San Juan 8:33 - Koreguaje

³³ Chikʉna i'kasinaa'me repana. —Aperʉmʉ pa'isi'kʉ Abraham jojosinaa'me chʉkʉna. Jã'ajekʉna jmamakarʉjẽ'e chekʉna chẽa paacojñomanaa'me chʉkʉna. Jã'ata'ni ija'che i'kasi'kʉa'mʉ mʉ'ʉ chʉkʉna'te: “Mʉsanʉkonare pãi chẽa paacojñonaja'ñe pa'isinare etocheja'che re'oja'che cho'okaija'mʉ chʉ'ʉ”, chiisi'kʉa'mʉ mʉ'ʉ. ¿Je'se pa'iʉna jã'aja'ñe i'kaʉ? —chiisinaa'me repana repaʉ'te.

San Juan 8:33 Iomraidhean Croise

San Mateo 3:9

Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ. Dios chʉ̃'ʉñe cho'oma'me mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

San Lucas 3:8

Mʉsanʉkona cu'ache cho'oche'te ũhaso re'oja'che pa'ijʉ Dios chʉ̃'ʉñe'te cho'ojʉ pa'ijʉ̃'ʉ. Mʉsanʉkonapi re'oja'che pa'ito chekʉnapi ñani, “Ina cu'ache cho'oche ũhasosinajejʉ re'oja'che pa'ime”, chiijanaa'me mʉsanʉkonare. Ija'che cuasacosome mʉsanʉkona: “Abraham jojosinaa'me mai. Jã'ajekʉna Dios maire cu'ache cho'omaneja'mʉ”, chiijʉ cuasacosome mʉsanʉkona. Jã'aja'ñe cuasamanejʉ̃'ʉ mʉsanʉkona. Diore Repaʉni cho'oʉato ira'karʉã catara'karʉãpi Abraham jojosinare chekʉnare cho'ore'omʉ, Repaʉ chʉ̃'ʉñe cho'ojanare.

San Juan 19:25

Jesús jẽ'jo sʉocojñosi'kʉ nʉkasẽ'vero kueñere romi ũcuaka'chapana nʉkasinaa'me, repaʉ pʉka'kona'me repao cho'jeo, cheko María Cleofas rʉ̃jona'me María Magdalena.

San Juan 8:37

Abraham jojocojñosinaa'me mʉsanʉkona. Masimʉ chʉ'ʉ jã'a. Repaʉ jojocojñosinata'ni chʉ'ʉ che'choche'te jachajʉ vanisõñu chiime mʉsanʉkona chʉ'ʉre.

San Juan 8:39

Chikʉna i'kasinaa'me repana. —Abraham jojocojñosinaa'me chʉkʉna —chiisinaa'me repana. Chitena i'kasi'kʉa'mʉ repaʉ. —Mʉsanʉkonapi Abraham cho'osi'eja'che re'oja'che cho'oni repaʉ jojorepasina pa'ira'ame.

San Juan 8:43

¿Je'se pa'iʉna chʉ'ʉ i'kache asavesʉche mʉsanʉkona? Chʉ'ʉ i'kache'te asacuhejʉna asoma'mʉ mʉsanʉkonare.

Romanos 9:7

Ija'chea'me: Abraham jojosina ũcuanʉkore chẽama'mʉ Dios. Abrahamre ija'che i'kaasomʉ Dios: “Jo'e ʉ̃sʉrʉmʉ chʉ'ʉ jo'e rani ñato chĩire paaja'mo Sara”, chiniasomʉ. Dios i'kasi'kʉ jojosina Dios chẽasinachi'aa'me, Sara mamakʉ jojosina. Abraham jojosina aineesina ũcuanʉko Dios chẽasinachi'ama'me. Ũcuachi'a Dios ija'che i'kaasomʉ repaʉ'te: “Mʉ'ʉ jojosina ũcuanʉkore chẽama'ñe Isaac jojosinarechi'a chẽa paaja'mʉ chʉ'ʉ”, chiniasomʉ Dios Abrahamre.