San Juan 9:3 - Koreguaje

³ Chitena Jesús i'kasi'kʉa'mʉ. —Repaʉ cu'ache paache ro'ima'mʉ jã'a. Ũcuachi'a pʉka'kʉpãi cu'ache cho'oche ro'ima'mʉ. Rupʉ Diopi vasoʉna pãipi ña, “Dios peore masikʉ'mʉ”, chiijʉ masia'jʉ chini na'ava'ʉ aineesi'kʉa'mʉ ikʉ.

San Juan 9:3 Iomraidhean Croise

San Mateo 11:5

“Pãi na'ana pa'isina ñame chura. Cu'acũ'a paasina re'oja'che nʉka ku'ime chura. Asi ravʉ paasina ũcuaja'che vajʉme. Cãjo asamanesina ũcuaja'che asame chura. Jũnisõsina ũcuaja'che vajʉrani jo'e pa'ime. Chʉova'na pa'iva'na chʉ'ʉ chʉ'vache'te chʉ'ʉre cuasache kʉachʉ'ore asajʉ pa'ime.

San Juan 11:4

Sa kʉarena asa i'kasi'kʉa'mʉ repaʉ. —Jũnisõa'kʉ chini ravʉ jũ'iñe cho'omaneasomʉ Dios Lázaro'te. Rupʉ Repaʉ cho'omasiche'te pãire cho'o ñora chini cho'oasomʉ. Jã'ajekʉna jũnisõsi'kʉta'ni vajʉrakʉna ña, “Dios peore masikʉ'mʉ”, chiijanaa'me pãi. Ũcuachi'a, “Dios Mamakʉ rʉa masimʉ”, chiijanaa'me repana —chiisi'kʉa'mʉ repaʉ.

San Juan 11:40

Chikona i'kasi'kʉa'mʉ repaʉ. —Mʉ'ʉre ija'che i'kasi'kʉa'mʉ chʉ'ʉ: “Chʉ'ʉre cuasani Dios peore Masiʉ cho'oche ñaja'mo mʉ'ʉ”, chiisi'kʉa'mʉ chʉ'ʉ mʉ'ʉre —chiisi'kʉa'mʉ repaʉ.

Los Hechos 28:4

Jã'aja'ñe repaʉni añapi tuã'ima'ñe kũni sʉ'iʉna ña repacheja cana sãiñechi'a ija'che cutusinaa'me: “Chekʉrʉmʉ ikʉ Pablo pãi vaisi'kʉcosomʉ. Chiaraji choovʉ raisi'kʉ cho'osomairo eta pa'imʉ ikʉ. Jã'ata'ni pãi vaisi'kʉjekʉ aña kũ'isi'ena jũnisoja'mʉ repaʉ. Repaʉ ro'ia'me jã'a”, chiisinaa'me repana.

Los Hechos 4:21

Chitena repanare, —Mʉsanʉkonapi Jesús pa'iche jo'e kʉato cu'ache cho'ojanaa'me chʉkʉna mʉsanʉkonare —chiijʉ aina jo'e i'kaasome repanare. Jã'ata'ni Pedrona'me Juanre cu'ache cho'omanesinajejʉna pãi chẽavʉ'e jo'e cuaoma'ñe eto saoasome repanare. Vʉ'ejoopo pa'ina pãi ũcuanʉko jũ'ikʉ'te vasosi'ere asa, “Rʉa re'okʉ'mʉ Dios”, chiijʉ paniasome. Jã'ajekʉna aina repanare Pedrona'me Juanre cu'ache cho'ovajʉchʉasome.

1 San Juan 4:16

Dios maire rʉa oiche'te masijʉ Repaʉ'te cuasame mai. Pãi ũcuanʉkore rʉa oimʉ Dios. Jã'ajekʉna pãi chekʉnare cuasache jo'kasõmana Diona'me re'oja'che pa'ijʉna Repaʉ repanare jo'kama'ñe ja'me pa'imʉ.

1 San Juan 4:9

Dios Repaʉ Mamakʉ'te Ũcuate'eʉni chejana casosi'kʉa'mʉ, maipi Repaʉni cuasajʉ re'oja'che pa'ijʉ mai jũnisõsirʉmʉ Dios pa'ichejare ai sani paapʉ chini. Jã'ajekʉna maipi Dios Mamakʉ'te casosi'ere cuasani, “Dios maire rʉa oimʉ”, chiijʉ cuasame mai.