San Lucas 12:14 - Koreguaje

¹⁴ Chikʉna Jesús i'kaasomʉ repaʉ'te. —Tĩiñe i'kamʉ mʉ'ʉ. Pãi mʉsanʉkona ke'reche'te care'vaa'kʉ chini raomanesinaa'me chʉ'ʉre. Ũcuaja'che mʉja'kʉ jo'ka jũnisõsimajñarʉãre joopoãchi'a paache'te chʉ̃'ʉa'kʉ chini raomanesinaa'me chʉ'ʉre —chiniasomʉ Jesús repaʉ'te.

San Lucas 12:14 Iomraidhean Croise

San Lucas 12:13

Ũcuarʉmʉ repanare pãi ja'me pa'ikʉji i'kaasomʉ Jesure. —Masiʉ, cho'okaijʉ̃'ʉ chʉ'ʉre. Chʉkʉna ja'kʉ chuta'a jũ'imarʉmʉ ija'che i'kasi'kʉa'mʉ chʉkʉna'te, chʉ'ʉna'me a'chʉre: “Chʉ'ʉ jũnisosirʉmʉ chʉ'ʉ paasi'e chejana'me põse mʉsanʉkona ka'chana paajʉ̃'ʉ”, chiisi'kʉa'mʉ ja'kʉ. Chura ja'kʉva'ʉ jũnisocuhasi'kʉa'mʉ. Jã'ajekʉna chʉ'ʉ a'chʉre i'kakaijʉ̃'ʉ, ja'kʉ i'kasi'e cho'oa'kʉ, joopo ĩsia'kʉ chʉ'ʉre —chiniasomʉ repaʉ repaʉ'te.

San Lucas 22:58

Na'a pani chekʉ ña i'kaasomʉ Pedro'te. —Jesús neenare ja'me pa'ikʉ'mʉ mʉ'ʉ —chiniasomʉ repaʉ. Chikʉna Pedro i'kaasomʉ. —Pãakʉ'mʉ. Jã'anare ja'me pa'ima'kʉa'mʉ chʉ'ʉ —chiniasomʉ repaʉ.

San Lucas 5:20

“Iva'ʉre Jesús vasoja'mʉ”, chini cuasajʉ caso ũharena Jesús repana cuasasi'e ña i'kaasomʉ repava'ʉre. —Asarepajʉ̃'ʉ mʉ'ʉ. Mʉ'ʉ cu'ache cho'osi'e tʉnosõmʉ chʉ'ʉ. Tʉnosõsi'e jo'e cuasamaneja'mʉ chʉ'ʉ —chiniasomʉ Jesús repava'ʉre.

San Juan 6:15

Repanani chʉ̃'ʉa'kʉ chini repaʉ'te chẽa sañu chiijʉna masikʉ cuhekʉ aikũtina jo'e te'eʉ mʉisi'kʉa'mʉ repaʉ Jesús.

San Juan 8:11

Chikʉna repao i'kasi'koa'mo. —Te'eʉjẽ'e jã'aja'ñe i'kamanesinaa'me chʉ'ʉre —chiisi'koa'mo. Chikona i'kasi'kʉa'mʉ repaʉ. —Chʉ'ʉ ũcuaja'che, “Mʉ'ʉ cu'ache cho'osi'e ro'ijʉ̃'ʉ”, chiima'mʉ mʉ'ʉre. Chura sani mʉ'ʉ cu'ache cho'oche ũhasõ jo'e cho'omanejʉ̃'ʉ —chiisi'kʉa'mʉ Jesús repao'te.

Romanos 2:1

Repanare, cu'ache cho'onare ñajʉ ija'che cu'ache cutume mʉsanʉkona: “Cu'ache cho'onaa'me repana. Cu'ache ti'jñeto repana ro'ia'me”, chiime mʉsanʉkona. Jã'aja'ñe i'kanata'ni repana cho'ocheja'che cu'ache cho'onaa'me mʉsanʉkona. Jã'ajekʉna, “Jã'aja'ñe cho'ona cu'ache cho'onaa'me; cu'ache ti'jñea'kʉ repanare”, chini mʉsanʉkona cho'oche'te meñe i'kajʉ cu'ache cho'osi'e ro'iñu chini sẽeñeja'ñe cho'ome, ũcuaja'che cu'ache cho'onajejʉ.

Romanos 2:3

Jã'ajekʉna mʉsanʉkona ũcuaja'che cu'ache cho'onapi chekʉna cho'oche'te ñajʉ cu'ache cututo Dios ũcuaja'che mʉsanʉkonare ro'ijʉ paapʉ chini chʉ̃'ʉja'mʉ.

Romanos 9:20

Jã'aja'ñe i'kakʉ'te ija'che i'kaja'mʉ chʉ'ʉ: ¿Jeeja'iʉjekʉ mʉ'ʉre Cho'osi'kʉre Diore ke'rekʉ mʉ'ʉ? Pãiʉ'mʉ mʉ'ʉ. Churupʉji i'kamasini repapʉ tʉ̃osi'kʉre ija'che i'kamanera'amʉ: “¿Je'se pa'iʉna mʉ'ʉ chʉ'ʉre ija'ipʉ tʉ̃oʉ?”, chiimanera'amʉ.