San Juan 8:37 - Koreguaje

³⁷ Abraham jojocojñosinaa'me mʉsanʉkona. Masimʉ chʉ'ʉ jã'a. Repaʉ jojocojñosinata'ni chʉ'ʉ che'choche'te jachajʉ vanisõñu chiime mʉsanʉkona chʉ'ʉre.

San Juan 8:37 Iomraidhean Croise

San Mateo 13:15

Ina pãi rʉa cu'ache pa'inaa'me. Ũcuachi'a cãjo asamanaja'ñe pa'ijʉ chʉ'ʉ chʉ'o asacuheme ina. Ũcuachi'a ñakocaã chamisinaja'ñe pa'ijʉ chʉ'ʉpi chʉ̃'ʉʉna tocha jo'kasi'e ñacuheme ina. Chʉ'ʉ chʉ'ore asa chẽa repana cu'ache cho'oche'te ũhasõru repana rekoñoã re'ojarekoñoã care'vakaija'mʉ chʉ'ʉ, repanapi re'oja'che paapʉ chini, chiimʉ.

San Mateo 3:9

Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ. Dios chʉ̃'ʉñe cho'oma'me mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

San Juan 10:31

Jã'aja'ñe i'kaʉna asa pe'rujʉ jo'e cata siasinaa'me repana judío aina repaʉni su'a vẽasõñu chini.

San Juan 11:53

Ũcuaumucusepi vʉa repana judíopãi chʉ̃'ʉna Jesure vanisõjañere rʉa cutujʉ paniasome.

San Juan 5:44

“Dios Ũcuate'eʉji ña pojoa'kʉ, re'oja'che cho'oñu mai”, chiima'me mʉsanʉkona. Pãichi'a ña pojoa'jʉ chini, “Re'oja'che cho'oñu”, chiinaa'me mʉsanʉkona. Jã'aja'ñe cuasanajejʉ mʉsanʉkona chʉ'ʉre cuasamanaa'me.

San Juan 7:1

Jã'a cho'o pi'nisirʉmʉ repaʉ Jesús Galilea chejare pa'iʉ vʉ'ñajoopoã peore ku'isi'kʉa'mʉ. Judea chejata'ni saicuheasomʉ repaʉ, judíopãi chʉ̃'ʉnapi repaʉni vanisõñu chiijʉna.

San Juan 7:19

’Dios chʉ̃'ʉñe Moisés tocha jo'kaasomʉ mʉsanʉkonare. Jã'ata'ni repa te'eʉjẽ'e cho'omanaa'me mʉsanʉkona. ¿Je'se pa'iʉna mʉsanʉkona, Diopi chʉ̃'ʉʉna Moisés tocha jo'kasi'e cho'omanata'ni chʉ'ʉre, “Ũcuare cho'oma'mʉ”, chini vanisõñu chiiche? —chiisi'kʉa'mʉ repaʉ.

San Juan 7:25

Reparʉmʉ Jerusalén vʉ'ejoopo cana te'ena ija'che sãiñechi'a sẽniasome: —¿Pãi vanisoñu chini ku'ecojñokʉ'ʉ ikʉ?

San Juan 8:33

Chikʉna i'kasinaa'me repana. —Aperʉmʉ pa'isi'kʉ Abraham jojosinaa'me chʉkʉna. Jã'ajekʉna jmamakarʉjẽ'e chekʉna chẽa paacojñomanaa'me chʉkʉna. Jã'ata'ni ija'che i'kasi'kʉa'mʉ mʉ'ʉ chʉkʉna'te: “Mʉsanʉkonare pãi chẽa paacojñonaja'ñe pa'isinare etocheja'che re'oja'che cho'okaija'mʉ chʉ'ʉ”, chiisi'kʉa'mʉ mʉ'ʉ. ¿Je'se pa'iʉna jã'aja'ñe i'kaʉ? —chiisinaa'me repana repaʉ'te.

San Juan 8:43

¿Je'se pa'iʉna chʉ'ʉ i'kache asavesʉche mʉsanʉkona? Chʉ'ʉ i'kache'te asacuhejʉna asoma'mʉ mʉsanʉkonare.

San Juan 8:56

Mai aipãiʉ Abraham chʉ'ʉ icheja cheja raijachere masikʉ pojosi'kʉa'mʉ —chiisi'kʉa'mʉ repaʉ.

San Juan 8:59

Jã'aja'ñe i'kaʉna asa pe'rujʉ catare siasinaa'me repana, Jesuni su'a vẽasõñu chini. Jã'aja'ñe cho'ojʉna Dios vʉ'e pa'isi'kʉ kati eta pãi kuanupʉ chenevʉji ñoma'ñe sanisõsi'kʉa'mʉ repaʉ Jesús.

San Juan 8:6

Repaʉji tĩiñere i'kaʉna chẽañu chini jã'aja'ñe i'kasinaa'me repana repaʉ'te. Repana i'kache sãiñe i'kama'ñe pʉʉ ñu'iʉ mʉoñoji chejana tochakʉ pa'isi'kʉa'mʉ repaʉ Jesús.

Los Hechos 13:26

’Chʉ'ʉ majapãi, ie chʉ'o mʉsanʉkonare Abraham jojosinana'me tĩipãi Repaʉ'te vajʉchʉnare raomʉ Dios, mʉsanʉkonapi asa chẽa Jesucristoni jovorena mʉsanʉkona rekoñoãre care'vakaaʉ chini.

Romanos 9:7

Ija'chea'me: Abraham jojosina ũcuanʉkore chẽama'mʉ Dios. Abrahamre ija'che i'kaasomʉ Dios: “Jo'e ʉ̃sʉrʉmʉ chʉ'ʉ jo'e rani ñato chĩire paaja'mo Sara”, chiniasomʉ. Dios i'kasi'kʉ jojosina Dios chẽasinachi'aa'me, Sara mamakʉ jojosina. Abraham jojosina aineesina ũcuanʉko Dios chẽasinachi'ama'me. Ũcuachi'a Dios ija'che i'kaasomʉ repaʉ'te: “Mʉ'ʉ jojosina ũcuanʉkore chẽama'ñe Isaac jojosinarechi'a chẽa paaja'mʉ chʉ'ʉ”, chiniasomʉ Dios Abrahamre.

1 Corintios 2:14

Dios Rekocho che'choche'te chʉ'vajʉna pãipi asani, “Vesʉna i'kache'me jã'a”, chiime Dios Rekocho peona, repana i'kache'te asavesʉjʉ. Repana rekoñoãre Dios Rekochoji peokʉna asacu'amʉ repanare. Dios Rekocho paanarechi'a asare'omʉ Dios chʉ'o, Repaʉ Rekochoji cho'okaiʉna.

1 San Juan 2:14

Mʉsanʉkona chʉ'ʉ chĩijava'na, Mai Ja'kʉre Dioni masi cuasajʉ pa'ime. Mʉsanʉkona aina, chuta'a cheja cho'omarʉmʉ Pa'ikʉ'te masime. Mʉsanʉkona põsʉpãi, Diopi cho'okaiʉna re'oja'che pa'ime. Dios chʉ̃'ʉñe asa chẽasinajejʉ vati cu'ache chʉ̃'ʉtojẽ'e cu'ache cho'oma'ñe pa'ime mʉsanʉkona. Dioni cuasajʉna chʉ'o tocha saomʉ chʉ'ʉ mʉsanʉkonare ũcuanʉkore.