San Lucas 10:40 - Koreguaje

⁴⁰ Jã'ata'ni Marta, vʉ'e cho'omajñarʉãre te'eo cho'o ca'naso, Jesure kueñe rani ija'che i'kaasomo: —Pãi Ũcuanʉkore Paakʉ, chʉ'ʉ cho'jeo cho'omajñarʉã ja'me cho'oma'mo chʉ'ʉre. Chʉ'ʉchi'a te'eva'o cho'oko pa'imo. ¿Chʉ'ʉre ña oima'kʉ mʉ'ʉ? I'kajʉ̃'ʉ repao'te chʉ'ʉre ja'me cho'oa'ko —chiniasomo repao repaʉ'te.

San Lucas 10:40 Iomraidhean Croise

San Mateo 14:15

Ũcuarʉmʉ chʉkʉna repaʉ neena na'isõcuhakʉna repaʉ'te sani ija'che i'kasinaa'me: —Icheja vʉ'ñajoopoãjẽ'e peomʉ. Inare pãi saojʉ̃'ʉ vʉ'ñajoopoãna sani ãure koo ãapʉ. Na'isõcuhamʉ ie —chiisinaa'me chʉkʉna.

San Mateo 16:22

Jesupi jã'aja'ñe i'kaʉna asa Pedro oiʉ repaʉ'te te'eʉ'te juha sa ija'che i'kasi'kʉa'mʉ: —¡Diopi ʉ̃sekaiʉna jã'aja'ñe cho'oche ti'jñemanea'kʉ mʉ'ʉre! ¡Mʉ'ʉni jã'aja'ñe ti'jñeto cu'amʉ! —chiisi'kʉa'mʉ repaʉ.

San Marcos 3:21

Ũcuarʉmʉ Jesús majapãi repaʉ cho'okʉ pa'iche'te asa, “Vẽ'veʉ cho'osõcosomʉ repaʉ”, chini cuasa saniasome repaʉni chẽa tĩichejana sañu chini.

San Lucas 10:38

Ũcuarʉmʉ Jesús repaʉ neenana'me jo'e saiʉ chekʉjoopona tĩ'aʉna romichĩio Marta repao vʉ'ena Jesure soni mʉtuaasomo.

San Lucas 10:41

Chikona Jesús i'kaasomʉ repao'te. —Asarepajʉ̃'ʉ, Marta. Mʉ'ʉ pa'iche'te rʉarepa peore cuasako oimo mʉ'ʉ.

San Lucas 12:29

Jã'ajekʉna mʉsanʉkona ãu ãijañena'me ũkujache si'areparʉmʉ cuasama'ñe pa'ijʉ, “Chʉkʉna chiiche peore ĩsikʉ'mʉ Dios”, chiijʉ cuasajʉ pa'ijʉ̃'ʉ.

San Lucas 9:55

Jã'aja'ñe i'karena chʉri ña, —Jã'aja'ñe cho'omanejʉ̃'ʉ. Mʉsanʉkonapi cu'ache cho'oñu chiiche cuhemʉ Dios Rekocho.

San Juan 11:1

Ũcuarʉmʉ Betania vʉ'ejoopo cakʉ Lázaro ravʉna jũniasomʉ. Repaʉ cho'jeromi ũcuajoopo'te paniasome Maríana'me Marta.

San Juan 11:5

Repaʉ Jesús repanare Martana'me cho'jeona'me Lázaro'te rʉa chiikʉta'ni, “Lázaro jũ'imʉ”, chiito asa teana saimanesi'kʉa'mʉ. Saima'ñe te'eka'chapaumucujña ũcuachejare canʉka pa'isi'kʉa'mʉ repaʉ.

San Juan 12:2

Sakʉna repajoopo cana, pãipi chi'i Jesuni pojoa'jʉ chini ãure cho'osinaa'me. Chi'irena Martapi ãure ãukona Jesuna'me ñu'ijʉ ãisinaa'me repana. Lázaro ũcuaja'che ũcuaʉna'me ñu'iʉ ãisi'kʉa'mʉ.

San Juan 6:27

Mʉsanʉkona ãu koochechi'a cuasamanejʉ̃'ʉ. Repa ãu si'asõja'mʉ. Chʉ'ʉ Dios Raosi'kʉ ĩsicheta'ni si'ama'ñea'me. Jã'are cuasajʉ̃'ʉ. Chʉ'ʉ ĩsiche'te kooni Dios pa'ichejare ai sani pa'ijanaa'me mʉsanʉkona. Jã'are chʉ'ʉpi ĩsia'kʉ chini chʉ'ʉ Ja'kʉ Dios chʉ'ʉni chiiʉ jo'kasi'kʉa'mʉ —chiisi'kʉa'mʉ repaʉ.