San Juan 8:20 - Koreguaje

²⁰ Dios vʉ'ere pa'iʉ che'chokʉ jã'aja'ñe i'kasi'kʉa'mʉ Jesús, Dioni ĩsijʉ kuri mañavʉã cachejare nʉkakʉ. Repaʉ'te chẽare'orʉmʉ Dios chiisirʉmʉpi chuta'a tĩ'amaʉna te'eʉjẽ'e chẽamanesinaa'me repaʉ'te.

San Juan 8:20 Iomraidhean Croise

San Mateo 26:55

Chini Jesús repanare pãi ija'che i'kasi'kʉa'mʉ: —¿Je'se pa'iʉna mʉsanʉkona chʉ'ʉre ñaaʉ'te cho'ocheja'che va'jñana'me vãsoñoã cãjijʉ chẽañu chini raiche? Si'aumucujña Dios vʉ'e mʉa mʉsanʉkonana'me pa'iʉ pãire che'chokʉ pa'isi'kʉa'mʉ chʉ'ʉ. Jã'ata'ni mʉsanʉkona chʉ'ʉre chẽamanesinaa'me. Irʉmʉta'ni chʉ'ʉni Diopi ʉ̃semaʉna chẽame mʉsanʉkona.

San Mateo 27:6

Repaʉ jũnisõsirʉmʉ phairipãi chʉ̃'ʉna repare're kurire're sia sãiñechi'a ija'che i'kaasome: —Ire're kurire're vanisõjaʉre sa jo'kasi'e ro'i, ro'isire'rejekʉna cãjovʉ Dios vʉ'e pa'ivʉ mañacu'amʉ. Mai aipãi chʉ̃'ʉ jo'kasi'e jã'aja'ñe cho'oche ʉ̃semʉ —chiniasome repana.

San Marcos 12:41

Ũcuarʉmʉ Jesús Dios vʉ'ena kaka cãjovʉ kuri mañavʉ nʉkacheja kueñe pʉʉ ñu'iʉ ñato Dioni ĩsijʉ pãi jainʉko kuri mañajʉ paniasome. Ũcuachi'a kurina jainʉko kuri rʉa mañaasome.

San Marcos 12:43

Mañaona ña Jesús repaʉ neenare soni rao i'kaasomʉ. —Ina kurinata'ni repana koojʉna cajejaisi'ere ĩsisinaa'me. Iva'ota'ni repao ãu koo ãio pasa chiisire'rerʉãre Dioni pojoko peore ĩsisõsi'koa'mo. Kurina ĩsisi'e ña pojomʉ Dios. Jã'ata'ni iva'o ĩsisi'e ña na'a rʉa pojomʉ Dios. Ũcuarepaa'me jã'a —chiniasomʉ Jesús.

San Lucas 20:19

Jesupi jã'aja'ñe i'kaʉna judío phairipãi chʉ̃'ʉnana'me judíopãi che'chona ija'che cuasaasome: “Ikʉ Jesús jã'aja'ñe i'kacheji maini cu'ache i'kamʉ. Churana teana chẽañu ikʉre”, chiniasome repana. Chiisinata'ni pãire vajʉchʉjʉ repaʉ'te chẽamaneasome repana.

San Lucas 21:1

Ũcuarʉmʉ Jesús Dios vʉ'ere chuta'a pa'iʉ ñato pãi kurina kurire Dioni ĩsijʉ cãjovʉna rʉa mañaasome.

San Juan 10:39

Chikʉna jo'e chẽañu chiinareta'ni jo'ka sanisõsi'kʉa'mʉ repaʉ.

San Juan 2:4

Chikona Jesús i'kasi'kʉa'mʉ. —Ja'ko, ¿je'se pa'iʉna chʉ'ʉni kʉako mʉ'ʉ? Chʉ'ʉ masiche cho'o ñorʉmʉ chuta'a tĩ'ama'mʉ —chiisi'kʉa'mʉ repaʉ.

San Juan 7:14

Repa fiesta joorepapo cho'ocuharʉmʉna Dios vʉ'ena Jesús kaka che'chosi'kʉa'mʉ.

San Juan 7:30

Jã'aja'ñe i'kakʉna asanata'ni repaʉ'te chẽañu chiina te'eʉjẽ'e chẽamanesinaa'me repaʉ'te, Dios chiisirʉmʉpi chuta'a tĩ'amaʉna.

San Juan 7:44

Repana te'ena repaʉ'te chẽañu chiisinaa'me. Jã'ata'ni te'eʉjẽ'e chẽamanesinaa'me repaʉ'te.

San Juan 7:8

Chʉ'ʉre saire'orʉmʉ chuta'a tĩ'amaʉna saima'mʉ chʉ'ʉ. Mʉsanʉkonachi'a saijʉ̃'ʉ —chiisi'kʉa'mʉ repaʉ.

San Juan 8:2

Jo'e apeñatatona caje Dios vʉ'ena kakasi'kʉa'mʉ repaʉ. Kakaʉna pãipi repaʉni jainʉko chi'irena pʉʉ ñu'iʉ che'chosi'kʉa'mʉ repaʉ repanare.

San Juan 8:59

Jã'aja'ñe i'kaʉna asa pe'rujʉ catare siasinaa'me repana, Jesuni su'a vẽasõñu chini. Jã'aja'ñe cho'ojʉna Dios vʉ'e pa'isi'kʉ kati eta pãi kuanupʉ chenevʉji ñoma'ñe sanisõsi'kʉa'mʉ repaʉ Jesús.