San Juan 6:28 - Koreguaje

²⁸ Chikʉna sẽesinaa'me repana. —¿Je'se cho'ojanaa'ñe chʉkʉna, Dios chʉ̃'ʉñe'te cho'oñu chini? —chiisinaa'me repana.

San Juan 6:28 Iomraidhean Croise

San Mateo 19:16

Ũcuarʉmʉ põsʉʉ Jesuni ñara chini rani ija'che sẽesi'kʉa'mʉ repaʉ'te: —Masiʉ, ¿ʉ̃quere re'oja'che cho'oni'te Dios pa'icheja saija'che chʉ'ʉ? —chiisi'kʉa'mʉ.

San Lucas 10:25

Ũcuarʉmʉ judíopãi che'chokʉ Jesuni cutura chini mʉaasomʉ, repaʉ masiche'te cho'o ñara chini. Mʉa repaʉ'te ija'che sẽniasomʉ repaʉ: —Masiʉ, chʉ'ʉpi Dios pa'ichejana ai sani pasa chini, ¿je'se cho'oja'che? —chiniasomʉ repaʉ.

San Juan 6:27

Mʉsanʉkona ãu koochechi'a cuasamanejʉ̃'ʉ. Repa ãu si'asõja'mʉ. Chʉ'ʉ Dios Raosi'kʉ ĩsicheta'ni si'ama'ñea'me. Jã'are cuasajʉ̃'ʉ. Chʉ'ʉ ĩsiche'te kooni Dios pa'ichejare ai sani pa'ijanaa'me mʉsanʉkona. Jã'are chʉ'ʉpi ĩsia'kʉ chini chʉ'ʉ Ja'kʉ Dios chʉ'ʉni chiiʉ jo'kasi'kʉa'mʉ —chiisi'kʉa'mʉ repaʉ.

San Juan 6:29

Chitena i'kasi'kʉa'mʉ repaʉ. —Iea'me Dios chʉ̃'ʉñe: Repaʉ Raosi'kʉni cuasajʉ̃'ʉ —chiisi'kʉa'mʉ repaʉ.

Los Hechos 16:30

Ũcuarʉmʉ repanare etua sẽniasaasomʉ repaʉ. —¿Je'se cho'oja'che chʉ'ʉ Diopi chʉ'ʉni vati toa saomanea'kʉ chini? Kʉajʉ̃'ʉ chʉ'ʉre —chiniasomʉ repaʉ.

Los Hechos 2:37

Repaʉ i'kasi'ere asarena rʉa sʉmaneasomʉ repanare. Sʉma'ñe asa repaʉ'te ija'che i'kajʉ sẽniasaasome repana chekʉnare oncerepanare ũcuachi'a: —Chʉkʉna majapãi, jã'a pa'ito, ¿je'se cho'ojanaa'ñe chʉkʉna? —chiniasome repana.

Los Hechos 9:6

Chikʉna Saulo kʉkʉcajejani kurukurukʉ ija'che i'kaasomʉ: —Chʉ'ʉre Paakʉ, ¿ʉ̃quere cho'oa'kʉ chiikʉ mʉ'ʉ chʉ'ʉre? —chiniasomʉ. Chikʉna, —Vʉni vʉ'ejoopona kakajʉ̃'ʉ. Jã'achejana kaka mʉ'ʉ cho'ojache asaja'mʉ mʉ'ʉ —chiniasomʉ Jesucristo Saulo'te.