San Lucas 13:19 - Koreguaje

¹⁹ Ija'che kʉara: Mostazara'karʉ rʉa jmara'karʉ'me. Jã'ata'ni pãipi mostazara'karʉ'te tãru sũkiñʉ ʉjañʉji rʉa ka pa'iñʉ aineeʉna ũcuañʉna pĩ'ava'na chĩisʉo suhame. Ũcuaja'che Dios chʉ̃'ʉñe cho'ona te'eva'na pa'ime chura. Jã'ata'ni pãipi Dios chʉ'ore chʉ'vajʉna jainʉko asa chẽa jovojʉna, Repaʉ'te cuasakuanupʉ si'arʉmʉ na'a rʉa jainʉko jovome —chiniasomʉ Jesús repanare.

San Lucas 13:19 Iomraidhean Croise

San Mateo 17:20

Chitena i'kasi'kʉa'mʉ repaʉ. —Dioni masi cuasamapʉna vatire eto saocu'asi'kʉa'mʉ mʉsanʉkonare. Mʉsanʉkonapi mostazara'karʉã rʉa jmara'karʉãja'ñe Diore jmamakarʉ cuasanapi, “Dios peore masikʉ'mʉ”, chini cuasajʉ ikũtire aikũtire, “Chekʉchejare kʉñʉ nʉkajʉ̃'ʉ”, chiito ikũti teana chekʉchejana kʉñʉra'amʉ. Mʉsanʉkonapi Dioni masi cuasarepato peore cho'ore'ochechi'a pa'ira'amʉ. Ũcuarepaa'me jã'a.

San Marcos 4:30

Ũcuarʉmʉ Jesús repanare pãi jo'e ija'che chʉ'vaasomʉ: —Dios chʉ̃'ʉñe cho'ona, ¿keeja'cheja'che pa'iche? Repana pa'iche'te kʉara chini, ¿keeja'chere cuasakʉ kʉaja'che chʉ'ʉ?

San Lucas 17:6

Jã'aja'ñe i'karena Jesús i'kaasomʉ. —Mostazara'karʉ rʉa jmara'karʉ'me. Jã'ata'ni repara'karʉ'te tãru sũkiñʉ ʉjañʉ aineemʉ. Mʉsanʉkona ũcuaja'che jmamakarʉ Diore cuasanata'ni Repaʉchi'a cho'omasiche'te cho'ojanaa'me. Mʉsanʉkonapi, “Dios peore masikʉ'mʉ”, chini cuasajʉ iñʉre sicómoroñʉ'te, “Rʉ̃ni sani chiara joopona nʉkajʉ̃'ʉ”, chiito mʉ'ʉ chʉ̃'ʉñe cho'omʉ iñʉ —chiniasomʉ Jesús.

Los Hechos 2:41

I'ka pi'niʉna repaʉ chʉ'vache asa chẽasinachi'a Jesucristoni cuasajʉ jovo okoro'vecojñoasome. Repaumucuse pãi chekʉrʉmʉ tres milrepana chekʉnani Jesucristo'te cuasanani jovoasome.

Los Hechos 21:20

Kʉaʉna asa Diore, “Ja'kʉ, rʉa re'okʉ'mʉ mʉ'ʉ”, chiijʉ pojosinaa'me repana. Jã'aja'ñe i'ka pi'ni Pablo'te ija'che i'kasinaa'me repana: —Chʉkʉna majapãiʉ, asarepajʉ̃'ʉ. Judíopãi ũcuaja'che Jesure cuasana jainʉkoa'me. Diopi chʉ̃'ʉʉna Moisés aperʉmʉ tocha jo'kasi'ere ũcuanʉko rʉa chiijʉ cho'ome repana.

Los Hechos 4:4

Jã'ata'ni pãi jainʉko repana chʉ'vasi'e asa chẽasina Jesucristoni cuasajʉ jovoasome. Jã'aja'ñe jovorena chura Jesucristo'te cuasana ʉmʉpãichi'a kuẽkue ñato peore chekʉrʉmʉ cinco milrepana pa'icosome.

Romanos 15:19

Dios Rekochoji cho'okaiʉna Diochi'a cho'omasiche'te cho'osi'kʉa'mʉ chʉ'ʉ, pãipi Dios pa'iche'te ña masia'jʉ chini. Jã'aja'ñe cho'okʉ Jerusalén vʉ'ejoopoji eta sani si'achejñarʉã ku'iʉ Ilírico chejajatʉ'ka Jesucristo'te cuasache kʉachʉ'ore chʉ'va pi'nicuhamʉ chʉ'ʉ.

El Apocalipsis 11:15

Ũcuarʉmʉ chʉ'ʉ jo'e chekʉpi ángelpi cuhacho juhikʉji repaʉ trompetavʉ'te jukʉna chʉ'o rʉa ʉjachʉ'o cʉnaʉmʉpi ija'che i'kache'te asasi'kʉa'mʉ: Maire Paakʉ Dios Repaʉ cheja Raosi'kʉ Cristona'me pãi cheja pa'inare ũcuanʉkore cuhama'ñe si'arʉmʉ chʉ̃'ʉkʉ pa'ija'mʉ, chiisi'kʉa'mʉ.