San Juan 5:25 - Koreguaje

²⁵ Pãi Diore cuasamana jũnisõsinaja'ñe pa'ime. Jã'ata'ni chʉ'ʉpi Dios Mamakʉji chʉ'vakʉna asa pãi ũcuaʉana cuasani jũni vajʉraisina pa'icheja'che, pa'iche re'oja'chere pa'ijanaa'me. Na'a pa'isirʉmʉ ti'jñeja'mʉ chʉ'ʉ i'kasi'e. Chura tijñacuhamʉ repa. Ũcuarepaa'me jã'a.

San Juan 5:25 Iomraidhean Croise

San Lucas 15:24

Chʉ'ʉ chĩiva'ʉ jũnisõsiva'ʉja'che peocheja pa'iva'ʉpi co'icuhasi'kʉa'mʉ. Ũcuachi'a sani cavesʉsõsiva'ʉja'che peocheja pa'isiva'ʉpi co'icuhasi'kʉa'mʉ jo'e”, chikʉna asa pojojʉ fiesta cho'oasome repana.

San Lucas 15:32

Mʉche'ʉva'ʉta'ni jũnisõsiva'ʉja'che peocheja pa'isiva'ʉpi co'icuhasi'kʉa'mʉ. Ũcuaja'che sani cavesʉsõsiva'ʉja'che peocheja pa'isiva'ʉpi co'icuhasi'kʉa'mʉ jo'e. Jã'ajekʉna pojokʉ fiesta cho'omʉ chʉ'ʉ”, chiniasomʉ repaʉ —Jã'aja'ñe chʉ'vaasomʉ Jesús repanare pãi.

San Lucas 9:60

Jã'aja'ñe i'kaʉna asa Jesús i'kaasomʉ repaʉ'te. —Chekʉnapi chʉ'ʉre cuasamanajejʉ repana rekoñoã jũnisõsinaja'ñe pa'inapi repana majapãi jũ'isinare tãa'jʉ. Mʉ'ʉta'ni pãi cu'ache cho'oche ũhasinare Dios chẽa paache'te rani kʉakʉ pa'ijʉ̃'ʉ —chiniasomʉ repaʉ.

San Juan 13:1

Reparʉmʉ pascuarʉmʉ tĩ'aumucuse pa'isi'kʉa'mʉ. Reparʉmʉ Jesús repaʉ saijarʉmʉ tĩ'akʉna masiasomʉ icheja cheja pa'iche jo'ka Pʉka'kʉ pa'icheja saijachere. Chʉkʉna'te repaʉ neenare cheja pa'inare cuhama'ñe si'arʉmʉ rʉa cuasakʉ pa'isi'kʉa'mʉ repaʉ.

San Juan 17:1

Jã'aja'ñe i'kacuha Jesús cʉnaʉmʉre mʉñe ñakʉ ija'che i'kasi'kʉa'mʉ: —Ja'kʉ, mʉ'ʉ chiisirʉmʉ tĩ'acuhamʉ. Mʉ'ʉpi chʉ'ʉ peore Masiʉ pa'iche pãire cho'o ñojʉ̃'ʉ. Chʉ'ʉ ũcuaja'che mʉ'ʉ peore Masiʉ pa'iche cho'o ñora.

San Juan 4:21

Chikona i'kaasomʉ repaʉ. —Chʉ'ʉ i'kache jachama'ñe cuasajʉ̃'ʉ mʉ'ʉ. Na'a pa'isirʉmʉ pãi ũcuanʉko Pʉka'kʉre Diore pojoñu chiina ikũti mʉimanejanaa'me. Ũcuachi'a Jerusalén vʉ'ejoopo saimanejanaa'me repana.

San Juan 4:23

Pãi Dios chʉ'o jachama'ñe repana rekoñoã Repaʉ'te masirepa pojorʉmʉ tĩ'aja'mʉ. Chura reparʉmʉ tĩ'acuhamʉ. Jã'aja'ñe cho'ojʉ paapʉ pãi chiimʉ Repaʉ Dios.

San Juan 5:21

Ja'kʉ jũnisõsinare vasokʉ'mʉ vajʉa'jʉ chini. Chʉ'ʉ Repaʉ Mamakʉ ũcuaja'che chʉ'ʉre ʉanare vasokʉ'mʉ.

San Juan 5:28

Chʉ'ʉ i'kache asa, kʉkʉmanejʉ̃'ʉ mʉsanʉkona. Na'a pa'isirʉmʉ pãi jũ'isina ũcuanʉko chʉ'ʉpi soito asa vajʉraijanaa'me. Re'oja'che pa'isina vajʉrani Diona'me si'arʉmʉ pa'ijʉ pa'ijanaa'me. Cu'ache pa'isinata'ni vajʉrani uujʉ pa'ijanaa'me —chiniasomʉ repaʉ.

San Juan 6:60

Repaʉ che'choche'te asa repaʉ'te chiijʉ ja'me ku'ina jainʉko ija'che i'kasinaa'me: —Repaʉ che'choche rʉa asavesamʉ. Te'eʉjẽ'e asa chẽamanejacosome mai —chiisinaa'me repana.

San Juan 8:43

¿Je'se pa'iʉna chʉ'ʉ i'kache asavesʉche mʉsanʉkona? Chʉ'ʉ i'kache'te asacuhejʉna asoma'mʉ mʉsanʉkonare.

San Juan 8:47

Dios neena Repaʉ chʉ'o asa chẽame. Mʉsanʉkonata'ni Dios neemanajejʉ Repaʉ chʉ'o asacuheme —chiisi'kʉa'mʉ repaʉ.

San Juan 9:27

Chitena i'kaasomʉ repaʉ. —Repaʉ cho'osi'e kʉacuhasi'kʉa'mʉ chʉ'ʉ. Jã'ata'ni jachame mʉsanʉkona. ¿Je'se pa'iʉna jo'e, “Kʉajʉ̃'ʉ”, chiiche mʉsanʉkona chʉ'ʉre? ¿Mʉsanʉkona ũcuachi'a repaʉni jovoñu chiiche? —chiniasomʉ repaʉ repanare.

Romanos 6:4

Maire Jesure jovosinare Ũcuaʉji jũni ro'ikakʉna mai rekoñoã cu'ache cho'oʉache sẽjokaisi'kʉa'mʉ Dios, Jesure jũnisoʉna tãsi'eja'che. Okoro'vecojñosinajejʉ jũniso tãcojño jo'e vajʉraisinaja'ñe pa'ime mai. Ũcuachi'a Dios peore Masiʉjekʉ Jesure jũnisosi'kʉre vasosi'eja'che mai rekoñoã re'ojarekoñoã care'vakaisi'kʉa'mʉ, maipi mama pa'ijʉ re'oja'che paapʉ chini.

Efesios 2:1

Aperʉmʉ mʉsanʉkonapi cu'achechi'a cho'oñu chiijʉna cuhekʉ sẽjosi'kʉa'mʉ Dios. Repaʉji ñato jũnisosinaja'ñe pa'isinaa'me mʉsanʉkona.

Efesios 2:5

maire cu'are cho'ojʉ rekoñoã jũnisosinaja'ñe pa'inareta'ni chẽa paakʉ mai rekoñoã vajʉche ĩsisi'kʉa'mʉ Repaʉ. Maini oiʉ peore Masiʉjekʉ Jesucristo'te vasosi'kʉpi ũcuachi'a mai rekoñoã re'ojarekoñoã care'vakaisi'kʉa'mʉ Repaʉ, re'oja'che paapʉ chini.

Efesios 5:14

Jã'ajekʉna Dios chʉ'o tochasi'e ija'che kʉamʉ: Vʉijʉ̃'ʉ mʉ'ʉ, kãnisosi'kʉja'che pa'ikʉ. Cristoni cuasa vajʉjʉ̃'ʉ, mʉ'ʉni miañeja'ñere re'oja'che pa'iche'te ĩsia'kʉ, chiimʉ.

Colosenses 2:13

Aperʉmʉ mʉsanʉkona judío peona ũcuanʉko Dios pa'iche'te vesʉjʉ cu'are cho'ojʉ Repaʉ sẽjocojñosina pa'isinaa'me. Irʉmʉta'ni Dios mʉsanʉkonare Cristo cho'okaisi'ejekʉna pa'iche mamare jo'ka mʉsanʉkona cu'ache cho'osi'e cuasama'mʉ.

El Apocalipsis 3:1

Ũcuarʉmʉ Jesucristo jo'e i'kasi'kʉa'mʉ chʉ'ʉre. “Sardis vʉ'ejoopo canare chʉ'ʉre cuasakuanupʉ chʉ̃'ʉkʉ'te ija'chere tocha saojʉ̃'ʉ mʉ'ʉ”, chiisi'kʉa'mʉ. Dios Rekocho re'oja'che Cho'okairekocho Paakʉji ma'jñoko sieterepanare Cãjikʉji Jesucristo ija'che i'kamʉ chʉ'ʉ mʉsanʉkonare: Mʉsanʉkona cho'ojʉ pa'iche peore masimʉ chʉ'ʉ. Pãi mʉsanʉkona pa'iche ñani, “Dioni cuasajʉ Repaʉ chʉ̃'ʉñe cho'onajejʉ re'oja'che pa'inaa'me ina”, chiime. Jã'ata'ni rekoñoã cu'ache cuasajʉ pa'inaa'me mʉsanʉkona.