San Juan 8:53 - Koreguaje

⁵³ “¿Mai aipãiʉ'te Abrahamre na'a rʉa masimʉ chʉ'ʉ”, chiikʉ mʉ'ʉ? Repaʉ Abraham jũnisõasomʉ, Dios chʉ'o kʉasina ũcuaja'che. “Repanare na'a rʉa masikʉ'mʉ chʉ'ʉ”, chiiʉ cuasacosomʉ mʉ'ʉ —chiisinaa'me repana.

San Juan 8:53 Iomraidhean Croise

San Mateo 12:6

David Dios vʉ'ena kaka cho'osi'ena'me phairipãi repavʉ'e kaka cho'oche, Dios peore chʉ̃'ʉkʉji ñato cu'ama'mʉ. Ũcuachi'a chʉ'ʉni peore ja'me chʉ̃'ʉa'kʉ chini jo'kacojñosi'kʉni pʉaumucusena cho'oche chʉ̃'ʉʉato chʉ̃'ʉre'omʉ.

San Mateo 3:9

Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ. Dios chʉ̃'ʉñe cho'oma'me mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

San Juan 10:33

Chikʉna jo'e i'kasinaa'me repana. —Mʉ'ʉ re'oja'che cho'osi'ere cuhejʉ catapi su'a vẽasõñu chiima'me chʉkʉna. Mʉ'ʉpi, “Chʉ'ʉna'me Ja'kʉ ũcuate'eʉja'che pa'inaa'me chʉkʉna”, chikʉna cuhejʉ catapi su'a vẽasõñu chiime chʉkʉna mʉ'ʉre, Dios cuheche'te i'kaʉna. Dioma'mʉ mʉ'ʉ. Rupʉ pãiʉ'mʉ —chiisinaa'me repana.

San Juan 12:34

Jã'aja'ñe i'kaʉna asa i'kasinaa'me pãi. —Mai aipãi tocha jo'kasi'e Dios chʉ'o ija'che kʉamʉ: Cristo Dios Raosi'kʉ jũnisõma'ñe ai pa'ija'mʉ, chiimʉ. Jã'ata'ni mʉ'ʉ, ¿je'se pa'iʉna, “Pãire ja'me paaʉ chini Dios Raosi'kʉre jẽ'jo nʉkojanaa'me pãi”, chiikʉ? Jã'a pa'ito, Cristo chiicojñokʉ, ¿tĩiʉ'ʉ? —chiisinaa'me repana.

San Juan 19:7

Chikʉna judíopãi chʉ̃'ʉna i'kasinaa'me. —“Dios Mamakʉ'mʉ chʉ'ʉ”, chiiʉ jorekʉ'mʉ ikʉ. Chʉkʉna aipãi jã'aja'ñe i'kajʉ jorenare, “Vanisõjʉ̃'ʉ”, chiijʉ chʉ̃'ʉ jo'kaasome. Jã'ajekʉna repana chʉ̃'ʉ jo'kasi'e vanisõñe pa'imʉ ikʉre —chiisinaa'me repana.

San Juan 4:12

Mai aipãiʉ Jacobpi jo'kaasomʉ icoje maire oko ũkure'oche pa'icoje. Repaʉna'me repaʉ mamachĩina'me repaʉ jo'chava'na ũkuasome icoje pa'iche oko. ¿Icoje pa'iche oko na'a rʉa re'oja'chere ũkuaja'ʉ mʉ'ʉ chʉ'ʉre? ¿Repaʉ'te na'a rʉa masikʉ mʉ'ʉ? —chiniasomo repao.

San Juan 5:18

Jesupi pʉaumucusena pãiʉ'te vasosi'kʉpi, “Dios chʉ'ʉ Ja'kʉa'mʉ”, chikʉna asa, “ ‘Dios pa'icheja'che pa'ikʉ'mʉ chʉ'ʉ’, chini cuasacosomʉ ikʉ”, chini pe'rujʉ repaʉ'te na'a rʉa vanisõñu chiniasome repana.

San Juan 8:58

Chitena i'kasi'kʉa'mʉ repaʉ. —Repaʉ Abraham chuta'a peorʉmʉ pa'ikʉ'mʉ chʉ'ʉ. Ũcuarepaa'me jã'a —chiisi'kʉa'mʉ.

Romanos 9:5

Israel mamachĩi chʉkʉna aipãia'me. Ũcuaja'che Cristo, pãiʉ ainee Israel jojocojñosi'kʉa'mʉ. Ũcuaʉji Cristo Dioa'mʉ. Peore chʉ̃'ʉkʉjekʉ si'arʉmʉ pojocojñokʉ'mʉ Repaʉ. Jã'aja'ñe paaʉ.