San Juan 7:28 - Koreguaje

²⁸ Repana i'kache'te asa Jesús Dios vʉ'ere pa'iʉ che'chokʉ ʉjachʉ'opi ija'che i'kasi'kʉa'mʉ: —¿Mʉsanʉkona chʉ'ʉ pa'iche masiche? ¿Chʉ'ʉ raisicheja ũcuachi'a masiche? Chʉ'ʉ te'eʉ cuasakʉ raisi'kʉma'mʉ. Chekʉpi Jorema'kʉpi raoʉna raisi'kʉa'mʉ chʉ'ʉ. Repaʉ pa'iche vesʉme mʉsanʉkona.

San Juan 7:28 Iomraidhean Croise

San Mateo 11:27

Chini pãire ija'che i'kasi'kʉa'mʉ repaʉ: —Chʉ'ʉ Ja'kʉ Repaʉ pa'iche masiche peore jo'kasi'kʉa'mʉ chʉ'ʉre. Chʉ'ʉ Repaʉ Mamakʉ pa'iche pãi te'eʉjẽ'e vesʉme. Chʉ'ʉ Ja'kʉta'ni masimʉ. Ũcuachi'a chʉ'ʉ Ja'kʉ pa'iche pãi te'eʉjẽ'e vesʉme. Chʉ'ʉ Repaʉ Mamakʉchi'a masimʉ Ja'kʉ pa'iche. Ũcuachi'a chʉ'ʉre kʉaʉanarechi'a chʉ'ʉ Ja'kʉ pa'iche kʉamʉ chʉ'ʉ.

San Mateo 2:23

Repacheja sani tĩ'a Nazaret vʉ'ejoopo'te paniasomʉ repaʉ. Jã'aja'ñe cho'orena aperʉmʉ Dios chʉ'o kʉasina kʉajʉ tocha jo'kasi'epi ija'che chiicheji ũcuarepa ti'jñecuhaasomʉ, “Dios Raosi'kʉre, ‘Nazaret vʉ'ejoopo cakʉa'mʉ ikʉ’, chiijanaa'me pãi”, chiicheji.

San Mateo 26:55

Chini Jesús repanare pãi ija'che i'kasi'kʉa'mʉ: —¿Je'se pa'iʉna mʉsanʉkona chʉ'ʉre ñaaʉ'te cho'ocheja'che va'jñana'me vãsoñoã cãjijʉ chẽañu chini raiche? Si'aumucujña Dios vʉ'e mʉa mʉsanʉkonana'me pa'iʉ pãire che'chokʉ pa'isi'kʉa'mʉ chʉ'ʉ. Jã'ata'ni mʉsanʉkona chʉ'ʉre chẽamanesinaa'me. Irʉmʉta'ni chʉ'ʉni Diopi ʉ̃semaʉna chẽame mʉsanʉkona.

San Lucas 10:22

Diore i'ka pi'ni pãire i'kaasomʉ repaʉ. —Chʉ'ʉ Ja'kʉ Repaʉ pa'iche masiche peore jo'kasi'kʉa'mʉ chʉ'ʉre. Chʉ'ʉ pa'iche vesʉme pãi. Chʉ'ʉ Ja'kʉta'ni masimʉ. Ũcuaja'che chʉ'ʉ Ja'kʉ pa'iche vesʉme pãi. Chʉ'ʉta'ni Repaʉ pa'iche masimʉ, Repaʉ Mamakʉjekʉ. Chʉ'ʉre kʉaʉanarechi'a chʉ'ʉ Ja'kʉ pa'iche kʉamʉ chʉ'ʉ —chiniasomʉ Jesús repanare.

San Lucas 2:11

Asarepajʉ̃'ʉ. Ija'chea'me chʉ'o chʉ'ʉ rasi'e: Chura iumucuse pãio chĩiva'ʉre jñaacuhasi'koa'mo, aperʉmʉ pa'isi'kʉ David pa'isijoopona. Repava'ʉ chĩiva'ʉ repaʉ'te cuasanare vati toa uuche Ʉ̃sejava'ʉpi ranicuhasi'kʉa'mʉ. Cristoa'mʉ repaʉ. Pãi ũcuanʉkore chʉ̃'ʉa'kʉ chini Dios Raosi'kʉa'mʉ. Pãi Ũcuanʉkore Paakʉ'mʉ repaʉ.

San Lucas 2:39

Ũcuarʉmʉ Jesús pʉka'kʉpãi Dios chʉ̃'ʉ jo'kasi'e peore cho'o pi'ni chĩiva'ʉre co'chajʉ repana pa'ijoopona, Galilea cheja cajoopo Nazaret vʉ'ejoopona co'iasome.

San Lucas 2:4

Pãipi saijʉna José ja'me saniasomʉ. Galilea cheja cajoopo Nazaret vʉ'ejoopo pa'isi'kʉpi Judea cheja cajoopona Belén vʉ'ejoopona saniasomʉ repaʉ, aipãiʉ David pa'isijoopona.

San Lucas 2:51

Ũcuarʉmʉ Jesús pʉka'kʉpãina'me Nazaret vʉ'ejoopona co'iasomʉ. Co'i pa'iʉ pʉka'kʉpãi chʉ̃'ʉñe cho'okʉ paniasomʉ repaʉ. Repaʉ pʉka'ko Dios vʉ'e repaʉ cho'osi'ere rʉa cuasako paniasomo.

San Juan 1:46

Chikʉna Natanael i'kaasomʉ. —Nazaret vʉ'ejoopo cana te'eʉjẽ'e re'okʉjẽ'e peocosome —chiniasomʉ. Chikʉna Felipe i'kaasomʉ. —Rani ña masijʉ̃'ʉ repaʉ'te —chiniasomʉ repaʉ.

San Juan 10:36

Jã'ata'ni chʉ'ʉpi, “Dios chĩia'mʉ chʉ'ʉ”, chiiʉna asa, “Dios asacuheche'te i'kamʉ mʉ'ʉ”, chiime mʉsanʉkona chʉ'ʉre, Repaʉ Chẽa Raosi'kʉni. ¿Je'se pa'iʉna mʉsanʉkona jã'aja'ñe i'kache?

San Juan 12:49

Chʉ'ʉchi'a cuasache'te i'kama'mʉ chʉ'ʉ. Ja'kʉ, chʉ'ʉre Raosi'kʉ kʉache'te i'kamʉ chʉ'ʉ.

San Juan 14:10

Chʉ'ʉna'me Ja'kʉ ũcuate'eʉja'che pa'inaa'me chʉkʉna. ¿Jã'a mʉsanʉkona cuasama'ñe? Chʉ'ʉ i'kache chʉ'o chʉ'ʉchi'a cuasakʉ i'kachema'mʉ. Ja'kʉ kʉachechi'a i'kakʉ'mʉ chʉ'ʉ. Ũcuachi'a Repaʉji ja'me pa'iʉ cho'okaiʉna Repaʉchi'a cho'omasiche'te cho'okʉ'mʉ chʉ'ʉ.

San Juan 14:31

Ja'kʉ chʉ̃'ʉsi'e peore cho'okʉ'mʉ chʉ'ʉ, pãipi ña Ja'kʉre chʉ'ʉ chiiche'te masia'jʉ chini. Re'omʉ. Jʉna, mʉañu —chiisi'kʉa'mʉ repaʉ chʉkʉna'te repaʉ neenare.

San Juan 16:3

Reparʉmʉ mʉsanʉkonare jã'aja'ñe cho'ojana chʉ'ʉrejẽ'e Ja'kʉrejẽ'e vesʉnajejʉ jã'aja'ñe cho'ojanaa'me repana mʉsanʉkonare.

San Juan 17:25

Ja'kʉ, re'okʉ'mʉ mʉ'ʉ. Mʉ'ʉre cuasamana mʉ'ʉ pa'iche vesʉme. Chʉ'ʉta'ni masimʉ. Chʉ'ʉ neena ũcuaja'che mʉ'ʉ chʉ'ʉre raosi'e masime.

San Juan 17:3

Mʉ'ʉre Diorepaʉ'te Ũcuate'eʉ'te cuasajʉ chʉ'ʉre mʉ'ʉ Raosi'kʉre Jesucristo'te cuasana mʉ'ʉ pa'ichejare ai sani pa'ijanaa'me.

San Juan 3:2

Jesuni ñara chini ñamipi mʉa i'kaasomʉ repaʉ Nicodemo. —Masiʉ, Diopi mʉ'ʉre raocosomʉ pãire che'choa'kʉ chini. Diopi mʉ'ʉre cho'okaima'to Repaʉchi'a cho'omasiche cho'omanera'amʉ mʉ'ʉ. Masime chʉkʉna jã'a —chiniasomʉ repaʉ.

San Juan 3:33

Repaʉ kʉache jachamanata'ni, “Repaʉ pa'iche'te Dios kʉasi'e ũcuarepaa'me”, chiijʉ cuasame.

San Juan 5:32

Jã'ata'ni chekʉpi chʉ'ʉ pa'iche'te kʉamʉ. Repaʉ kʉache ũcuarepaa'me. Jã'are masimʉ chʉ'ʉ.

San Juan 5:43

Ja'kʉpi raoʉna chejare caje pa'iʉ che'chokʉ'teta'ni jachame mʉsanʉkona chʉ'ʉre. Chekʉpi Dios raocojñomanesi'kʉpi rani repaʉ cuasache'te che'chotota'ni asa jachamanera'ame mʉsanʉkona.

San Juan 7:14

Repa fiesta joorepapo cho'ocuharʉmʉna Dios vʉ'ena Jesús kaka che'chosi'kʉa'mʉ.

San Juan 8:14

Chitena i'kasi'kʉa'mʉ repaʉ. —Chʉ'ʉ raisichejajẽ'e vesʉjʉ chʉ'ʉ saijachejajẽ'e vesʉme mʉsanʉkona. Chʉ'ʉta'ni masimʉ. Jã'ajekʉna chʉ'ʉ pa'iche'te chʉ'ʉ meñe kʉasi'e ũcuarepaa'me.

San Juan 8:16

Chekʉrʉmʉ chʉ'ʉpi mʉsanʉkona pa'iche'te ña i'kani ũcuarepa i'kara'amʉ. Chʉ'ʉ te'eʉ cuasache'te i'kama'mʉ chʉ'ʉ. Ja'kʉ chʉ'ʉre Raosi'kʉ kʉachena'me chʉ'ʉ cuasache i'kakʉ'mʉ chʉ'ʉ.

San Juan 8:19

Chikʉna sẽesinaa'me repana repaʉ'te. —Mʉja'kʉ, ¿keechejare pa'ikʉ? —chiisinaa'me repana. Chitena i'kasi'kʉa'mʉ repaʉ. —Chʉ'ʉ pa'iche vesʉme mʉsanʉkona. Chʉ'ʉ Ja'kʉ pa'iche ũcuaja'che vesʉme. Chʉ'ʉ pa'iche masini Ja'kʉ pa'iche ũcuaja'che masira'ame mʉsanʉkona —chiisi'kʉa'mʉ repaʉ repanare.

San Juan 8:26

Chuta'a chʉ'o rʉa i'kache paamʉ chʉ'ʉ. Mʉsanʉkona cho'ojʉ pa'iche'te ñakʉ i'kani, “Cu'ache cho'ome ina”, chiira'amʉ chʉ'ʉ. Ñakʉta'ni i'kama'mʉ chʉ'ʉ. Chʉ'ʉre Raosi'kʉpi chʉ'o ũcuarepare si'arʉmʉ i'kakʉna asakʉ ũcuare pãire kʉamʉ chʉ'ʉ —chiisi'kʉa'mʉ repaʉ.

San Juan 8:42

Chitena i'kasi'kʉa'mʉ repaʉ. —Diopi raoʉna ichejare rani pa'imʉ chʉ'ʉ. Dios mʉsanʉkona Ja'kʉrepaʉ pa'ito chʉ'ʉre Repaʉ raosi'kʉre chiira'ame mʉsanʉkona. Chʉ'ʉchi'a te'eʉ cuasa cajesi'kʉma'mʉ chʉ'ʉ. Diopi raosi'kʉa'mʉ chʉ'ʉre.

San Juan 9:29

Dios Moisere i'kasi'e masinaa'me chʉkʉna. Mʉ'ʉre vasosi'kʉre raosi'kʉreta'ni vesʉme chʉkʉna —chiniasome repana.

Los Hechos 17:23

Ijoopo vʉ'ejoopo ku'iʉ mʉsanʉkona diova'nare pojochejña rʉa ñasi'kʉa'mʉ chʉ'ʉ. Te'echeja, “Diova'ʉre mai vesʉva'ʉre pojochejaa'me icheja”, chiijʉ tocha sʉosi'e pa'imʉ. Ũcuaʉ pa'iche'te kʉara chiimʉ chʉ'ʉ mʉsanʉkonare.

Romanos 1:28

Repanapi Dioni cuasacuhejʉna Diopi sẽjoʉna cu'arekoñoã paajʉ si'ache vajʉchʉache cu'ache cho'ome.

Romanos 3:4

Jã'aja'ñe i'kani joreme repana. Judíopãi Repaʉ'te masi cuasanare ũcua Repaʉ i'kasi'e jorema'ñe re'oja'che cho'okaija'mʉ Dios. Pãi rʉa joreme. Diota'ni jorema'kʉa'mʉ. Ija'che kʉamʉ Dios chʉ'o tochasi'e: Ja'kʉ Dios, chʉ'ʉ cu'ache cho'osi'ere mʉ'ʉpi kʉato asa, “Ũcuarepaa'me jã'a”, chiijʉ masijanaa'me pãi. Chʉ'ʉre, “Repaʉ cu'ache cho'osi'e ro'ia'kʉ”, chiiʉ chʉ̃'ʉto, “Repaʉ cho'ora chiisi'e ũcuarepare cho'omʉ Dios. Jorema'kʉa'mʉ Repaʉ”, chiijanaa'me pãi. Jã'aja'ñe chiimʉ Dios chʉ'o tochasi'e.

2 Corintios 1:18

Jã'aja'ñe cuasamanejʉ̃'ʉ. Diopi ñakʉna jorema'mʉ chʉ'ʉ mʉsanʉkonare.

2 Corintios 4:6

Dios, mamarʉmʉ chijachejachi'a pa'irʉmʉ, “Miañe pa'ijʉ̃'ʉ”, chiiʉ chʉ̃'ʉasomʉ. Ũcuaʉji mai rekoñoãna miañeja'ñe cho'okaiʉna Jesucristo pa'iche'te ñajʉ masime mai chura, “Dios rʉa re'okʉ'mʉ”, chiijʉ.

Tito 1:2

Dios apereparʉmʉ chuta'a cheja peorʉmʉ Repaʉ pa'icheja pãi sani pa'ijachere kʉaasomʉ. Jorema'kʉa'mʉ Dios. Diore cuasajʉ jovosina Ũcuaʉ pa'ichejare ai sani pa'ijanaa'me.

Hebreos 6:18

Diojekʉ Repaʉ i'kache jorema'ñe ũcuarepa cho'okʉ jorecu'akʉjekʉ jã'aja'ñe i'kaasomʉ Repaʉ, maipi Repaʉ, “Cho'okaija'mʉ”, chiisi'ere pojojʉ asa chẽasinapi ca'nasoma'ñe cuasajʉ cha'ajʉ paapʉ chini.

1 San Juan 5:10

Dios Repaʉ Mamakʉ pa'iche kʉasi'e pãi te'ena asa jachama'ñe cuasajʉ pa'ime. Chekʉnata'ni Dios kʉasi'e asa jachajʉ, “Joremʉ Dios”, chini, cuasama'me.