San Lucas 12:30 - Koreguaje

³⁰ Pãi Diore cuasamana jã'amajñarʉãchi'a si'arʉmʉ rʉa cuasajʉ pa'ime. Jã'ata'ni mʉsanʉkona chiimajñarʉã, “Ina chʉ'ʉre cuasana jã'amajñarʉãre chiime”, chiiʉ masimʉ mai Ja'kʉ Dios.

San Lucas 12:30 Iomraidhean Croise

San Mateo 10:20

Mʉsanʉkona te'ena cuasajʉ i'kama'ñe mai Ja'kʉ Dios Rekochoji cho'okaiʉna masi i'kajanaa'me repanare.

San Mateo 18:14

Mai Ja'kʉ Dios Cʉnaʉmʉ Pa'ikʉ ũcuaja'che, Repaʉ'te cuasanare vesʉva'nare iva'nare chĩiva'nare oicheja'che oiʉ te'eʉ'terejẽ'e vati toana saapʉ chiima'mʉ —chiisi'kʉa'mʉ repaʉ.

San Mateo 5:47

Ũcuachi'a Diore cuasamana pãi ũcuanʉkore chẽse pojoma'ñe repanare re'onarechi'a chẽse pojojʉ pa'ime. Mʉsanʉkonata'ni mʉsanʉkonare re'onarechi'a chẽse pojojʉ pa'ima'ñe mʉsanʉkona ñamanarejẽ'e chẽse pojojʉ pa'ijʉ̃'ʉ, Diopi pojoa'kʉ.

San Mateo 6:1

Ũcuarʉmʉ Jesús chʉkʉna'te repaʉ neenare ija'che chʉ'vasi'kʉa'mʉ: —Mʉsanʉkonapi chekʉnani re'oja'che cho'okañu chini rupʉ chekʉnapi pãipi ñaa'jʉ chini re'oja'che cho'ojʉ pa'imanejʉ̃'ʉ. Mʉsanʉkonapi jã'aja'ñe cho'ojʉ pa'ito Dios mai Ja'kʉ Cʉnaʉmʉ Pa'ikʉ mʉsanʉkonare re'oja'che cho'osi'e ro'i jmamakarʉjẽ'e ĩsimaneja'mʉ.

San Mateo 6:32

Pãi Diore cuasamana jã'amajñarʉã peore si'arʉmʉ rʉa cuasajʉ pa'ime. Mʉsanʉkona chiimajñarʉã mai Ja'kʉ Dios Cʉnaʉmʉ Pa'ikʉ, “Ina chʉ'ʉre cuasana jã'amajñarʉã chiime”, chiiʉ masimʉ.

San Mateo 6:8

Repana cho'ocheja'che cho'omanejʉ̃'ʉ mʉsanʉkona. Mʉ'ʉ chuta'a Repaʉ'te sẽemarʉmʉna mʉ'ʉ chiiche masimʉ Dios.

San Lucas 12:29

Jã'ajekʉna mʉsanʉkona ãu ãijañena'me ũkujache si'areparʉmʉ cuasama'ñe pa'ijʉ, “Chʉkʉna chiiche peore ĩsikʉ'mʉ Dios”, chiijʉ cuasajʉ pa'ijʉ̃'ʉ.

San Lucas 12:31

Jã'ajekʉna jã'amajñarʉã rʉarepa cuasama'ñe pa'ijʉ Repaʉ chʉ̃'ʉñe'te na'a rʉa cuasajʉ cho'ojʉ pa'ijʉ̃'ʉ. Ũcuare Repaʉ mʉsanʉkonare ãuna'me ũkuche peore ĩsimʉ —chiniasomʉ Jesús repaʉ neenare.

San Lucas 12:32

Ũcuarʉmʉ Jesús repaʉ neenare jo'e chʉ'vaasomʉ. —Te'eva'naa'me mʉsanʉkona. Jã'ata'ni pãi ovejava'nare re'oja'che kuiracheja'che re'oja'che kuiramʉ chʉ'ʉ mʉsanʉkonare. Jã'ajekʉna vajʉchʉmanejʉ̃'ʉ. Mai Ja'kʉ Dios re'oja'chere ĩsija'mʉ mʉsanʉkonare, Repaʉ pa'ichejana satena. Jã'aja'ñe cho'ora chiimʉ Dios mʉsanʉkonare.

San Juan 20:17

Jã'aja'ñe i'kaona i'kaasomʉ Jesús. —Chẽamanejʉ̃'ʉ chʉ'ʉre. Ja'kʉ pa'icheja chuta'a co'ima'kʉa'mʉ chʉ'ʉ. Jã'ajekʉna chẽamanejʉ̃'ʉ chʉ'ʉre. Jã'ata'ni chʉ'ʉ neenare chʉ'ʉ cho'jechĩija'ñe pa'inare co'i ija'che kʉakaijʉ̃'ʉ: “Jesús, ‘Chʉ'ʉ Ja'kʉ Dios pa'ichejana co'imʉ chʉ'ʉ. Repaʉ chʉ'ʉ Ja'kʉ ũcuachi'a Mʉja'kʉa'mʉ. Chʉ'ʉre paakʉ'mʉ Repaʉ. Ũcuachi'a mʉsanʉkonare Paakʉ'mʉ Repaʉ’, chiisi'kʉa'mʉ”, chiijʉ̃'ʉ repanare —chiniasomʉ repaʉ.

Efesios 4:17

Maire Paakʉji chʉ̃'ʉkʉna cu'ache cho'oma'ñe paapʉ chini kʉamʉ chʉ'ʉ mʉsanʉkonare. Ũcuamakarʉ Diore cuasamana pa'icheja'che pa'ijʉ̃'ʉ. Repana rekoñoã peoche cuasajʉ peoche pa'inaa'me repana.

1 Tesalonicenses 4:5

Romineema'ñe pa'ijʉ, Diore cuasamana cho'ocheja'che cu'ache cho'oneema'ñe pa'ijʉ̃'ʉ.