San Lucas 10:27 - Koreguaje

²⁷ Chikʉna i'kaasomʉ repaʉ. —Dios chʉ'o tocha jo'kasi'e ija'che kʉamʉ: Pãi mʉsanʉkonare ũcuanʉkore Paakʉ'te Diore mʉsanʉkona aʉna'me rekoñoãna'me kokana'me cuasache peore jã'api rʉa cuasajʉ pa'ijʉ̃'ʉ. Mʉsanʉkona meñe oicheja'che kueñe pa'inare oijʉ pa'ijʉ̃'ʉ. Jã'aja'ñe kʉamʉ Dios chʉ'o, aperʉmʉ tocha jo'kasi'e —chiniasomʉ repaʉ pãi che'chokʉ.

San Lucas 10:27 Iomraidhean Croise

San Mateo 19:19

Mʉja'kʉpãi ña, kʉkʉjʉ pa'ijʉ̃'ʉ. Chekʉnare oijʉ pa'ijʉ̃'ʉ mʉsanʉkona meñe oicheja'che”, chiimʉ. Jã'are cho'okʉ pa'ijʉ̃'ʉ mʉ'ʉ —chiisi'kʉa'mʉ Jesús repaʉ'te.

San Lucas 10:26

Chikʉna Jesús i'kaasomʉ repaʉ'te. —Dios chʉ'o tocha jo'kasi'e, ¿ʉ̃quere kʉakʉ? Mʉ'ʉpi ñato, ¿je'se kʉakʉ? —chiniasomʉ repaʉ.

Romanos 13:9

Pãipi cho'omanea'jʉ chini Dios chʉ̃'ʉñe ija'chea'me: Ʉmʉpãi, mʉrʉ̃joromi peonare ja'me kãimanejʉ̃'ʉ. Romi, mʉʉ̃jʉ peonare ja'me kãimanejʉ̃'ʉ. Pãi vanisomanejʉ̃'ʉ. Ñaamanejʉ̃'ʉ. Chekʉna nee tʉa paaʉache cuasamanejʉ̃'ʉ, chiimʉ. Ũcuachi'a Dios chʉ̃'ʉñe cheke ija'chea'me: Mʉsanʉkona meñe oicheja'che chekʉnare oijʉ̃'ʉ, chiimʉ. Jã'aja'ñe cho'ona Dios chʉ̃'ʉñe peore si'ache cho'ome.

Gálatas 5:13

Asarepajʉ̃'ʉ, chʉ'ʉ majapãijana. Dios mʉsanʉkonare ʉache'te re'oja'chere cho'omasia'jʉ chini chẽa paamʉ. Jã'ajekʉna jʉvoma'ñe cu'ache'te ũcuaʉache cho'ojʉ pa'ima'ñe sãiñechi'a oijʉ re'oja'chere cho'okaijʉ pa'ijʉ̃'ʉ.

Hebreos 8:10

Na'a pa'isirʉmʉ Israel jojosinare mamare, “Ija'che cho'oñu”, chiija'mʉ chʉ'ʉ, Pãi Ũcuanʉkore Paakʉ. Repana rekoñoãre chʉ'ʉ chʉ̃'ʉñe paaa'jʉ chini cho'okaija'mʉ chʉ'ʉ repanare. Chʉ'ʉni Dioni masi cuasajʉ chʉ'ʉ neena pa'ijanaa'me repana.

Santiago 2:8

Mʉsanʉkonare Peore Chʉ̃'ʉkʉ Dios, “Ija'che cho'ojʉ̃'ʉ”, chiiʉ chʉ̃'ʉʉna aperʉmʉ ija'che chiiche tocha jo'kasi'e, “Chekʉnare pãi oijʉ cuasajʉ̃'ʉ, mʉsanʉkona meñe oijʉ cuasacheja'che”, chiiche'te cho'oni rʉa re'oja'che cho'ome.

1 San Juan 3:18

Asarepajʉ̃'ʉ, chʉ'ʉ chĩijana. Maipi, “Chekʉnare oinaa'me chʉkʉna”, chiinata'ni repanare re'oja'che cho'okaima'to cu'amʉ. Cho'omanapi i'kani peoche i'kame mai. Chekʉnare oijʉ ũcuarepa re'oja'che cho'okaijʉ pañu mai.