenare Dios chʉ'o re'oja'che chʉ'vamanejʉ̃'ʉ. Chekʉrʉmʉ repana mʉsanʉkonapi chʉ'vato jo'chasẽse cho'ocheja'che Dios chʉ'o re'oja'chere si'si cho'ocheja'che cu'ache i'kajanaa'me —chiisi'kʉa'mʉ repaʉ.

San Lucas 15:15

Repaʉni peore karakʉna ũcuacheja pa'ikʉ'te pãiʉ'te sani cho'oche'te sẽniasomʉ repaʉ cho'oche'te cho'okʉ ãure ãsa chini. Cho'oche'te sẽkʉna repaʉ'te jo'chasẽse kuirache'te jo'ka cu'ava'na pa'ichejana saoasomʉ repaʉ.

San Lucas 15:17

Na'a pa'iʉ rũhiñe cuasa, te'eʉji ija'che i'kaasomʉ repaʉ: “Chʉ'ʉ ja'kʉre cho'oche cho'okaina ãu karama'ñe paajʉ ãijʉna cajejaisi'e pa'ito chʉ'ʉva'ʉta'ni ichejare rani pa'iʉ ãucuhare jũ'iʉ pa'imʉ.