San Juan 4:15 - Koreguaje

¹⁵ Chikʉna i'kaasomo repao. —Mʉ'ʉ i'kache'te oko ũkuajʉ̃'ʉ chʉ'ʉre, jo'e chʉ'ʉni okoʉamanea'kʉ, icoje rani jo'e oko eache peoa'kʉ chʉ'ʉre —chiniasomo repao.

San Juan 4:15 Iomraidhean Croise

San Juan 4:16

Chikona i'kaasomʉ repaʉ. —Mʉʉ̃jʉre soijani ichejana rajʉ̃'ʉ —chiniasomʉ repaʉ repao'te.

San Juan 6:26

Chitena i'kasi'kʉa'mʉ repaʉ. —Chʉ'ʉpi Diochi'a te'eʉ cho'omasiche'te cho'okʉna ña, “Dios Raosi'kʉa'mʉ mʉ'ʉ”, chiima'me mʉsanʉkona chʉ'ʉre. Rupʉ chʉ'ʉ ãuñe pã chajiche ãisinajejʉ ku'eme mʉsanʉkona chʉ'ʉre. Ũcuarepaa'me jã'a.

San Juan 6:34

Chikʉna i'kasinaa'me repana. —Chʉkʉna'te Paakʉ, ũcuare ãu si'arʉmʉ ĩsikʉ pa'ijʉ̃'ʉ chʉkʉna'te —chiisinaa'me repana.

San Juan 6:35

Chitena i'kasi'kʉa'mʉ repaʉ. —Ãu ãni re'oja'che pa'icheja'che chʉ'ʉpi jo'kaʉna chʉ'ʉre cuasana jũnisõsirʉmʉ Dios pa'ichejana ai sani re'oja'che pa'ijʉ pa'ijanaa'me. Pãi ãu ãisinare jo'e ãucuhaja'mʉ repanare. Ũcuachi'a pãi oko ũkusinare jo'e okoʉaja'mʉ. Na'a pa'isirʉmʉ jo'e ãuna'me oko chiijanaa'me repana. Jã'ata'ni chʉ'ʉ ĩsiche koosina chʉ'ʉre cuasana karamaʉna jo'e chiima'ñe si'arʉmʉ re'oja'che pa'ijanaa'me.

Romanos 6:23

Maire cu'ache cho'onare cuhekʉ sẽjomʉ Dios, mai cu'ache cho'osi'e ro'i. Jã'ata'ni Maire Paakʉ'te Jesucristo'te jovosinare Diopi rupʉ cho'okaiʉna Ũcuaʉna'me si'arʉmʉ re'oja'che pa'ijanaa'me mai.

Romanos 8:5

Pãi repana rekoñoã cu'ache cuasachechi'a cho'ona repanare ʉachechi'a cuasajʉ cho'ome. Pãi Dios Rekocho chʉ̃'ʉñe'te cuasajʉ cho'onata'ni Dios chiiche'te cuasajʉ cho'ome.

1 Corintios 2:14

Dios Rekocho che'choche'te chʉ'vajʉna pãipi asani, “Vesʉna i'kache'me jã'a”, chiime Dios Rekocho peona, repana i'kache'te asavesʉjʉ. Repana rekoñoãre Dios Rekochoji peokʉna asacu'amʉ repanare. Dios Rekocho paanarechi'a asare'omʉ Dios chʉ'o, Repaʉ Rekochoji cho'okaiʉna.

Santiago 4:3

Chekʉrʉmʉ Repaʉ'te sẽni tĩiñe cuasajʉ sẽejʉ kooma'me, rupʉ mʉsanʉkonare ʉachechi'a ũcuaʉache cho'oñu chini sẽejʉ.

1 San Juan 5:20

Jesucristo, Dios Mamakʉ chejare caje pa'iʉ Pʉka'kʉ pa'iche'te che'chosi'kʉa'mʉ, pãipi Diorepaʉ pa'iche'te masia'jʉ chini. Jã'are masime mai. Dios Mamarepakʉni Jesucristo'te masi cuasanajejʉ Dios pa'ichejare ai sani pa'ijanaa'me mai.