San Juan 4:52 - Koreguaje

⁵² Jã'aja'ñe kʉarena, “¿Keerʉmʉna repava'ʉ vajʉʉ?”, chiniasomʉ repaʉ. Chikʉna i'kaasome repana. —Neato una pa'ito cha'voche chʉrʉsi'kʉa'mʉ repaʉ —chiniasome repana.

San Juan 4:52 Iomraidhean Croise

San Mateo 17:18

Chini repava'ʉre raʉna Jesupi chʉ̃'ʉʉna eta sanisõsi'kʉa'mʉ vati. Jã'arʉmʉpi repava'ʉ teana vajʉʉ pa'isi'kʉa'mʉ.

San Mateo 8:13

Jã'aja'ñe i'kacuha sõtao chʉ̃'ʉkʉ'te ija'che i'kasi'kʉa'mʉ Jesús: —Mʉ'ʉ vʉ'ena co'ijʉ̃'ʉ. Mʉ'ʉ chʉ'ʉre, “Jesús chʉ'ʉre cho'oche cho'okaikʉ'te so'opi vasoja'mʉ”, chiiʉ cuasasi'e ũcuarepa cho'ocojñoja'mʉ —chiisi'kʉa'mʉ Jesús. Ũcuate'erʉmʉna jũ'iva'ʉ vʉ'e ũhiva'ʉ teana vajʉasomʉ.

San Juan 4:51

Co'iʉna repaʉ'te cho'oche cho'okaina eta tijña kʉaasome repaʉ'te. —Mʉ'ʉ chĩi vajʉcuhasi'kʉa'mʉ —chiniasome repana.

San Juan 4:53

Chitena asa ũcuajarʉmʉna Jesús, “Mʉ'ʉ chĩi vajʉcuhasi'kʉa'mʉ”, chiisi'ere cuasaasomʉ repaʉ. Ũcuarʉmʉ Jesuni cuasakʉ jovoasomʉ repaʉ majapãina'me repaʉ'te cho'oche cho'okaina.