San Lucas 11:45 - Koreguaje

⁴⁵ Jã'aja'ñe i'kaʉna asa Dios chʉ̃'ʉsi'e che'chokʉ i'kaasomʉ Jesure. —Masiʉ, mʉ'ʉpi jã'aja'ñe i'kakʉ chʉkʉna'te ũcuaja'che Dios chʉ̃'ʉsi'e che'chonani cu'ache i'kamʉ mʉ'ʉ —chiniasomʉ.

San Lucas 11:45 Iomraidhean Croise

San Mateo 22:35

Chi'i repanare ja'me pa'ikʉ te'eʉ judíopãi che'chokʉji Jesure ija'che sẽesi'kʉa'mʉ, repaʉ masiche'te cho'o ñara chini:

San Lucas 11:46

Chikʉna asa Jesús jo'e i'kaasomʉ repaʉ'te. —Mʉsanʉkona Dios chʉ̃'ʉsi'e che'chona cho'okaimanata'ni chekʉnare rʉa si'ache cho'ovesache'te chʉ̃'ʉnaa'me. Jã'aja'ñe cho'ojʉna rʉa cu'ache ti'jñeja'mʉ mʉsanʉkonare.

San Lucas 11:52

’Mʉsanʉkona Dios chʉ̃'ʉñe che'chona Dios chʉ'o masinata'ni masi cho'oma'me. Ũcuaja'che chekʉnapi asa chẽapi'ranapi cho'ovesʉa'jʉ chini masi che'chomanaa'me mʉsanʉkona. Jã'aja'ñe cho'ojʉna rʉa cu'ache ti'jñeja'mʉ mʉsanʉkonare Dios chʉ̃'ʉñe che'chonare —chiniasomʉ Jesús repanare.

San Lucas 7:30

Jã'ata'ni fariseopãina'me judíopãi che'chona, Dios, “Mʉsanʉkona cu'ache cho'oche ũhasõjʉ̃'ʉ”, chiisi'e jachaasome. Dios chʉ̃'ʉñe'te jachajʉ Juanre okoro'vecojñocuheasome repana.

San Juan 7:48

Maire chʉ̃'ʉna te'eʉjẽ'e cuasama'me repaʉ'te. Ũcuachi'a chʉkʉna fariseopãi te'eʉjẽ'e cuasama'me repaʉ'te.

San Juan 9:40

Repaʉ i'kasi'ere asa fariseopãi te'ena repaʉ'te ja'me pa'ina sẽesinaa'me. —¿Mʉ'ʉ cuasato chʉkʉna na'ava'na pa'icheja'che pa'inaa'ñe? —chiisinaa'me repana.