San Lucas 1:51 - Koreguaje

⁵¹ Pãi, “Peore masinaa'me chʉkʉna”, chini cuasanare cuheasomʉ Dios. Dios peore Masikʉjekʉ repana cho'oñu chiisi'e ʉ̃seasomʉ.

San Lucas 1:51 Iomraidhean Croise

Romanos 1:21

Repaʉ Dios pa'iche masinata'ni Repaʉ'te pojomanaa'me. Ũcuachi'a Repaʉ repanare cho'okaiche, “Re'orepamʉ”, chiimanaa'me repana Repaʉ'te. Dioni jachajʉ cu'ache cuasajʉ pa'ijʉ repana rekoñoã cacu'aso rʉa vesʉna carũnisome.

2 Corintios 10:5

Pãi Dioni cuasacuhejʉ chekʉnapi Repaʉni cuasamanea'jʉ chini rʉa i'kanare Diopi cho'okaiʉna cajejaimasikʉ'mʉ chʉ'ʉ. Chekʉnapi Dios chiiche'te cho'omanea'jʉ chini i'kanapi asa Repaʉni cuasajʉ jovoa'jʉ chini i'kamasikʉ'mʉ chʉ'ʉ.

1 San Pedro 5:5

Mʉsanʉkona na'a põsʉpãi ũcuaja'che, ʉmʉpãina'me romi, asarepajʉ̃'ʉ. Aina chʉ̃'ʉñe jachama'ñe cho'ojʉ pa'ijʉ̃'ʉ. Ũcuanʉko, “Na'a rʉa masiʉ'mʉ chʉ'ʉ”, chiima'ñe, chekʉna chʉ̃'ʉñe sãiñechi'a cho'okaijʉ pa'ijʉ̃'ʉ. Dios chʉ'o tocha jo'kasi'e ija'che kʉamʉ: “Rʉa masiʉ'mʉ chʉ'ʉ”, chiina cho'oche ʉ̃semʉ Dios. “Vesʉva'ʉa'mʉ chʉ'ʉ”, chiinareta'ni oiʉ re'oja'che cho'okaimʉ Repaʉ, chiimʉ.

El Apocalipsis 18:8

Jã'aja'ñe cuasajʉ pa'inajejʉna ũcuate'eumucuse ũcuanʉkore rʉa si'ache cu'ache ti'jñeja'mʉ repanare. Chekʉna jũnisõjanaa'me. Chekʉna repanani cu'ache ti'jñeʉna chʉova'na pa'ijanaa'me. Chekʉna ãiñe'te peojʉ ãucuhava'na pa'ijanaa'me. Repajoopo ũcuachi'a peore uusõja'mʉ, chʉ'ʉpi Pãi Ũcuanʉkore Paakʉji peore Masiʉji chʉ̃'ʉʉna, chiisi'kʉa'mʉ Dios.