San Juan 5:16 - Koreguaje

¹⁶ Jesupi pʉaumucusena jũ'ikʉni vasoʉna judíopãi chʉ̃'ʉna repaʉ'te cu'ache i'kajʉ vanisõñu chiniasome.

San Juan 5:16 Iomraidhean Croise

San Mateo 12:13

Chini cu'ajʉ̃tʉrʉ paakʉ'te i'kasi'kʉa'mʉ. —Mʉ'ʉ jʉ̃tʉ saʉjʉ̃'ʉ —chiisi'kʉa'mʉ. Chikʉna saʉsi'kʉa'mʉ. Saʉʉna repajʉ̃tʉ teana re'ojajʉ̃tʉ care'osõsi'kʉa'mʉ, chekʉjʉ̃tʉ re'oja'icheja'che.

San Marcos 3:6

Ũcuarʉmʉ fariseopãi Jesupi jã'aja'ñe cho'oʉna ña ũcuavʉ'epi eta mʉa, Jesure vanisojachere care'vañu chini Herode'te pãi chʉ̃'ʉkʉ'te chiinana'me chi'i cutuasome.

San Lucas 6:11

Jã'aja'ñe cho'oʉna ña Jesure rʉa pe'ruche pe'ruasome repana. Pe'rujʉ, “¿Je'se mai jã'ʉre cho'ojanaa'ñe?”, chini sãiñechi'a cutuasome repana.

San Juan 1:19

Ũcuarʉmʉ Jerusalén vʉ'ejoopo cana judíopãi chʉ̃'ʉna Juan pa'ichejana sani, “¿Keeja'iʉ'ʉ mʉ'ʉ?”, chiapʉ chini phairipãina'me Leví jojosinare Dios vʉ'e cho'oche cho'okainani saoasome.

San Juan 10:39

Chikʉna jo'e chẽañu chiinareta'ni jo'ka sanisõsi'kʉa'mʉ repaʉ.

San Juan 15:20

Chʉ'ʉ mʉsanʉkonare ija'che i'kasi'e cavesʉmanejʉ̃'ʉ, “Cho'oche cho'okaikʉ repaʉ paakʉ'te na'a rʉa pa'ikʉma'mʉ”, chiisi'ere. Chʉ'ʉre cuhejʉ cu'ache cho'ona mʉsanʉkonare ũcuaja'che cuhejʉ cu'ache cho'ojanaa'me. Chʉ'ʉ chʉ'vache asa jachama'ñe cho'onapi mʉsanʉkona chʉ'vache ũcuaja'che asa jachama'ñe cho'ojanaa'me.

San Juan 5:10

Repaʉ kãikãa mini kuãa saiʉna ña judíopãi chʉ̃'ʉna i'kaasome. —Pʉaumucusea'me iumucuse. Mʉ'ʉ kãikãare mini saiʉ cu'ache cho'omʉ mʉ'ʉ. Mai aipãi chʉ̃'ʉ jo'kasi'e pʉaumucuse jã'aja'ñe cho'oche ʉ̃semʉ —chiniasome repana.

San Juan 5:13

Sẽeto repaʉ'te vasosi'kʉre vesʉasomʉ repaʉ, pãipi jairepanʉko pa'ijʉna Jesupi ñoma'ñe sanisõʉna.

San Juan 5:15

Chikʉna sani judíopãi chʉ̃'ʉnare kʉaasomʉ repaʉ, “Jesupi chʉ'ʉre vasosi'kʉa'mʉ”, chiiʉ.

San Juan 5:17

Repaʉ'te cu'ache i'kajʉna ija'che i'kaasomʉ repaʉ: —Chʉ'ʉ Ja'kʉ si'arʉmʉ pãi re'oja'che cho'okaiʉ pa'ikʉ'mʉ. Jã'ajekʉna chʉ'ʉ ũcuaja'che pãi re'oja'che cho'okaikʉ'mʉ —chiniasomʉ.

San Juan 5:18

Jesupi pʉaumucusena pãiʉ'te vasosi'kʉpi, “Dios chʉ'ʉ Ja'kʉa'mʉ”, chikʉna asa, “ ‘Dios pa'icheja'che pa'ikʉ'mʉ chʉ'ʉ’, chini cuasacosomʉ ikʉ”, chini pe'rujʉ repaʉ'te na'a rʉa vanisõñu chiniasome repana.

San Juan 7:21

Chitena Jesús i'kasi'kʉa'mʉ. —Pʉaumucusena chʉ'ʉpi pãiʉni vasoʉna ũcuanʉko ña jñanosinaa'me mʉsanʉkona.

San Juan 7:25

Reparʉmʉ Jerusalén vʉ'ejoopo cana te'ena ija'che sãiñechi'a sẽniasome: —¿Pãi vanisoñu chini ku'ecojñokʉ'ʉ ikʉ?