San Lucas 10:28 - Koreguaje

²⁸ Jã'aja'ñe i'kaʉna asa Jesús i'kaasomʉ repaʉ'te. —Rũhiñe i'kamʉ mʉ'ʉ. Mʉ'ʉpi jã'aja'ñe cho'oni Dios pa'ichejare ai sani pa'ija'mʉ —chiniasomʉ Jesús.

San Lucas 10:28 Iomraidhean Croise

San Mateo 19:17

Chikʉna Jesús repaʉ'te i'kasi'kʉa'mʉ. —¿Je'se pa'iʉna mʉ'ʉ Dios pa'icheja sasa chiikʉta'ni re'oja'che cho'oche'te masira chini chʉ'ʉni sẽekʉ? Diochi'aa'mʉ te'eʉ re'oja'che cho'omasikʉ. Repaʉ pa'ichejana sasa chini Repaʉ chʉ̃'ʉ jo'kasi'ere asa jachama'ñe cho'okʉ pa'ijʉ̃'ʉ —chiisi'kʉa'mʉ Jesús repaʉ'te.

San Marcos 12:34

Jã'aja'ñe i'kaʉna asa Jesús, “Ikʉ masi i'kasi'kʉa'mʉ”, chiiʉ cuasa ija'che i'kaasomʉ repaʉ'te: —Jã'aja'ñe cuasakʉjekʉ Dios chʉ̃'ʉñe asa chẽapi'ramʉ mʉ'ʉ —chiniasomʉ repaʉ repaʉ'te. Reparʉmʉ pãi Jesure chʉ'o jo'e sẽevajʉchʉasome.

San Lucas 7:43

Chikʉna i'kaasomʉ repaʉ. —Na'a rʉa põsero'i paasi'kʉpi na'a rʉa chiicosomʉ repaʉ'te —chiniasomʉ repaʉ. Chikʉna, —Ũcuarepaa'me jã'a. Rũhiñe i'kamʉ mʉ'ʉ —chiniasomʉ Jesús repaʉ'te Simonre.

Romanos 10:4

Aperʉmʉ pãi re'oja'che pañu chiinare Diopi chʉ̃'ʉʉna Moisés tocha jo'kasi'ere peore cho'oche paniasomʉ. Chura jã'aja'ñe cho'oche peomʉ ija'che cho'osi'ejekʉna: Pãire chʉ̃'ʉa'kʉ chini Dios Raosi'kʉ Jesucristoji cho'okaisi'kʉa'mʉ maire, Repaʉ'te cuasanani ũcuanʉkore re'oja'chechi'a pa'inare cho'ora chini.

Romanos 3:19

Dios chʉ'o aperʉmʉ tochasi'e mai judíopãi pa'iche'te peore kʉamʉ. Mai judíopãi masime jã'a. Jã'ajekʉna ie ũcuachi'a masime: Mai judíopãi te'eʉjẽ'e re'oja'che cho'omanaa'me. Pãi si'achejña pa'ina ũcuanʉko judíopãina'me judío peona Diopi kʉakʉna mai cu'ache cho'osi'e asajanaa'me. Asato jachacu'aja'mʉ maire.

Gálatas 3:12

Aperʉmʉ Repaʉji chʉ̃'ʉʉna Moisés tocha jo'kasi'e Diore cuasache i'kama'ñe, chʉ̃'ʉsi'e cho'ochechi'a i'kamʉ. Repaʉ chʉ'o tochasikorovʉ ija'che kʉamʉ: Dios chʉ̃'ʉ jo'kasi'e peore masi cho'ona Repaʉ pa'ichejare ai sani pa'ijanaa'me, chiimʉ.