San Lucas 12:43 - Koreguaje

^43-44 So'o saisi'kʉpi jo'e na'a pani rani ñato repaʉ'te cho'oche cho'okaikʉ, repaʉ chʉ̃'ʉ jo'kasi'e re'oja'che cho'okaniasomʉ. Re'oja'che cho'okakʉna repaʉ'te paakʉ rani ña pojokʉ repaʉ paakʉ chʉ̃'ʉsi'e cho'oche peore ũcuaʉni jo'kaasomʉ. Jã'aja'ñe jo'kaʉna rʉa pojoasomʉ repaʉ'te cho'oche cho'okaikʉ.

San Lucas 12:43 Iomraidhean Croise

San Mateo 24:46

Sani pa'isi'kʉpi na'a pa'isirʉmʉna jo'e rani ñato repaʉ'te cho'oche cho'okaiva'ʉ, repaʉ chʉ̃'ʉ jo'kasi'e re'oja'che cho'okaiʉ paniasomʉ. Jã'aja'ñe re'oja'che cho'okaisi'ere co'i ña repaʉ'te paakʉ pojokʉ repaʉ paache peore ũcuaʉni jo'kaasomʉ, chʉ̃'ʉkaiʉ paaʉ chini.

San Lucas 12:37

Cho'oche cho'okainapi kãima'ñe repanare paakʉni cha'ajʉ peore re'oja'che care'varu rani ña rʉa pojoja'mʉ repaʉ. Cho'oche cho'okainare kãima'ñe care'vakaisinajejʉna ña pojokʉ re'oja'che cho'okaija'mʉ repanare paakʉ. Charo cho'oche cho'okãña sa'che, repanare soni rao, pʉʉrena ãu ãuja'mʉ repaʉ.

San Lucas 12:42

Chikʉna Jesús i'kaasomʉ repaʉ'te. —Cho'oche cho'okaikʉ cho'osi'ere kʉara chiimʉ chʉ'ʉ. Cho'oche cho'okaikʉ rũhiñe cuasakʉjekʉ repaʉ'te paakʉ chʉ̃'ʉ jo'kasi'e ũcuarepa cho'oasomʉ. Jã'aja'ñe cho'oʉna repaʉ'te paakʉ so'ona saipi'rakʉ ũcuaʉni cho'oche jo'kaasomʉ, chekʉnani cho'oche cho'okainani kuirakʉ repana ãijañere ãure ĩsikʉ paaʉ chini. Repanare jo'ka so'ona sanisõasomʉ repaʉ.

2 San Pedro 3:14

Jã'ajekʉna, chʉ'ʉ majapãijana, jã'are cha'ajʉ peore cho'ore'ochetʉ'ka Repaʉna'me re'oja'che pa'ijʉ, re'oja'chere cuasajʉ cu'ache peona pa'ijʉ̃'ʉ, Diopi re'oja'che pa'inani rani ñaa'kʉ.