San Juan 5:28 - Koreguaje

^28-29 Chʉ'ʉ i'kache asa, kʉkʉmanejʉ̃'ʉ mʉsanʉkona. Na'a pa'isirʉmʉ pãi jũ'isina ũcuanʉko chʉ'ʉpi soito asa vajʉraijanaa'me. Re'oja'che pa'isina vajʉrani Diona'me si'arʉmʉ pa'ijʉ pa'ijanaa'me. Cu'ache pa'isinata'ni vajʉrani uujʉ pa'ijanaa'me —chiniasomʉ repaʉ.

San Juan 5:28 Iomraidhean Croise

San Juan 3:7

Chʉ'ʉ mʉsanʉkonare, “Chĩiva'ʉ jñaacojñoñeja'ñe jo'e mama jñaacojñojʉ̃'ʉ”, chiisi'e asa tĩiñe cuasamanejʉ̃'ʉ.

San Juan 4:21

Chikona i'kaasomʉ repaʉ. —Chʉ'ʉ i'kache jachama'ñe cuasajʉ̃'ʉ mʉ'ʉ. Na'a pa'isirʉmʉ pãi ũcuanʉko Pʉka'kʉre Diore pojoñu chiina ikũti mʉimanejanaa'me. Ũcuachi'a Jerusalén vʉ'ejoopo saimanejanaa'me repana.

San Juan 4:23

Pãi Dios chʉ'o jachama'ñe repana rekoñoã Repaʉ'te masirepa pojorʉmʉ tĩ'aja'mʉ. Chura reparʉmʉ tĩ'acuhamʉ. Jã'aja'ñe cho'ojʉ paapʉ pãi chiimʉ Repaʉ Dios.

San Juan 5:20

Ja'kʉ chʉ'ʉre rʉa chiimʉ. Repaʉ cho'oche peore ñomʉ chʉ'ʉre. Na'a rʉa masiche ñoja'mʉ Repaʉ chʉ'ʉre. Ñoʉna chʉ'ʉpi ũcuare cho'okʉna ña jñanojanaa'me mʉsanʉkona.

San Juan 5:25

Pãi Diore cuasamana jũnisõsinaja'ñe pa'ime. Jã'ata'ni chʉ'ʉpi Dios Mamakʉji chʉ'vakʉna asa pãi ũcuaʉana cuasani jũni vajʉraisina pa'icheja'che, pa'iche re'oja'chere pa'ijanaa'me. Na'a pa'isirʉmʉ ti'jñeja'mʉ chʉ'ʉ i'kasi'e. Chura tijñacuhamʉ repa. Ũcuarepaa'me jã'a.

Los Hechos 24:15

Jã'ata'ni ina cuasacheja'che cuasakʉ'mʉ chʉ'ʉ, Dios na'a pa'isirʉmʉ pãi jũnisosiva'nare ũcuanʉkore vasojache. Cu'ache pa'isinana'me re'oja'che pa'isina peore jo'e vajʉraijanaa'me.

Los Hechos 3:12

Chi'irena, ña Pedro ija'che chʉ'vaasomʉ repanare: —Chʉkʉna majapãi, ¿je'se pa'iʉna ña jñanoñe mʉsanʉkona? Chʉkʉna'te rʉa pãiñame mʉsanʉkona. Chekʉrʉmʉ ija'che cuasacosome mʉsanʉkona: “Ãa, ina rʉa re'onajejʉ, masijʉ ikʉre vasome”, chini cuasajʉ ñacosome. Ikʉ nʉka ku'imʉ chura. Jã'ata'ni chʉkʉna cho'osi'ema'mʉ ie.

1 Corintios 15:22

Pãi ũcuanʉko Adán jojocojñosinachi'ajejʉ repaʉ jũnisosi'eja'che ũcuanʉko jũnisome. Mai ũcuachi'a Diore cuasana Cristo chẽa paacojñonajejʉ Diopi vasoʉna ũcuanʉko vajʉrani re'oja'che pa'ijanaa'me.

Filipenses 3:21

Reparʉmʉ Repaʉ peore Paakʉji Masikʉjekʉ mai ca'nivʉã re'oja'chechi'a pa'ivesʉca'nivʉã Repaʉ ca'nivʉja'ñe sañokaija'mʉ, maipi Repaʉ ca'nivʉja'ñe paaa'jʉ chini, jo'e jũ'imaca'nivʉji re'oja'che cho'o koka paaca'nivʉja'ñe.

El Apocalipsis 20:12

Reparʉmʉ pãi jũ'isinare mar chiaraã runi cho'osõsinana'me jũnisõ cheja sa'navʉ tãcojño jũ'isina pa'icheja pa'isinare masisinana'me vesʉsinare vajʉrani, Dios chʉ̃'ʉkʉ ñu'isaivʉ ti'jñeñe nʉkanani ñasi'kʉa'mʉ chʉ'ʉ. Nʉkajʉna Dios utija'ophʉ vatasi'kʉa'mʉ. Chekʉphʉro ũcuachi'a Repaʉna'me pa'ijana mami pa'iphʉro'te vatasi'kʉa'mʉ Repaʉ. Ũcuaphʉre pãi ũcuanʉko cho'ojʉ pa'iche peore tochasi'e pa'isi'kʉa'mʉ. Jã'ajekʉna repanare ũcuanʉkore repaphʉqueere tochasi'e ñakʉ repana cho'osinʉkorʉã pa'iche ro'iche chʉ̃'ʉsi'kʉa'mʉ Repaʉ, re'oja'che cho'osi'ena'me cu'ache cho'osi'e.