San Juan 8:25 - Koreguaje

²⁵ Chikʉna repaʉ'te sẽesinaa'me repana. —¿Jeeja'iʉ'ʉ mʉ'ʉ? —chiisinaa'me repana. Chitena i'kasi'kʉa'mʉ repaʉ. —Chʉ'ʉ apeche'chorʉmʉpi vʉa chʉ'ʉ pa'iche kʉakʉ pa'imʉ chʉ'ʉ mʉsanʉkonare.

San Juan 8:25 Iomraidhean Croise

San Lucas 22:67

—Pãi ũcuanʉkore chʉ̃'ʉa'kʉ chini Dios Raosi'kʉ Cristo pani kʉajʉ̃'ʉ mʉ'ʉ chʉkʉna'te —chiniasome repana repaʉ'te. Chitena Jesús i'kaasomʉ repanare. —Chʉ'ʉpi kʉato jachajanaa'me mʉsanʉkona.

San Juan 1:19

Ũcuarʉmʉ Jerusalén vʉ'ejoopo cana judíopãi chʉ̃'ʉna Juan pa'ichejana sani, “¿Keeja'iʉ'ʉ mʉ'ʉ?”, chiapʉ chini phairipãina'me Leví jojosinare Dios vʉ'e cho'oche cho'okainani saoasome.

San Juan 1:22

Chikʉna jo'e i'kaasome repana. —Jã'a pa'ito, ¿keeja'iʉ'ʉ mʉ'ʉ? Kʉajʉ̃'ʉ chʉkʉna'te. Mʉ'ʉ kʉasi'ere chʉkʉna'te raosinare sa kʉache pa'imʉ. Mʉ'ʉ cho'oche, ¿ʉ̃quea'che? —chiniasome repana repaʉ'te.

San Juan 19:9

Ũcuarʉmʉ repaʉ jo'e vʉ'ena Jesure cuaa sẽniasomʉ. —¿Jeecheja cakʉa'ʉ mʉ'ʉ? —chiniasomʉ repaʉ. Sẽekʉ'teta'ni Jesús i'kamaneasomʉ.

San Juan 8:12

Ũcuarʉmʉ Jesús jo'e i'kasi'kʉa'mʉ repanare Dios vʉ'e pa'inare. —Pãi chʉ'ʉre cuasajʉ jovosina chʉ'ʉpi pa'iche re'oja'chere ĩsiʉna cu'ache pa'ima'ñe miacheja pa'inaja'ñe repana rekoñoã re'oja'che pa'ijanaa'me —chiisi'kʉa'mʉ repaʉ.

San Juan 8:24

Jã'ajekʉna pãi cuasachechi'a cuasanajejʉna, “Rekoñoã cu'ache tʉnocojñomanapi jũnisõjanaa'me mʉsanʉkona”, chiisi'kʉa'mʉ. Chʉ'ʉ pa'iche'te mʉsanʉkonare chʉ'ʉ kʉasi'ere asa chẽamaneni cu'ache tʉnocojñomanapi jũnisõjanaa'me mʉsanʉkona —chiisi'kʉa'mʉ repaʉ repanare.

San Juan 8:26

Chuta'a chʉ'o rʉa i'kache paamʉ chʉ'ʉ. Mʉsanʉkona cho'ojʉ pa'iche'te ñakʉ i'kani, “Cu'ache cho'ome ina”, chiira'amʉ chʉ'ʉ. Ñakʉta'ni i'kama'mʉ chʉ'ʉ. Chʉ'ʉre Raosi'kʉpi chʉ'o ũcuarepare si'arʉmʉ i'kakʉna asakʉ ũcuare pãire kʉamʉ chʉ'ʉ —chiisi'kʉa'mʉ repaʉ.