San Juan 8:49 - Koreguaje

⁴⁹ Chitena Jesús i'kasi'kʉa'mʉ. —Vatijẽ'e peomʉ chʉ'ʉ. Chʉ'ʉ Ja'kʉre cuasakʉjekʉ Repaʉ'te re'oja'che i'kakʉ'mʉ chʉ'ʉ. Mʉsanʉkonata'ni chʉ'ʉni ña kʉkʉmapʉ cu'ache i'kame.

San Juan 8:49 Iomraidhean Croise

San Juan 11:4

Sa kʉarena asa i'kasi'kʉa'mʉ repaʉ. —Jũnisõa'kʉ chini ravʉ jũ'iñe cho'omaneasomʉ Dios Lázaro'te. Rupʉ Repaʉ cho'omasiche'te pãire cho'o ñora chini cho'oasomʉ. Jã'ajekʉna jũnisõsi'kʉta'ni vajʉrakʉna ña, “Dios peore masikʉ'mʉ”, chiijanaa'me pãi. Ũcuachi'a, “Dios Mamakʉ rʉa masimʉ”, chiijanaa'me repana —chiisi'kʉa'mʉ repaʉ.

San Juan 12:28

Ũcuarʉmʉ Pʉka'kʉre ija'che i'kasi'kʉa'mʉ repaʉ: —Ja'kʉ, mʉ'ʉ si'ache cho'omasiche'te cho'o ñora chini mʉ'ʉre ʉache cho'ojʉ̃'ʉ chʉ'ʉre —chiisi'kʉa'mʉ repaʉ. Chikʉna cʉnaʉmʉpi chʉ'o i'kache asosi'kʉa'mʉ. —Chʉ'ʉ masiche si'ache cho'o ñocuhasi'kʉa'mʉ chʉ'ʉ. Jo'e cho'o ñora —chiisi'kʉa'mʉ Dios.

San Juan 14:13

Mʉsanʉkonapi chʉ'ʉ Ja'kʉni sẽejʉ, “Chʉkʉna'te Jesús neenajejʉna cho'okaijʉ̃'ʉ chʉkʉna sẽeñe”, chiijʉ sẽeto cho'okaija'mʉ chʉ'ʉ, Repaʉ peore Cho'omasikʉjekʉ mʉsanʉkonare oiʉ cho'okaiche'te pãipi masia'jʉ chini.

San Juan 17:4

’Mʉ'ʉ, “Chejana sani cho'ojʉ̃'ʉ”, chiisi'ere chʉ'ʉpi ichejare chejare rani pa'iʉ cho'o pi'niʉna ña mʉ'ʉ peore Masiʉ pa'iche masime pãi.

San Juan 7:20

Chikʉna i'kasinaa'me repana. —Vatire paakʉjekʉ jã'aja'ñe i'kacosomʉ mʉ'ʉ. Mʉ'ʉre vanisõñu chiina peome —chiisinaa'me repana.

San Juan 8:29

Chʉ'ʉre Raosi'kʉ chʉ'ʉna'me pa'imʉ. Repaʉ chiiche'te chʉ'ʉpi si'arʉmʉ cho'okʉna jmamakarʉjẽ'e jo'kama'kʉa'mʉ Repaʉ chʉ'ʉre —chiisi'kʉa'mʉ Jesús.

Los Hechos 5:41

Etojʉna Jesús saosina judío aina chi'ivʉ'epi pojojʉ etaasome. “Dios chʉkʉna'te pojokʉ Jesús pa'iche'te kʉaa'jʉ chini jo'kasi'e rʉa re'omʉ. Jã'ajekʉna suĩ'suecojñosinata'ni rʉa pojojʉ eta saime chʉkʉna”, chini cuasaasome.

1 Corintios 11:14

Mai ʉmʉpãichi'aa'me rañapaã ve'emana. Jã'ajekʉna ʉmʉʉji rañapa ve'ekʉ'te ñani repaʉ'te pãisojʉ cu'ache cutume.

1 Corintios 15:43

Pãi cu'aca'nivʉã paanapi jũnisorena tãsome pãi. Jã'ata'ni repana jũni vajʉraisirʉmʉ mamaca'nivʉã re'oja'che ñoñe paajanaa'me repana. Ũcuachi'a koka peosica'nivʉã paanapi jũnisorena tãsome pãi. Jã'ata'ni jũni vajʉraisirʉmʉ rʉa kokaca'nivʉã paajanaa'me repana.

1 San Pedro 2:23

Pãi Repaʉ'te cu'ache i'kato sãiñe cu'ache i'kamanesi'kʉa'mʉ Repaʉ. Repaʉ'te asi cho'onare, “Sãiñe cu'ache cho'oja'mʉ chʉ'ʉ mʉsanʉkonare”, chiimanesi'kʉa'mʉ Repaʉ. Diopi pãi ũcuanʉko cho'oche ro'iche ũcuarepa Chʉ̃'ʉkʉji repana cu'ache cho'osi'e ro'i cu'ache ti'jñeñe chʉ̃'ʉa'kʉ chini jʉvosi'kʉa'mʉ Repaʉ Cristo.