San Juan 8:18 - Koreguaje

¹⁸ Chʉ'ʉ pa'iche'te meñe kʉamʉ chʉ'ʉ. Chʉ'ʉre Raosi'kʉ Ja'kʉ ũcuaja'che chʉ'ʉ pa'iche kʉamʉ —chiisi'kʉa'mʉ repaʉ.

San Juan 8:18 Iomraidhean Croise

San Juan 10:11

Ovejava'nare re'oja'che paakʉ pa'icheja'che pa'ikʉ'mʉ chʉ'ʉ. Chekʉrʉmʉ ovejava'nare paakʉ re'okʉjekʉ, chaipi ovejava'nani ãnisõra chini raiʉna ñani, “Chʉ'ʉpi iva'nare cu'ache cho'oche'te ʉ̃seto chai chʉ'ʉni ãnisõja'mʉ”, chiikʉta'ni ũcua ʉ̃semʉ repaʉ.

San Juan 10:14

’Ovejava'nare re'oja'che paakʉ pa'icheja'che pa'ikʉ'mʉ chʉ'ʉ. Chʉ'ʉ neenare masimʉ chʉ'ʉ. Chʉ'ʉre ũcuaja'che masime repana.

San Juan 10:30

Chʉ'ʉna'me Ja'kʉ ũcuate'eʉja'che pa'inaa'me chʉkʉna —chiisi'kʉa'mʉ repaʉ Jesús.

San Juan 10:9

Ovejava'na pa'iso'koro kakasa'aroja'che pa'ikʉ'mʉ chʉ'ʉ. Jã'ajekʉna ovejava'napi repana pa'iso'korona kakacheja'che pãipi chʉ'ʉni cuasani chʉ'ʉpi chẽa paakʉ kuirakʉna rʉa pojojʉ re'oja'che pa'ijanaa'me.

San Juan 11:25

Chikona i'kasi'kʉa'mʉ repaʉ. —Chʉ'ʉa'mʉ pãi jũnisõsinare vasokʉ. Ũcuachi'a pãi rekoñoãna re'oja'chere pa'iche jo'kakʉ'mʉ chʉ'ʉ. Pãi chʉ'ʉre cuasanapi jũnisõsina chʉ'ʉpi jo'e rani vasoʉna vajʉrani re'oja'che pa'ijanaa'me.

San Juan 14:6

Chikʉna Jesús i'kasi'kʉa'mʉ. —Chʉ'ʉ Ja'kʉ pa'icheja saima'aja'ñe pa'ikʉ'mʉ chʉ'ʉ. Jã'ajekʉna chʉ'ʉre cuasanachi'a Repaʉ pa'icheja saijanaa'me. Ja'kʉ pa'iche ũcuarepare kʉakʉ'mʉ chʉ'ʉ. Chʉ'ʉre cuasanapi jũnisõsirʉmʉ Dios pa'icheja ai sani paapʉ chini chʉ'ʉpi jo'kaʉna repanachi'a Repaʉ pa'icheja ai sani pa'ijanaa'me. Chʉ'ʉre cuasamanata'ni Dios pa'icheja saimanejanaa'me.

San Juan 8:12

Ũcuarʉmʉ Jesús jo'e i'kasi'kʉa'mʉ repanare Dios vʉ'e pa'inare. —Pãi chʉ'ʉre cuasajʉ jovosina chʉ'ʉpi pa'iche re'oja'chere ĩsiʉna cu'ache pa'ima'ñe miacheja pa'inaja'ñe repana rekoñoã re'oja'che pa'ijanaa'me —chiisi'kʉa'mʉ repaʉ.

San Juan 8:25

Chikʉna repaʉ'te sẽesinaa'me repana. —¿Jeeja'iʉ'ʉ mʉ'ʉ? —chiisinaa'me repana. Chitena i'kasi'kʉa'mʉ repaʉ. —Chʉ'ʉ apeche'chorʉmʉpi vʉa chʉ'ʉ pa'iche kʉakʉ pa'imʉ chʉ'ʉ mʉsanʉkonare.

San Juan 8:38

Chʉ'ʉ Ja'kʉna'me pa'iʉ ñasi'ere kʉamʉ chʉ'ʉ. Mʉsanʉkonata'ni mʉja'kʉrepaʉ i'kache'te cho'ome —chiisi'kʉa'mʉ repaʉ.

San Juan 8:51

Chʉ'ʉ i'kache jachama'ñe cho'ona cho'osõmanejanaa'me. Ũcuarepaa'me jã'a —chiisi'kʉa'mʉ repaʉ.

San Juan 8:58

Chitena i'kasi'kʉa'mʉ repaʉ. —Repaʉ Abraham chuta'a peorʉmʉ pa'ikʉ'mʉ chʉ'ʉ. Ũcuarepaa'me jã'a —chiisi'kʉa'mʉ.

Hebreos 2:4

Repanapi kʉajʉna Dios Repaʉchi'a cho'omasiche'te pãipi repana i'kache'te asa, “Ie chʉ'o ũcuarepaa'me”, chiapʉ chini pãi jũ'inare vasochena'me cheke si'ache peore cho'o ñosi'kʉa'mʉ. Maire ũcuachi'a Dios Repaʉ Rekochoji cho'okaiʉna sãiñechi'a re'oja'che cho'okaimasimajñarʉã Repaʉ'te ʉache si'acairo jo'kamʉ, maipi Repaʉ chʉ'o chʉ'vache'te asa, “Ũcuarepare chʉ'o i'kame ina”, chiijʉ masia'jʉ chini.