San Juan 6:9 - Koreguaje

⁹ —Icheja chĩiva'ʉ pãpʉã cebadaji cho'osipʉã cincorepapʉã chiacha va'i ka'chava'nare paava'ʉ pa'imʉ. Jã'ata'ni inani pãire ãuñu chini chĩiva'ʉ paache'te maipi kooto tĩ'ama'mʉ. Jairepanʉkoa'me ina —chiisi'kʉa'mʉ repaʉ.

San Juan 6:9 Iomraidhean Croise

San Mateo 14:17

Chikʉna chʉkʉna i'kasinaa'me. —Pãpʉã, cincorepapʉã, va'i te'eka'chapanarechi'a paame chʉkʉna —chiisinaa'me.

San Mateo 16:9

¿Chʉ'ʉ i'kache chuta'a asa chẽama'ñe mʉsanʉkona? ¿Chʉ'ʉ aperʉmʉ pã cincorepapʉãpi ʉmʉpãi cinco milrepanare ãusi'e cuasama'ñe mʉsanʉkona? Repana ãijʉna cajejaisi'e, ¿jetopʉjʉ'ña maña timure mʉsanʉkona?

San Marcos 6:38

Chitena Jesús i'kaasomʉ repanare. —¿Ketopʉpʉã pãpʉã paache mʉsanʉkona? Ñajaijʉ̃'ʉ —chiniasomʉ repaʉ repanare. Chikʉna ñajani rani repaʉ'te ija'che i'kaasome repana: —Pãpʉã, cincorepapʉã, va'iva'na te'eka'chapava'narechi'a paame chʉkʉna —chiniasome.

San Marcos 8:19

Aperʉmʉ pã cincorepapʉãchi'a ʉmʉpãi cinco milrepanare ãukʉna cajejaisi'e, ¿jetopʉjʉ'ña sia maña timure mʉsanʉkona? —chiniasomʉ Jesús repanare. Chikʉna, —Docerepajʉ'ña sia maña timusinaa'me chʉkʉna —chiniasome repana.

San Lucas 9:13

Jã'aja'ñe i'kanareta'ni Jesús i'kaasomʉ repanare. —Mʉsanʉkonapi ãu ãujʉ̃'ʉ inare —chiniasomʉ. Chikʉna, —Pãpʉã, cincorepapʉã, va'i te'eka'chapava'narechi'a paame chʉkʉna. ¿Chʉkʉnapi ãu koojani ra inare pãi ũcuanʉkore ãua'jʉ chiikʉ mʉ'ʉ? —chiniasome repana repaʉ'te.

San Juan 11:21

Eta tijña pojo pi'ni i'kasi'koa'mo repao. —Pãi Ũcuanʉkore Paakʉ, mʉ'ʉpi ichejare pa'ito chʉ'ʉ a'chʉ jũnisõmanera'asi'kʉa'mʉ.

San Juan 11:32

Eta rani chʉkʉna pa'icheja tĩ'a Jesús ti'jñeñena meñe sime ñu'io ija'che i'kasi'koa'mo repao: —Pãi Ũcuanʉkore Paakʉ, mʉ'ʉpi ichejare pa'ito chʉ'ʉ a'chʉva'ʉ jũnisõmanera'asi'kʉa'mʉ —chiisi'koa'mo repao.

San Juan 21:10

Ũcuarʉmʉ Jesús chʉkʉna'te i'kasi'kʉa'mʉ. —Va'i mʉsanʉkona chosiva'nare te'eva'nare rajʉ̃'ʉ —chiisi'kʉa'mʉ.

San Juan 21:13

Ũcuarʉmʉ Jesús chʉkʉna'te pãna'me va'i mini ãusi'kʉa'mʉ.

San Juan 21:9

Rani rʉ'tʉvana jʉo mani toa ñasinaa'me chʉkʉna. Ũcuatoare chiacha va'ina'me pã pa'isi'kʉa'mʉ.

San Juan 6:11

Pʉʉsirʉmʉ repaʉ Jesús chĩiva'ʉ paache pã sẽni koo cãjikʉ Diore, “Re'orepamʉ”, chiisi'kʉa'mʉ. Chini chʉkʉnani repaʉ neenani ĩsiʉna repanare pãi ũcuanʉkore ãusinaa'me chʉkʉna. Va'iva'nare sẽni koo ũcuaja'che cho'osi'kʉa'mʉ repaʉ. Repanare ãiʉachetʉ'ka ãisinaa'me repana.

San Juan 6:7

Sẽkʉna Felipe i'kasi'kʉa'mʉ. —Maipi kurire're denariore're doscientorepare'repi pãre koo ãuto ũcuanʉkore tĩ'amanera'amʉ ãu inare —chiisi'kʉa'mʉ.

2 Corintios 8:9

Maire Paakʉ Jesucristo maini oiʉ cho'okasa chini Repaʉ cho'osi'e masime mʉsanʉkona. Peore Paakʉta'ni maini oiʉ chʉova'ʉ pa'ikʉja'iʉ pa'isi'kʉa'mʉ Repaʉ cheja pa'irʉmʉ, maipi rekoñoã kurinaja'ñe karama'ñe re'oja'che paapʉ chini.

El Apocalipsis 6:6

Ũcuarʉmʉ chʉ'ʉ vajʉpãi ũcuaka'chapana pa'icheja chenevʉji chʉ'o i'kache asasi'kʉa'mʉ, ija'che chiiche'te: “Ãu jmarepanʉkorʉjekʉ rʉa ro'imʉ. Denario kuri te'ere'reva te'eumucuse cho'oche cho'o koochenʉkorʉ trigo te'ekilo ro'imʉ. Cebada chotekilo ũcuajanʉko ro'imʉ. Jã'amajñarʉãre rʉarepa ro'iche'te kooto kurire si'asõrena u'chape'ejẽ'e conojẽ'e koocu'aja'mʉ pãi.”