San Juan 9:35 - Koreguaje

³⁵ Ũcuarʉmʉ Jesús na'ava'ʉ pa'isi'kʉre etosi'e asasi'kʉa'mʉ. Asasi'kʉjekʉ repaʉ'te ku'e jñaa ija'che i'kasi'kʉa'mʉ repaʉ: —¿Dios Raosi'kʉre cuasakʉ mʉ'ʉ? —chiisi'kʉa'mʉ repaʉ ũcuaʉji.

San Juan 9:35 Iomraidhean Croise

San Mateo 14:33

Ũcuarʉmʉ chʉkʉna repaʉ neena ũcuaʉji choovʉna tukʉna repaʉni pojojʉ ija'che i'kasinaa'me: —Dios Mamarepakʉ'mʉ mʉ'ʉ. Ũcuarepaa'me jã'a —chiisinaa'me.

San Mateo 16:16

Chikʉna Simón Pedro i'kasi'kʉa'mʉ. —Dios, Si'arʉmʉ Pa'ikʉ Mamakʉ'mʉ mʉ'ʉ. Pãi ũcuanʉkore chʉ̃'ʉa'kʉ chini Ũcuaʉ Raosi'kʉa'mʉ mʉ'ʉ —chiisi'kʉa'mʉ.

San Mateo 4:3

Ũcuarʉmʉ vati ai rani Jesuni cacʉ'ora chini ija'che i'kaasomʉ: —Mʉ'ʉpi Dios Mamarepakʉ pani ipʉã catapʉã mini, pãpʉã carʉñojʉ̃'ʉ —chiniasomʉ.

San Marcos 1:1

Jesucristo Dios Mamakʉ pa'iche'te chʉ'o re'oja'chere kʉapi'ramʉ ie chʉ'o:

San Juan 1:18

Diore ñoma'kʉjekʉna ñamanaa'me pãi. Mamakʉta'ni ũcuate'eʉji Pʉka'kʉre si'arʉmʉ kueñe ja'me pa'ikʉji Pʉka'kʉ pa'iche kʉasi'kʉa'mʉ maire.

San Juan 1:34

Dios kʉasi'e Repaʉ Rekocho cajeche ñasi'kʉa'mʉ chʉ'ʉ. Ñasi'kʉjekʉ, “Dios Mamakʉ'mʉ ikʉ”, chiiʉ kʉamʉ chʉ'ʉ —chiniasomʉ repaʉ Juan.

San Juan 10:36

Jã'ata'ni chʉ'ʉpi, “Dios chĩia'mʉ chʉ'ʉ”, chiiʉna asa, “Dios asacuheche'te i'kamʉ mʉ'ʉ”, chiime mʉsanʉkona chʉ'ʉre, Repaʉ Chẽa Raosi'kʉni. ¿Je'se pa'iʉna mʉsanʉkona jã'aja'ñe i'kache?

San Juan 11:27

Chikʉna i'kasi'koa'mo repao. —Jʉ̃jʉ, Cristo, Dios Raocojñosi'kʉa'mʉ mʉ'ʉ. Dios aperʉmʉ, “Chejana chʉ'ʉ neekʉre saoja'mʉ chʉ'ʉ”, chiniasomʉ. Ũcuaʉ'mʉ mʉ'ʉ. Jã'aja'ñe cuasamo chʉ'ʉ —chiisi'koa'mo repao.

San Juan 20:28

Chikʉna i'kasi'kʉa'mʉ repaʉ. —Dioa'mʉ mʉ'ʉ. Chʉ'ʉre Paakʉ'mʉ —chiisi'kʉa'mʉ repaʉ.

San Juan 20:31

Ie iphʉro tochasi'e peore mʉsanʉkonapi ña, “Jesucristo Dios Raosi'kʉa'mʉ. Ũcuaʉ Mamakʉ'mʉ repaʉ”, chini cuasa, repaʉni cuasajʉ re'oja'che pa'ijʉ jũnisõsirʉmʉ Dios pa'ichejare ai sani paapʉ chini tocha jo'kamʉ chʉ'ʉ.

San Juan 3:36

Dios Mamakʉ'te cuasana repana jũnisõsirʉmʉ Dios pa'ichejare ai sani pa'ijanaa'me. Dios Mamakʉ'te cuasamanata'ni Repaʉ pa'icheja saima'ñe Diopi chʉ̃'ʉʉna si'arʉmʉ uujʉ pa'ijanaa'me repana —chiniasomʉ Juan Pãi Okoro'vekʉ.

San Juan 5:14

Na'a pa'isirʉmʉ Jesús Dios vʉ'ere pa'iʉ repaʉ vasosi'kʉre jo'e tijña i'kaasomʉ. —Chura vajʉmʉ mʉ'ʉ. Cu'ache cho'oche ũhasõjʉ̃'ʉ, mʉ'ʉni na'a rʉa cu'ache ti'jñemanea'kʉ —chiniasomʉ repaʉ.

San Juan 6:69

Mʉ'ʉ che'choche jachama'me chʉkʉna. Mʉ'ʉ pa'iche masime chʉkʉna. Dios Si'arʉmʉ Pa'ikʉ Mamakʉ'mʉ mʉ'ʉ; Repaʉ Raosi'kʉa'mʉ —chiisi'kʉa'mʉ repaʉ.

San Juan 9:22

Fariseopãire vajʉchʉjʉ jã'aja'ñe i'kaasome repana pʉka'kʉpãi. Aperʉmʉ judíopãi chʉ̃'ʉna, “ ‘Jesús Dios Raocojñosi'kʉa'mʉ’, chiinare mai judíopãi chi'ivʉ'e kakache ʉ̃señu”, chiniasome.

San Juan 9:34

Chikʉna i'kaasome repana. —¿Chĩirʉmʉna teana cu'ache aineesiva'ʉpi che'chora chiikʉ mʉ'ʉ chʉkʉna'te? Rʉa tĩiñea'me jã'a —chiniasome repana. Chini repaʉ'te ve'sena etoasome repana.

Los Hechos 8:36

Cutujʉ saijʉ chiara'charʉ pa'icheja tĩ'aasome repana. Tĩ'a Etiopía cakʉ i'kaasomʉ Felipe'te. —Ñakʉ. Chiara'charʉ pa'imʉ icheja. ¿Chʉ'ʉre okorore'okʉ? —chiniasomʉ repaʉ.

Los Hechos 8:37

Chikʉna Felipe, —Re'omʉ mʉ'ʉre, mʉ'ʉ rekochoji Jesucristoni masi cuasato —chiniasomʉ. Chikʉna, —Jesucristo Dios Mamakʉ'mʉ chiiʉ cuasamʉ chʉ'ʉ —chiniasomʉ Etiopía cakʉ.

Los Hechos 9:20

Damasco vʉ'ejoopo'te pa'iʉ repaʉ Saulo teana judíopãi chi'ivʉ'ñana mʉa, “Jesús Dios Raosi'kʉa'mʉ”, chiiʉ Jesús pa'iche'te kʉaasomʉ.

Romanos 1:4

Dios peore Masiʉjekʉ Re'ojarekocho Paakʉjekʉ Mamakʉ'te jũniso tãcojñosi'kʉre vaso etoasomʉ, pãipi ña, “Dios Mamakʉ'mʉ jã'ʉ”, chiijʉ masia'jʉ chini.

Romanos 10:20

Na'a pa'isirʉmʉna Isaías vajʉchʉma'ñe Dios chʉ'o i'kakʉ tochasi'e ija'che kʉamʉ: Chʉ'ʉ chʉ'o asaneemanesinapi asa chẽajanaa'me. Ũcuaja'che chʉ'ʉre sẽemanesinani i'kaja'mʉ chʉ'ʉ, chiimʉ.

1 San Juan 4:15

“Jesús Dios Mamakʉ'mʉ”, chiinachi'a pãi Diona'me re'oja'che pa'ime. Ũcuachi'a Repaʉ'te cuasanare jo'kama'ñe ja'me pa'imʉ Dios.

1 San Juan 5:10

Dios Repaʉ Mamakʉ pa'iche kʉasi'e pãi te'ena asa jachama'ñe cuasajʉ pa'ime. Chekʉnata'ni Dios kʉasi'e asa jachajʉ, “Joremʉ Dios”, chini, cuasama'me.

1 San Juan 5:13

Mʉsanʉkona Dios Mamakʉ'te cuasana jũnisõsirʉmʉ Dios pa'ichejare ai sani re'oja'che pa'ijanaa'me. Jã'are masia'jʉ chini mʉsanʉkonare ie chʉ'o tocha saomʉ chʉ'ʉ.

1 San Juan 5:20

Jesucristo, Dios Mamakʉ chejare caje pa'iʉ Pʉka'kʉ pa'iche'te che'chosi'kʉa'mʉ, pãipi Diorepaʉ pa'iche'te masia'jʉ chini. Jã'are masime mai. Dios Mamarepakʉni Jesucristo'te masi cuasanajejʉ Dios pa'ichejare ai sani pa'ijanaa'me mai.

1 San Juan 5:5

“Jesús Dios Mamakʉ'mʉ”, chiijʉ cuasanachi'a koka paajʉ vati chʉ̃'ʉñe cho'oma'ñe pa'ime.

3 San Juan 1:10

Jã'ajekʉna repaʉ cho'oche mʉsanʉkona pa'icheja saisirʉmʉna peore kʉaja'mʉ chʉ'ʉ. Chʉkʉna'te rʉa cu'ache cutukʉasomʉ repaʉ. Jã'achi'a cho'oma'ñe chekʉnare Jesucristo pa'iche'te che'choñu chini sainare ũcuachi'a cuhekʉasomʉ repaʉ. Ũcuachi'a chekʉna repanare pojoñu chiito ʉ̃sekʉ Jesure cuasakuanupʉ ja'me pa'iche ʉ̃sekʉasomʉ repaʉ.