San Juan 5:41 - Koreguaje

⁴¹ ’Pãi chʉ'ʉ cho'oche cuasa ña, “Peore masikʉ'mʉ Jesús”, chiina peoto karama'mʉ chʉ'ʉre.

San Juan 5:41 Iomraidhean Croise

San Juan 12:43

Ũcuachi'a repanare pãi pojoche'te na'a rʉa chiijʉ kʉamaneasome repana, “Kʉato pojoja'mʉ Dios maire”, chiimapʉ.

San Juan 5:34

“Dios Raosi'kʉa'mʉ mʉ'ʉ”, chiinare ku'ema'mʉ chʉ'ʉ. Jã'ata'ni, chʉ'ʉ pa'iche'te Juan kʉasi'ere cuasajʉ̃'ʉ mʉsanʉkona, chiimʉ chʉ'ʉ, mʉsanʉkonapi asa chẽa chʉ'ʉni cuasajʉ vati toana sani uumanea'jʉ chini.

San Juan 5:40

Jã'ata'ni mʉsanʉkona chʉ'ʉre cuheme. Chʉ'ʉni cuasajʉ jovoni pa'iche re'oja'chere pa'ijʉ jũnisõsirʉmʉ Dios pa'ichejana saira'ame mʉsanʉkona.

San Juan 5:42

Mʉsanʉkona pa'iche masimʉ chʉ'ʉ. Diore chiima'me mʉsanʉkona.

San Juan 5:44

“Dios Ũcuate'eʉji ña pojoa'kʉ, re'oja'che cho'oñu mai”, chiima'me mʉsanʉkona. Pãichi'a ña pojoa'jʉ chini, “Re'oja'che cho'oñu”, chiinaa'me mʉsanʉkona. Jã'aja'ñe cuasanajejʉ mʉsanʉkona chʉ'ʉre cuasamanaa'me.

San Juan 6:15

Repanani chʉ̃'ʉa'kʉ chini repaʉ'te chẽa sañu chiijʉna masikʉ cuhekʉ aikũtina jo'e te'eʉ mʉisi'kʉa'mʉ repaʉ Jesús.

San Juan 7:18

Pãiʉ ũcuaʉakʉ repaʉ cuasachechi'a che'choni, pãipi, “Rʉa masikʉ'mʉ mʉ'ʉ”, chiapʉ chini che'chomʉ. Jã'ata'ni pãiʉ repaʉ'te raosi'kʉ kʉachechi'a che'choni, chekʉnapi, “Mʉ'ʉre raosi'kʉ rʉa masikʉ'mʉ”, chiapʉ chini che'chomʉ. Jã'aja'ñe pa'ikʉ jorema'ñe chʉ'o ũcuarepare che'chomʉ.

San Juan 8:50

“Pãi, ña kʉkʉjʉ̃'ʉ chʉ'ʉre”, chiima'mʉ chʉ'ʉ. Ja'kʉta'ni, “Pãi ña kʉkʉa'jʉ mʉ'ʉre”, chini raosi'kʉa'mʉ chʉ'ʉre. Chʉ'ʉre ña kʉkʉmana Ũcuaʉji ro'iche chʉ̃'ʉʉna cu'ache cho'ocojñojanaa'me repana.

San Juan 8:54

Chitena i'kasi'kʉa'mʉ repaʉ. —Chʉ'ʉpi meñe, “Rʉa masiʉ'mʉ chʉ'ʉ”, chiito jachara'ame pãi chʉ'ʉre. Chʉ'ʉ Ja'kʉta'ni, “Chʉ'ʉ chĩi rʉa masiʉ'mʉ”, chiikʉ'mʉ chʉ'ʉre. Repaʉ i'kache asacuhenata'ni, “Dios chʉkʉna'te paakʉ'mʉ”, chiime mʉsanʉkona.

1 Tesalonicenses 2:6

Chʉkʉna Jesús saosinajejʉ chʉ̃'ʉre'onata'ni, “Ña kʉkʉjʉ̃'ʉ chʉkʉna'te”, chiijʉ chʉ̃'ʉmanaa'me mʉsanʉkonare, chekʉnare ũcuachi'a.

1 San Pedro 2:21

Jã'aja'ñe cho'ojʉ paapʉ chini chẽa paamʉ Dios mʉsanʉkonare. Cristo cu'ache cho'omanesi'kʉta'ni cu'ache cho'ocojñokʉ ke'remanesi'kʉa'mʉ. Maini cho'okaiʉ jã'aja'ñe cho'osi'kʉa'mʉ Repaʉ. Mʉsanʉkona Repaʉ cho'osi'ere cuasajʉ ũcuaja'che cho'ojʉ pa'ijʉ̃'ʉ, mʉsanʉkonare cu'ache cho'oto.

2 San Pedro 1:17

Chʉkʉna reparʉmʉ Maire Paakʉna'me aikũti Dios pa'ikũtire mʉni pa'ijʉ Repaʉ'te Jesure re'oja'che ñokʉ'te ñajʉ Repaʉ pãi chʉ̃'ʉkʉ pa'iche'te kʉa jñaukʉ cʉnaʉmʉpi mai Ja'kʉ Dios Peore Paakʉ Re'okʉ i'kachʉ'o ija'che chiiche'te asasinaa'me: “Ikʉ chʉ'ʉ chĩia'mʉ. Chʉ'ʉ rʉa oiʉ pojokʉ'mʉ ikʉ”, chiisi'kʉa'mʉ Dios.