San Lucas 10:37 - Koreguaje

³⁷ Chikʉna, —Chueesiva'ʉre ña oisi'kʉpi re'oja'che cho'okaisi'kʉa'mʉ repaʉ'te —chiniasomʉ judíopãi che'chokʉ. Chikʉna, —Ũcuarepaa'me jã'a. Mʉ'ʉjẽ'e ũcuaja'che sani chekʉnani ña oiʉ re'oja'che cho'okaiʉ pa'ijʉ̃'ʉ —chiniasomʉ Jesús judíopãi che'chokʉ'te.

San Lucas 10:37 Iomraidhean Croise

San Mateo 20:28

Jã'aja'ñe pa'ikʉ'mʉ chʉ'ʉ pãire ja'me paaʉ chini Dios Raosi'kʉ. Pãipi cho'okaapʉ chini raisi'kʉma'mʉ chʉ'ʉ. Pãire ũcuanʉkore re'oja'che cho'okaiʉ repana cu'are jũni ro'ikasa chini raisi'kʉa'mʉ —chiisi'kʉa'mʉ repaʉ chʉkʉna'te.

San Mateo 23:23

’Dios chʉ̃'ʉ jo'kasi'ere cho'ojʉ ja'orʉã ãu va'isʉche maña kua'koja'orʉãre si'arʉmʉ ĩsijʉ pa'inaa'me mʉsanʉkona, Repaʉ chʉ'ʉre ĩsijʉ̃'ʉ chiisi'e. Chekʉrʉmʉ dierepaja'orʉã jñaani te'eja'orʉ ĩsinaa'me. Chekʉrʉmʉ cienrepaja'orʉã jñaani dierepaja'orʉã ĩsinaa'me. Jã'aja'ñe cho'onata'ni Dioni masi cuasama'ñe pa'ijʉ sẽ'sevʉchi'a re'oja'che cho'onajejʉ Dios chʉ̃'ʉrepache asa jachajʉ cho'omanaa'me mʉsanʉkona: re'oja'che cho'oche, chekʉnare oijʉ pa'iche, chekʉnare ũcuarepa cho'oche. Jã'aja'ñe cho'onajejʉna rʉa cu'ache ti'jñeja'mʉ mʉsanʉkonare fariseopãina'me judíopãi che'chonare. Repa cu'amajñarʉã ũcua ĩsijʉ pa'ijʉ̃'ʉ Diore. Repaʉ chʉ̃'ʉsi'ea'me jã'a. Jã'ata'ni, “Chekʉnare re'oja'che cho'okaiche'te na'a rʉa cho'ojʉ pa'ijʉ̃'ʉ”, chiimʉ Dios.

San Lucas 10:36

Jã'aja'ñe kʉa pi'ni Jesús repaʉ'te chʉ'o sẽniasomʉ. —Chueesiva'ʉ ũhisima'a ʉmʉpãi chotena te'enachi'a saijʉ ñaasome repaʉ'te. Jã'ata'ni te'eʉ re'oja'che cho'okaniasomʉ repaʉ'te, pãi kueñe pa'inare re'oja'che cho'okaicheja'che. ¿Kaʉpi repaʉ'te jã'aja'ñe cho'okakʉ? —chiniasomʉ Jesús repaʉ'te.

San Lucas 10:38

Ũcuarʉmʉ Jesús repaʉ neenana'me jo'e saiʉ chekʉjoopona tĩ'aʉna romichĩio Marta repao vʉ'ena Jesure soni mʉtuaasomo.

2 Corintios 8:9

Maire Paakʉ Jesucristo maini oiʉ cho'okasa chini Repaʉ cho'osi'e masime mʉsanʉkona. Peore Paakʉta'ni maini oiʉ chʉova'ʉ pa'ikʉja'iʉ pa'isi'kʉa'mʉ Repaʉ cheja pa'irʉmʉ, maipi rekoñoã kurinaja'ñe karama'ñe re'oja'che paapʉ chini.

Efesios 5:2

Chekʉnare oijʉ pa'ijʉ̃'ʉ Cristo maire oicheja'che. Maini oiʉ Diopi pojoa'kʉ chini mai cu'ache cho'osi'e ro'i jũni ro'ikaisi'kʉa'mʉ Repaʉ.

1 San Pedro 2:21

Jã'aja'ñe cho'ojʉ paapʉ chini chẽa paamʉ Dios mʉsanʉkonare. Cristo cu'ache cho'omanesi'kʉta'ni cu'ache cho'ocojñokʉ ke'remanesi'kʉa'mʉ. Maini cho'okaiʉ jã'aja'ñe cho'osi'kʉa'mʉ Repaʉ. Mʉsanʉkona Repaʉ cho'osi'ere cuasajʉ ũcuaja'che cho'ojʉ pa'ijʉ̃'ʉ, mʉsanʉkonare cu'ache cho'oto.

El Apocalipsis 1:5

Ũcuachi'a Jesucristo Dios pa'iche chʉ'o ũcuarepa Kʉakʉji oiʉ cho'okaaʉ mʉsanʉkonare, pojojʉ paapʉ chini. Repaʉ Jesucristo jo'e jũ'imanejañere chareparo jũni vajʉraisi'kʉa'mʉ. Ũcuachi'a cheja pa'inare pãi chʉ̃'ʉnare ũcuanʉko Aia'mʉ Repaʉ. Repaʉ Jesucristo maini oiʉ mai cu'ache cho'oche'te ro'ikaiʉ jũnisõsi'kʉa'mʉ.