San Juan 7:18 - Koreguaje

¹⁸ Pãiʉ ũcuaʉakʉ repaʉ cuasachechi'a che'choni, pãipi, “Rʉa masikʉ'mʉ mʉ'ʉ”, chiapʉ chini che'chomʉ. Jã'ata'ni pãiʉ repaʉ'te raosi'kʉ kʉachechi'a che'choni, chekʉnapi, “Mʉ'ʉre raosi'kʉ rʉa masikʉ'mʉ”, chiapʉ chini che'chomʉ. Jã'aja'ñe pa'ikʉ jorema'ñe chʉ'o ũcuarepare che'chomʉ.

San Juan 7:18 Iomraidhean Croise

San Mateo 6:9

Mʉsanʉkonapi sẽni ija'che i'kajʉ̃'ʉ: Ja'kʉ, Cʉnaʉmʉ Pa'ikʉ, pãi mʉ'ʉre vajʉchʉjʉ pojoa'jʉ.

San Juan 11:4

Sa kʉarena asa i'kasi'kʉa'mʉ repaʉ. —Jũnisõa'kʉ chini ravʉ jũ'iñe cho'omaneasomʉ Dios Lázaro'te. Rupʉ Repaʉ cho'omasiche'te pãire cho'o ñora chini cho'oasomʉ. Jã'ajekʉna jũnisõsi'kʉta'ni vajʉrakʉna ña, “Dios peore masikʉ'mʉ”, chiijanaa'me pãi. Ũcuachi'a, “Dios Mamakʉ rʉa masimʉ”, chiijanaa'me repana —chiisi'kʉa'mʉ repaʉ.

San Juan 12:28

Ũcuarʉmʉ Pʉka'kʉre ija'che i'kasi'kʉa'mʉ repaʉ: —Ja'kʉ, mʉ'ʉ si'ache cho'omasiche'te cho'o ñora chini mʉ'ʉre ʉache cho'ojʉ̃'ʉ chʉ'ʉre —chiisi'kʉa'mʉ repaʉ. Chikʉna cʉnaʉmʉpi chʉ'o i'kache asosi'kʉa'mʉ. —Chʉ'ʉ masiche si'ache cho'o ñocuhasi'kʉa'mʉ chʉ'ʉ. Jo'e cho'o ñora —chiisi'kʉa'mʉ Dios.

San Juan 12:43

Ũcuachi'a repanare pãi pojoche'te na'a rʉa chiijʉ kʉamaneasome repana, “Kʉato pojoja'mʉ Dios maire”, chiimapʉ.

San Juan 5:41

’Pãi chʉ'ʉ cho'oche cuasa ña, “Peore masikʉ'mʉ Jesús”, chiina peoto karama'mʉ chʉ'ʉre.

San Juan 8:54

Chitena i'kasi'kʉa'mʉ repaʉ. —Chʉ'ʉpi meñe, “Rʉa masiʉ'mʉ chʉ'ʉ”, chiito jachara'ame pãi chʉ'ʉre. Chʉ'ʉ Ja'kʉta'ni, “Chʉ'ʉ chĩi rʉa masiʉ'mʉ”, chiikʉ'mʉ chʉ'ʉre. Repaʉ i'kache asacuhenata'ni, “Dios chʉkʉna'te paakʉ'mʉ”, chiime mʉsanʉkona.

1 Tesalonicenses 2:6

Chʉkʉna Jesús saosinajejʉ chʉ̃'ʉre'onata'ni, “Ña kʉkʉjʉ̃'ʉ chʉkʉna'te”, chiijʉ chʉ̃'ʉmanaa'me mʉsanʉkonare, chekʉnare ũcuachi'a.

1 San Pedro 4:11

Chekʉnare chʉ'vani Dios chʉ'ore chʉ'vaa'jʉ. Chekʉnare re'oja'che cho'okaina Diopi cho'okaiʉna koka paajʉ rʉa re'oja'che cho'okaijʉ paapʉ, Jesucristo'te cuasanapi si'arʉmʉ Repaʉni, “Rʉa re'okʉ'mʉ mʉ'ʉ”, chiijʉ paapʉ chini. Ũcuachi'a Repaʉ'te cuhama'ñe si'arʉmʉ pojojʉ, “Peore Paakʉji peore Masiʉ'mʉ mʉ'ʉ”, chiijʉ pañu mai. Jã'aja'ñe paaʉ.

1 San Juan 2:29

Dios Mamakʉ Jesucristo re'oja'chechi'a cho'okʉ'mʉ. Jã'are masini ie ũcuachi'a masime mai: Pãi re'oja'chechi'a cho'ona Dios chĩia'me, Jesucristo repanare cho'okaisi'ejekʉna.