San Juan 8:36 - Koreguaje

³⁶ Chʉ'ʉpi Dios Mamakʉji mʉsanʉkonare pãi chẽa paacojñonaja'ñe pa'inani etocheja'che re'oja'che cho'okatu chẽacojño etasina pa'icheja'che ũcuarepa re'oja'che pa'ijanaa'me mʉsanʉkona.

San Juan 8:36 Iomraidhean Croise

San Lucas 4:18

Dios Rekochoji chʉ̃'ʉmʉ chʉ'ʉre, chʉ'ʉpi pãire Dios chʉ'ore re'oja'chere chʉ'vaa'kʉ chini. “Pãire ija'che chʉ'vajʉ̃'ʉ”, chiimʉ chʉ'ʉre Dios Rekocho: “Chʉova'na pa'iva'nani Dios chʉ'ore chʉ'vajʉ̃'ʉ, Repaʉni cuasajʉ pojojʉ paapʉ. Ũcuaja'che Dios chʉ'o vesʉva'nare chʉ'vajʉ̃'ʉ masia'jʉ. Cu'ache cho'ocojñonare ũcuaja'che cu'ache cho'oche ʉ̃sekaijʉ̃'ʉ.” Ija'che kʉajʉ̃'ʉ repanare pãi: “Dios re'oja'che paapʉ chini vati ai paasinare pãi tʉa paaja'mʉ, vati chʉ̃'ʉñe'te cho'omanea'jʉ chini. Pãi ũcuanʉkore Dios re'oja'che cho'okairʉmʉ tĩ'acuhamʉ”, chiiche'te ñakʉ i'kaasomʉ Jesús, Isaías tocha jo'kasi'e.

Romanos 8:2

Aperʉmʉ chʉ'ʉre cu'achechi'a cho'omasikʉna cuhekʉ sẽjosi'kʉa'mʉ Dios. Churata'ni Jesucristo cho'okaisi'ejekʉna Ũcuaʉni cuasakʉ jovoʉna Dios Rekochoji cho'okaiʉna Ũcuaʉna'me re'oja'che ja'me pa'imʉ chʉ'ʉ.

1 Corintios 7:22

Pãiʉ, Jesús chẽarʉmʉ pãi chẽa paacojñokʉ pani, pojoa'kʉ. Jesupi repaʉ'te re'oja'che paamʉ, re'oja'che pa'iche'te masia'kʉ chini. Ũcuaja'che pãiʉ, Jesús repaʉ'te chẽarʉmʉ pãi chẽa paacojñoma'kʉ pani Jesús chẽa paakʉ'mʉ chura.

2 Corintios 3:17

Jã'aja'ñe cho'okaimʉ Dios Rekocho, Maire Paakʉjekʉ. Repaʉ Rekocho paana pãi chẽacojño etasina pojojʉ pa'icheja'che re'oja'che pa'ime, cu'ache cho'oche'te jʉvomasijʉ.

Gálatas 5:1

Cristo maire chẽacojñosinani etocheja'che cho'okaniasomʉ, maipi re'oja'chere maire cho'oʉache'te cho'omasia'jʉ chini. Jã'ajekʉna ñarepajʉ pa'ijʉ pãipi Dios aperʉmʉ Repaʉ'te pojojʉ cho'oche chʉ̃'ʉ jo'kasi'ere cho'oa'jʉ chini mʉsanʉkonani chʉ̃'ʉto jʉvo koka paajʉ cho'omanejʉ̃'ʉ, jo'e chẽa paacojñonaja'ñe pa'imaneñu chini.