San Lucas 13:16 - Koreguaje

¹⁶ Pʉaumucujñana jã'aja'ñe cho'ocheta'ni ʉ̃semanaa'me mʉsanʉkona. Iko Abraham aperʉmʉ pa'isi'kʉ jojocojñosi'koa'mo. Vati aipi dieciochorepaʉ̃sʉrʉmʉ chẽa paamʉ ikore. ¿Je'se cuasa mʉsanʉkona pʉaumucusena vasoche ʉ̃seche ikore? Cu'ava'narechi'a oinaa'me mʉsanʉkona. Pãita'ni oimanaa'me —chiniasomʉ Jesús repaʉ'te.

San Lucas 13:16 Iomraidhean Croise

San Mateo 4:10

Chikʉna Jesús i'kaasomʉ repaʉ'te. —¡Vati ai, saijʉ̃'ʉ mʉ'ʉ! Dios chʉ'o tocha jo'kasi'e ija'che kʉamʉ: Diore Pãi Ũcuanʉkore Paakʉ'techi'a, “Peore masikʉ'mʉ mʉ'ʉ”, chiijʉ cuasajʉ pojojʉ Repaʉ chʉ̃'ʉñechi'a cho'ojʉ pa'ijʉ̃'ʉ mʉsanʉkona pãi, chiimʉ —chiniasomʉ Jesús repaʉ'te.

San Marcos 2:27

Ũcuarʉmʉ Jesús jo'e ija'che i'kaasomʉ repanare: —Aperʉmʉ Dios pãi ũcuanʉkore pʉaumucujña jo'kaasomʉ. Chareparo Dios pãire cho'oasomʉ. Repanare cho'o pi'ni pʉaumucujña jo'kaasomʉ, pʉaa'jʉ chini. Pa'ivesache'te jo'kamaʉ pa'ire'oumucujñachi'a jo'kaasomʉ Repaʉ.

San Lucas 16:24

Ña cuikʉ Abrahamre ija'che i'kaasomʉ repaʉ: “Ja'kʉ Abraham, chʉ'ʉva'ʉre oijʉ̃'ʉ. Lázaro'te chʉ'ʉre raojʉ̃'ʉ, repaʉ mʉoño chã'tirona okopi chʉ̃ʉ ra chʉ'ʉ chemeñona noʉna asucheji chʉrʉa'kʉ. Toare chʉova'ʉ uukʉ pa'imʉ chʉ'ʉ”, chiniasomʉ repaʉ kuriʉ pa'isi'kʉ Abrahamre.

San Lucas 19:9

Chikʉna Jesús i'kaasomʉ repaʉ'te. —Mai aipãiʉ Abraham jojosi'kʉa'mʉ mʉ'ʉ. Iumucuse ivʉ'e pa'inare mʉsanʉkonani oiʉ chẽamʉ Dios, jũnisõsirʉmʉ vati toana saimanea'jʉ chini.

San Lucas 3:8

Mʉsanʉkona cu'ache cho'oche'te ũhaso re'oja'che pa'ijʉ Dios chʉ̃'ʉñe'te cho'ojʉ pa'ijʉ̃'ʉ. Mʉsanʉkonapi re'oja'che pa'ito chekʉnapi ñani, “Ina cu'ache cho'oche ũhasosinajejʉ re'oja'che pa'ime”, chiijanaa'me mʉsanʉkonare. Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

San Juan 8:44

Mʉja'kʉa'mʉ jã'ʉ vati ai. Repaʉ neenajejʉ repaʉ chiichechi'a cho'oñu chiime mʉsanʉkona. Mamarʉmʉpi vʉa pãi vaikʉ'mʉ repaʉ. Chʉ'o ũcuarepa cuhekʉjekʉ si'arʉmʉ jorekʉ'mʉ repaʉ. Jore aia'mʉ repaʉ. Jore aijekʉ joreni repaʉ cho'oche'te cho'omʉ. Repaʉ pa'iche'me jã'a. Jã'ajekʉna pãi ũcuanʉko jorena pʉka'kʉa'mʉ repaʉ.

Los Hechos 13:26

’Chʉ'ʉ majapãi, ie chʉ'o mʉsanʉkonare Abraham jojosinana'me tĩipãi Repaʉ'te vajʉchʉnare raomʉ Dios, mʉsanʉkonapi asa chẽa Jesucristoni jovorena mʉsanʉkona rekoñoãre care'vakaaʉ chini.

2 Timoteo 2:26

Repanapi jã'aja'ñe cho'oni rũhiñe cuasajʉ re'oja'che pa'ijanaa'me, vati aipi paakʉ chʉ̃'ʉkʉna repana ũcuaʉache cu'ache cho'ojʉ pa'isi'ere jʉvomasijʉ.