San Lucas 11:47 - Koreguaje

⁴⁷ ’Aperʉmʉ Dios chʉ'o kʉasinare mʉsanʉkona aipãipi vanisõrena repanare tãsichejña sẽ'sevʉãre re'ojachejña care'vajʉ pa'ime mʉsanʉkona, pãipi ña, “Dios chʉ'o kʉajʉ chuenisõsinare oime ina”, chiapʉ chini.

San Lucas 11:47 Iomraidhean Croise

San Mateo 23:27

’Mʉsanʉkona judíopãi che'chonana'me fariseopãi pãiʉ'te tãsicheja catapʉ poja'che choasi'pʉre nʉkorena re'oja'che ñoñeja'ñe sẽ'sevʉchi'a re'onaja'ñe ñome. Jã'ata'ni mʉsanʉkona rekoñoã jũ'isi'kʉre tãsicoje sa'navʉ jã'jusi'ena'me tara pa'icheja'che cu'ache cuasanata'ni sẽ'sevʉchi'a re'onaja'ñe cho'ojʉna pãi ña, “Re'onaa'me ina”, chiime mʉsanʉkonare. Jã'aja'ñe cho'ojʉna rʉa cu'ache ti'jñeja'mʉ mʉsanʉkonare.

San Lucas 11:48

Jã'ata'ni repana kʉajʉ chʉ̃'ʉsi'e re'oja'che cho'omanaa'me mʉsanʉkona. Mʉsanʉkona aipãipi repanare vanisõrena repanare tãsichejñare re'ojachejña care'vajʉ mʉsanʉkona aipãi cu'ache cho'osi'eja'che cho'ome mʉsanʉkona. Jã'aja'ñe cho'ojʉna rʉa cu'ache ti'jñeja'mʉ mʉsanʉkonare.

Los Hechos 7:51

’Chʉ'ʉ, Esteban, mʉsanʉkonare ainare, iere i'kamʉ: Mʉsanʉkona pãi Dioni rʉa jachajʉ rekoñoã Diore vesʉna rekoñoãja'ñe paame. Jã'ajekʉna Dios chʉ'o asacuheme. Mʉsanʉkona aipãi pa'isina pa'icheja'che pa'ijʉ Dios Rekocho cho'okaiche cuhenaa'me mʉsanʉkona.

1 Tesalonicenses 2:15

Judíopãi ũcuanʉko Jesucristo'te cuhejʉ Repaʉ'te cuasanare ũcuachi'a cuheme. Dios chʉ'o kʉasinare apereparʉmʉ ũcuanapi vanisoasome. Maire Paakʉ'te Jesucristo'te ũcuachi'a vanisosinaa'me repana. Ũcuachi'a chekʉna judíopãi mʉsanʉkona pa'ijoopo cana Dios chʉ'o chʉ'vache'te ʉ̃sejʉ repajoopoji eto saosinaa'me chʉkʉna'te. Repana judíopãi ũcuanʉkore pãi cuhejʉ, “Judío peonapi asa chẽa re'oja'che pa'ijʉ”, chini si'arʉmʉ Dios chʉ'o kʉache ʉ̃seme. Jã'aja'ñe cho'ojʉ si'ache cu'ache cho'ojʉna pe'rukʉ, “Repana cu'ache cho'osi'e ro'i chʉ'ʉpi tʉnokaima'ñe ũcua cuasakʉna peore ro'ijanaa'me repana”, chiimʉ Dios repanare.