San Juan 3:35 - Koreguaje

³⁵ Mai Ja'kʉ Dios Repaʉ Mamakʉ'te chiimʉ. Peore paakʉ chʉ̃'ʉa'kʉ chini ũcuaʉni jo'kaasomʉ Repaʉ.

San Juan 3:35 Iomraidhean Croise

San Mateo 11:27

Chini pãire ija'che i'kasi'kʉa'mʉ repaʉ: —Chʉ'ʉ Ja'kʉ Repaʉ pa'iche masiche peore jo'kasi'kʉa'mʉ chʉ'ʉre. Chʉ'ʉ Repaʉ Mamakʉ pa'iche pãi te'eʉjẽ'e vesʉme. Chʉ'ʉ Ja'kʉta'ni masimʉ. Ũcuachi'a chʉ'ʉ Ja'kʉ pa'iche pãi te'eʉjẽ'e vesʉme. Chʉ'ʉ Repaʉ Mamakʉchi'a masimʉ Ja'kʉ pa'iche. Ũcuachi'a chʉ'ʉre kʉaʉanarechi'a chʉ'ʉ Ja'kʉ pa'iche kʉamʉ chʉ'ʉ.

San Mateo 17:5

Repaʉ Pedro chuta'a jã'aja'ñe i'katona repana nʉkachejana piko rʉa poko'sija'chepi caje ta'pisõ piko sa'navʉji chʉ'o i'kache asoasomʉ repanare, ija'che chiicheji: “Ikʉ chʉ'ʉ chĩi chʉ'ʉ oiʉ paakʉ'mʉ. Rʉa pojomʉ chʉ'ʉ ikʉre. Repaʉ chʉ'ore asajʉ pa'ijʉ̃'ʉ mʉsanʉkona”, chiniasomʉ.

San Mateo 28:18

Jã'aja'ñe cuasajʉna Jesús repanare kueñe sani ija'che i'kasi'kʉa'mʉ: —Dios chʉ'ʉre cʉnaʉmʉ pa'inana'me cheja pa'inare peore chʉ̃'ʉñe jo'kasi'kʉa'mʉ.

San Mateo 3:17

Dios Rekocho cajesirʉmʉ cʉnaʉmʉpi ija'che i'kache asoasomʉ: “Ikʉ chʉ'ʉ chĩi chʉ'ʉ oiʉ paakʉ'mʉ. Rʉa pojomʉ chʉ'ʉ ikʉre”, chiiche asoasomʉ.

San Lucas 10:22

Diore i'ka pi'ni pãire i'kaasomʉ repaʉ. —Chʉ'ʉ Ja'kʉ Repaʉ pa'iche masiche peore jo'kasi'kʉa'mʉ chʉ'ʉre. Chʉ'ʉ pa'iche vesʉme pãi. Chʉ'ʉ Ja'kʉta'ni masimʉ. Ũcuaja'che chʉ'ʉ Ja'kʉ pa'iche vesʉme pãi. Chʉ'ʉta'ni Repaʉ pa'iche masimʉ, Repaʉ Mamakʉjekʉ. Chʉ'ʉre kʉaʉanarechi'a chʉ'ʉ Ja'kʉ pa'iche kʉamʉ chʉ'ʉ —chiniasomʉ Jesús repanare.

San Juan 15:9

Chʉ'ʉre Ja'kʉ oicheja'che mʉsanʉkonare oimʉ chʉ'ʉ. Chʉ'ʉ oiche cuhema'ñe mʉsanʉkona rekoñoã chʉ'ʉna'me pa'ijʉ̃'ʉ.

San Juan 17:2

Chʉ'ʉre mʉ'ʉ chĩire pãire ũcuanʉkore chʉ̃'ʉa'kʉ chini jo'kasi'kʉa'mʉ mʉ'ʉ. Chʉ'ʉpi paakʉ chʉ̃'ʉa'kʉ chini mʉ'ʉ chẽa jo'kasinare mʉ'ʉ pa'icheja sani pa'iche'te jo'kamʉ chʉ'ʉ.

San Juan 17:23

Repanare ja'me pa'ikʉ'mʉ chʉ'ʉ. Mʉ'ʉ ũcuaja'che chʉ'ʉre ja'me pa'ikʉ'mʉ. Pãipi mʉ'ʉre cuasamanapi repanapi ũcuate'eʉja'che pa'ijʉna ña, “Jesús Dios Raosi'kʉa'mʉ; Repaʉ Mamakʉ'te oicheja'che oimʉ Dios inare”, chiijʉ masia'jʉ chini.

San Juan 17:26

Mʉ'ʉ pa'iche kʉasi'kʉa'mʉ chʉ'ʉ repanare. Ũcua cuhama'ñe kʉakʉ pa'ija'mʉ chʉ'ʉ, repanapi mʉ'ʉ chʉ'ʉre oicheja'che sãiñechi'a oijʉ paapʉ chini. Repana rekoñoãre ja'me pa'ija'mʉ chʉ'ʉ —chiisi'kʉa'mʉ repaʉ.

San Juan 5:20

Ja'kʉ chʉ'ʉre rʉa chiimʉ. Repaʉ cho'oche peore ñomʉ chʉ'ʉre. Na'a rʉa masiche ñoja'mʉ Repaʉ chʉ'ʉre. Ñoʉna chʉ'ʉpi ũcuare cho'okʉna ña jñanojanaa'me mʉsanʉkona.

San Juan 5:22

Chʉ'ʉ Ja'kʉ, “Mʉsanʉkonare pãi cu'ache cho'osi'e ro'iche pa'imʉ”, chiimaneja'mʉ. Chʉ'ʉpi jã'aja'ñe cho'oa'kʉ chini jo'kasi'kʉa'mʉ Ja'kʉ chʉ'ʉre, pãipi Repaʉ'te cuasa, vajʉchʉcheja'che chʉ'ʉni ña, vajʉchʉa'jʉ chini. Chʉ'ʉre Dios Mamakʉ'te ña, vajʉchʉmana chʉ'ʉre Raosi'kʉre Ja'kʉre ũcuaja'che cuasa, vajʉchʉma'me.

1 Corintios 15:27

Dios chʉ'o aperʉmʉ tocha jo'kasi'e ija'che kʉamʉ: “Cristo Diopi jo'kaʉna pãina'me cʉnaʉmʉ pa'inare ũcuanʉkore chʉ̃'ʉkʉ pa'ija'mʉ”, chiimʉ. Cristo, Repaʉ'te pãi chʉ̃'ʉñe jo'kasi'kʉre Dioreta'ni chʉ̃'ʉmaneja'mʉ.

Efesios 1:22

Diopi jo'kaʉna peore Cristo neea'me. Aijekʉ Peore Masikʉ Repaʉ cho'ora chiiche peore cho'okʉ Repaʉ'te cuasanare ũcuanʉkore si'achejñarʉã pa'inare re'oja'che cho'okaiʉ paakʉ'mʉ Repaʉ. Mai Repaʉ'te cuasana kueñe pa'inajejʉ Repaʉ ca'nivʉja'ñe pa'inaa'me. Repaʉta'ni maire Repaʉ neenare chʉ̃'ʉkʉjekʉ mai rekochoja'che pa'ikʉ'mʉ. Pãiʉ'te rekochona'me ca'nivʉ paato karama'mʉ repaʉ'te. Repaʉ Cristo peore Masiʉjekʉ, peore Paakʉ, si'achejña pa'iʉ si'ache cho'okʉ'mʉ. Jã'ajekʉna maire Repaʉ neenare pa'imasiche karama'mʉ, Repaʉji cho'okaiʉna.

Hebreos 1:2

Irʉmʉ Repaʉ Mamakʉji kʉamʉ maire. Ũcuaʉni peore paakʉ chʉ̃'ʉñe'te jo'kaasomʉ. Ũcuachi'a Repaʉji chejana'me peore irʉmʉ pa'iche cho'oa'kʉ chini chʉ̃'ʉasomʉ Repaʉ.

1 San Pedro 3:22

Jesucristo Repaʉ vajʉraisirʉmʉ cʉnaʉmʉna mʉni Dios ʉjajʉ̃tʉ cakã'kona kueñe pʉʉ ñu'iʉ chʉ̃'ʉkʉ ʉ̃sekʉ pa'imʉ. Aijekʉ ángeles chʉ̃'ʉnare chʉ̃'ʉmʉ. Ũcuachi'a pãi ũcuanʉkore chʉ̃'ʉnana'me vati chʉ̃'ʉnare ʉ̃sekʉna repanare ʉache cu'ache cho'ojʉ Repaʉ ʉ̃semamajñarʉãchi'a cho'ome.