San Juan 7:40 - Koreguaje

⁴⁰ Jesús i'kasi'ere asa pãi te'ena ija'che i'kasinaa'me: —“Chʉ'ʉ chʉ'o kʉajaʉre raoja'mʉ chʉ'ʉ”, chiniasomʉ Dios. Ũcuaʉcosomʉ ikʉ —chiisinaa'me repana.

San Juan 7:40 Iomraidhean Croise

San Mateo 21:11

Chitena chekʉna ija'che i'kasinaa'me: —Galilea cheja pa'ijoopo Nazaret vʉ'ejoopo raisi'kʉa'mʉ jã'ʉ. Jesua'mʉ. Dios chʉ'o kʉakaikʉ'mʉ —chiisinaa'me.

San Juan 1:21

Chikʉna jo'e sẽniasome repana. —Jã'a pa'ito, ¿keeja'iʉ'ʉ mʉ'ʉ? ¿Aperʉmʉ pa'isi'kʉ, Elíaa'ʉ? ¿Dios chʉ'o kʉakʉ'ʉ? —chiniasome repana. Chitena i'kaasomʉ repaʉ. —Elíama'mʉ chʉ'ʉ —chiniasomʉ repaʉ. Chikʉna jo'e sẽniasome repana. —Jã'a pa'ito, ¿chʉkʉna cha'acojñokʉ'ʉ mʉ'ʉ? ¿Dios chʉ'o kʉakaijaʉa'ʉ? —chiniasome repana. Chitena i'kaasomʉ repaʉ. —Mʉsanʉkona cha'acojñokʉma'mʉ chʉ'ʉ —chiniasomʉ repaʉ.

San Juan 4:19

I'kaʉna asa i'kaasomo repao. —Dios chʉ'o kʉakʉcosomʉ mʉ'ʉ. Chʉkʉna aipãi pa'isina ikũtina mʉni Dioni pojoñu chini ro're ñuniasome. Mʉsanʉkona judíopãita'ni ija'che i'kanaa'me: “Jerusalén vʉ'ejoopona sani Diore pojoche pa'imʉ maire”, chiinaa'me mʉsanʉkona —chiniasomo repao.

San Juan 6:14

Diochi'a cho'omasiche'te Jesupi cho'oʉna ña ija'che i'kasinaa'me repana pãi: —“Diopi Repaʉ chʉ'o Kʉajaʉre raoja'mʉ”, chiijʉ cha'anaa'me mai. Ũcuaʉcosomʉ ikʉ —chiisinaa'me repana.

San Juan 7:12

Reparʉmʉ pãi jainʉko Jesús pa'iche sãiñechi'a cutuasome. Te'ena, “Re'okʉ'mʉ repaʉ”, chiniasome. Chekʉnata'ni, “Re'oma'mʉ repaʉ. Jorekʉ pãi cu'ache che'chokʉ'mʉ”, chiniasome.

Los Hechos 28:29

Jã'aja'ñe i'kaʉna asa repana judíopãi rʉa cutujʉ etasinaa'me.