San Juan 9:4 - Koreguaje

⁴ Pãi repana cho'oche umucusena cho'ore'omʉ. Ñamita'ni cho'ocu'amʉ. Ũcuaja'che chʉ'ʉre Raosi'kʉ Dios chʉ̃'ʉ jo'kasi'ere maipi churana cho'oma'to cu'amʉ. Na'a pa'isirʉmʉ cho'ocu'aja'mʉ.

San Juan 9:4 Iomraidhean Croise

San Mateo 20:7

Chikʉna repaʉ'te ija'che i'kaasome repana: “Pãi te'eʉjẽ'e, ‘Rani cho'oche cho'okaijʉ̃'ʉ chʉ'ʉre; ro'ira’, chiikʉjẽ'e peomʉ chʉkʉna'te”, chiniasome. Jã'aja'ñe i'karena asa, “Chʉ'ʉ ʉche chiona sani ʉchere tʉakaijʉ̃'ʉ chʉ'ʉni”, chiniasomʉ repaʉ. Chikʉna, “Jaʉ”, chini sani, na'isõcuhasirʉmʉta'ni tʉakaniasome repana.

San Marcos 3:3

Ũcuarʉmʉ Jesús cu'ajʉ̃tʉrʉ paakʉ'te ija'che i'kaasomʉ: —Vʉni rani pãi chenevʉ'te nʉkajʉ̃'ʉ —chiniasomʉ.

San Juan 10:32

Jã'aja'ñe cho'oñu chiijʉna Jesús i'kasi'kʉa'mʉ repanare. —Ja'kʉpi chʉ'ʉni cho'okaiʉna Repaʉchi'a cho'omasiche mʉsanʉkona ñajʉ'te cho'oche re'oja'chere rʉa cho'osi'kʉa'mʉ chʉ'ʉ. Chʉ'ʉ cho'osi'e, ¿jeere mʉsanʉkona cuhejʉ chʉ'ʉre catapi su'a vẽasõñu chiiche? —chiisi'kʉa'mʉ repaʉ.

San Juan 10:37

Chʉ'ʉ Ja'kʉ chiiche'te cho'oma'to jachare'omʉ chʉ'ʉre.

San Juan 12:35

Chitena Jesús i'kasi'kʉa'mʉ. —Chʉ'ʉ icheja cheja pa'inare pãi Miañeja'ñe Pa'ikʉ mʉsanʉkonare jmamakarʉ ja'me pani sanisõja'mʉ. Jã'ajekʉna chuta'a miarʉmʉna churana ku'ijʉ̃'ʉ mʉsanʉkona, ru'ru na'isõmaneñu chini. Ru'ru na'isõni ñamipi ku'ijʉ ma'api ñomaʉna cavesʉsõjanaa'me mʉsanʉkona.

San Juan 17:4

’Mʉ'ʉ, “Chejana sani cho'ojʉ̃'ʉ”, chiisi'ere chʉ'ʉpi ichejare chejare rani pa'iʉ cho'o pi'niʉna ña mʉ'ʉ peore Masiʉ pa'iche masime pãi.

San Juan 4:34

Chʉkʉna cutuche masikʉ i'kasi'kʉa'mʉ repaʉ. —Ãu chʉ'ʉ paache'me ie: Chʉ'ʉ ãu ãiñe chiicheja'che chʉ'ʉre Raosi'kʉ chʉ̃'ʉ jo'kasi'e cho'o pi'nira chiimʉ chʉ'ʉ.

San Juan 5:19

Reparʉmʉ Jesús i'kaasomʉ repanare. —Chʉ'ʉ Dios Mamakʉ chʉ'ʉchi'a te'eʉ cuasakʉ cho'oma'mʉ. Chʉ'ʉ Ja'kʉ cho'oche'te ñakʉ ũcuare cho'okʉ'mʉ chʉ'ʉ. Chʉ'ʉ Ja'kʉ cho'ocheja'che cho'okʉ'mʉ chʉ'ʉ Repaʉ Mamakʉ. Ũcuarepaa'me jã'a.

San Juan 5:36

Juanpi kʉaʉna chʉ'ʉ pa'iche masime pãi. Rʉa re'oja'imʉ jã'a. Jã'ata'ni pãipi chʉ'ʉre Ja'kʉ raosi'ere masia'jʉ chini na'a ña masire'oche cho'omʉ chʉ'ʉ ie: Chʉ'ʉpi cho'o pi'nia'kʉ chini Ja'kʉ chʉ̃'ʉ jo'kasi'ere cho'okʉna ña chʉ'ʉre Ja'kʉ raosi'e masijanaa'me pãi.

San Juan 7:33

Saorena sani i'kajʉna Jesús ija'che i'kasi'kʉa'mʉ repanare: —Jmamakarʉ mʉsanʉkonare ja'me pa'ija'mʉ chʉ'ʉ. Pani pi'ni chʉ'ʉre Raosi'kʉ pa'ichejana co'ija'mʉ chʉ'ʉ.

Los Hechos 4:20

Chʉkʉna asasi'ena'me ñasi'e kʉache jo'kacu'amʉ chʉkʉna'te. Jo'kasõma'ñe ũcua Jesucristo pa'iche'te kʉajʉ pa'ijanaa'me chʉkʉna. Cheke peomʉ —chiniasome repana.

Gálatas 6:10

Jã'ajekʉna maire cho'ore'orʉmʉna pãire ũcuanʉkore oijʉ si'arʉmʉ re'oja'che cho'okaijʉ pañu mai. Jã'aja'ñe cho'ojʉ mai majapãijanani Jesure cuasanani na'a rʉa re'oja'che cho'okaijʉ pañu.

Efesios 5:16

Irʉmʉ rʉa cu'ache cho'ome pãi. Jã'ajekʉna mʉsanʉkonapi Dios chiiche'te si'arʉmʉ cho'ojʉ pa'ijʉ̃'ʉ.

Colosenses 4:5

Masi cuasajʉ Diore cuasamanare re'oja'che ja'me pa'ijʉ̃'ʉ. Repanare chʉ'vare'orʉmʉ si'arʉmʉ chʉ'vajʉ pa'ijʉ̃'ʉ va'sesomaneñu chini.