San Juan 3:3 - Koreguaje

³ Chikʉna Jesús i'kaasomʉ. —Pãipi chĩiva'ʉ jñaacojñoñeja'ñe jo'e mama jñaacojñomaneni Dios neena pa'icu'amʉ repanare. Ũcuarepaa'me jã'a —chiniasomʉ repaʉ.

San Juan 3:3 Iomraidhean Croise

San Mateo 16:17

Chikʉna Jesús i'kasi'kʉa'mʉ repaʉ'te. —Mʉ'ʉre Simonre, Jonás mamakʉ'te pãiʉ te'eʉjẽ'e kʉamanesinaa'me jã'a, mʉ'ʉ cuasakʉ i'kasi'e. Chʉ'ʉ Ja'kʉ Cʉnaʉmʉ Pa'ikʉji mʉ'ʉ rekochona kʉa jñauʉna masikʉ i'kasi'kʉa'mʉ mʉ'ʉ.

San Mateo 19:24

Jo'e ũcuare i'kamʉ chʉ'ʉ mʉsanʉkonare. Camellova'ʉre miuñakarʉ cojerʉ kaka etajaicu'acheja'che kuriʉ'te Dios pa'icheja saicu'aja'mʉ, repaʉji kurire na'a rʉa cuasakʉ pa'ito —chiisi'kʉa'mʉ repaʉ chʉkʉna'te.

San Mateo 21:31

Jã'aja'ñe kʉa pi'ni repanare ija'che sẽniasasi'kʉa'mʉ repaʉ: —Mʉsanʉkona cuasato repaʉ mamachĩi, ¿kaʉpi pʉka'kʉ chiiche cho'okakʉ? —chiisi'kʉa'mʉ. Chikʉna i'kasinaa'me repana. —Charo i'kacojñosi'kʉ —chiisinaa'me. Chitena Jesús repanare ija'che i'kasi'kʉa'mʉ: —Juan Pãi Okoro'vekʉ rani mʉsanʉkonare, Dios chʉ̃'ʉñe cho'ona re'oja'che pa'iche'te chʉ'vasi'kʉa'mʉ. Jã'ata'ni jachasinaa'me mʉsanʉkona. Jã'a cho'oto Romapãi kuri kookainana'me sĩ'uromi, Juan chʉ'vasi'ere asa chẽa repana cu'ache cho'oche ũhasõsinaa'me. Jã'aja'ñe cho'osinajejʉ repana jũnisõsirʉmʉ Dios pa'ichejana saijanaa'me. Mʉsanʉkonata'ni repana cho'oche peore ñasinata'ni mama cuasa cu'ache cho'oche ũhasõmanesinajejʉ saimanejanaa'me. Ũcuarepaa'me jã'a —chiisi'kʉa'mʉ repaʉ.

San Mateo 5:18

Cʉnaʉmʉna'me cheja chuta'a si'amarʉmʉna repana tocha jo'kasi'e kʉache te'emakarʉjẽ'e karama'ñe peore pa'ija'mʉ, repa kʉache peore ti'jñerʉmʉjatʉ'ka. Ũcuarepaa'me jã'a.

San Marcos 10:14

Ʉ̃sepi'rajʉna ña Jesús pe'rukʉ i'kaasomʉ repanare. —Chĩiva'nare chʉ'ʉre raiʉ̃semanejʉ̃'ʉ mʉsanʉkona, chʉ'ʉni raapʉ. Iva'na chĩiva'naja'ñe pa'ijʉ chʉ'ʉre masi cuasanapi Dios chʉ'o asa chẽajanaa'me.

San Marcos 9:47

Ũcuaja'che mʉ'ʉ ñakovaji ñakʉ cu'ache cho'oni ñakova'te rutasõjʉ̃'ʉ. Na'a re'omʉ te'eñakova paakʉji Dios pa'ichejana sani re'oja'che pa'ito. Jã'aja'ñe cho'omaneni ñakocaã peore paakʉta'ni ũcuañakovaji ñakʉ cu'ache cho'osi'kʉjekʉ vati toana sani uukʉ pa'ija'mʉ mʉ'ʉ. Na'a cu'amʉ jã'a.

San Juan 1:13

Repaʉ'te cuasana pa'iche'te maipi ija'che cuasato cu'amʉ: “Pãi ũcuanʉko Dios chĩichi'aa'me”, chini cuasato cu'amʉ. Ũcuachi'a, “Ʉmʉʉna'me romiochi'a chiijʉ chĩiva'nare paa Dios chĩia'me ina”, chini cuasato cu'amʉ. Ũcuachi'a, “Pãiʉ chĩi paaneekʉ chĩiva'nare paa Dios chĩia'me ina”, chini cuasato cu'amʉ. Peore jã'aja'ñe cuasache cu'amʉ. Jã'ata'ni, “Repanapi Dioni cuasajʉna Repaʉji chẽa paatota'ni Repaʉ chĩia'me jã'ana”, chini cuasato re'omʉ. Jã'aja'ñeta'ni ũcuarepaa'me.

San Juan 1:5

Repaʉ Miañeja'ñe Pa'ikʉ icheja mai pa'icheja chijachejaja'che cu'ache pa'ina pa'ichejana rani re'oja'che cho'osi'kʉa'mʉ. Jã'aja'ñe pa'ikʉni pãi repaʉni cuhejʉ repaʉ re'oja'che cho'oche ʉ̃señu chiime. Jã'ata'ni ʉ̃secu'amʉ.

San Juan 1:51

Chini jo'e i'kaasomʉ Jesús. —Chʉ'ʉre pãire ja'me paaʉ chini Dios Raosi'kʉre cʉnaʉmʉpi vataʉna chʉ'ʉ nʉkachejana ángeles Diore ja'me pa'inapi mʉni caje jo'e mʉni cajejʉ cho'onani ñajanaa'me mʉsanʉkona. Ũcuarepaa'me jã'a —chiniasomʉ Jesús repanare.

San Juan 12:40

Ñakocaã ñamava'naja'ñe paapʉ chini jo'kaasomʉ Dios. Ũcuachi'a Repaʉ chʉ'o asavesache cho'oasomʉ repanare. Diopi jã'aja'ñe cho'oʉna, “Ikʉ maire vasoja'mʉ”, chiimapʉ chʉ'ʉre raima'me repana, chiiʉ tocha jo'kaasomʉ.

San Juan 3:4

Chikʉna Nicodemo i'kaasomʉ repaʉ'te. —Pãiʉ ai, ¿je'se jo'e mama jñaacojñoja'ʉ? Pʉka'ko cʉtaro kaka jo'e mama etacu'amʉ maire ainare —chiniasomʉ.

2 Corintios 4:4

Diore cuasacuhejʉ pa'inare paakʉ chʉ̃'ʉkʉji vati aipi ʉ̃sekʉna Dios chʉ'o asavesʉme. Repana rekoñoã na'ava'naja'ñe pa'ijʉ Jesucristo Diojekʉ miañeja'ñe re'oja'che pa'iche kʉachʉ'o asavesʉme repana.

2 Corintios 5:17

Ija'chea'me: Pãiʉ ũcuaʉakʉji Jesucristoni cuasakʉ jovoni repaʉ rekocho mamarekocho'te paakʉ re'oja'che mama pa'imʉ. Aperʉmʉ pa'isi'e jo'kaso chura mamare pa'imʉ repaʉ.

Gálatas 6:15

Diopi ñato pãi jĩko ca'nirʉ chʉto tʉacojñosinana'me cho'omanesina re'onama'me. Repaʉ Rekochoji cho'okakʉna repana rekoñoã re'ojarekoñoã care'vacojñosinaa'me re'ona, Repaʉji ñato.

Efesios 2:1

Aperʉmʉ mʉsanʉkonapi cu'achechi'a cho'oñu chiijʉna cuhekʉ sẽjosi'kʉa'mʉ Dios. Repaʉji ñato jũnisosinaja'ñe pa'isinaa'me mʉsanʉkona.

Tito 3:5

Ija'che i'kama'kʉa'mʉ Dios: “Re'oja'che cho'onajejʉna cho'okaimʉ chʉ'ʉ inare”, chiima'mʉ Dios maire. Cu'ache cho'onareta'ni maini oiʉ vati toa sani uuche ʉ̃sesi'kʉa'mʉ Repaʉ maire. Repaʉ chĩi paapʉ chini mai cu'arekoñoã paasi'e re'ojarekoñoã care'vasi'kʉa'mʉ Repaʉ. Mai rekoñoãna Ũcuaʉ Rekocho'te rao mamarekoñoã cho'osi'kʉa'mʉ Repaʉ maire.

Santiago 3:17

Jã'ata'ni Dios ĩsiche pa'imasina cu'achejẽ'e cuasama'ñe chekʉna ũcuanʉko ñajʉ'te re'oja'che pa'ijʉ ñonaa'me. Cheke cavama'ñe pe'kerʉ pa'ijʉ chʉ̃'ʉñe jachama'ñe cho'ojʉ pa'inaa'me. Ũcuachi'a pãi ña oijʉ chekʉnare ũcuapa'rʉvachi'a re'oja'che cho'ojʉ jorema'ñe re'oja'che cho'ojʉ pa'inaa'me.

1 San Pedro 1:3

Diore Maire Paakʉ Jesucristo Pʉka'kʉre pojojʉ pañu mai, “Peore masikʉ'mʉ mʉ'ʉ”, chiijʉ. Maire rʉa oiʉ mai rekoñoã mamarekoñoã care'vakaisi'kʉa'mʉ Repaʉ, Jesucristo jũnisõ tãcojñosi'kʉ vajʉraisi'ejekʉna. Jã'ajekʉna Repaʉ pa'icheja sani Ũcuaʉna'me si'arʉmʉ pa'ijachere cuasajʉ rʉa pojojʉ cha'ame mai.

1 San Juan 2:29

Dios Mamakʉ Jesucristo re'oja'chechi'a cho'okʉ'mʉ. Jã'are masini ie ũcuachi'a masime mai: Pãi re'oja'chechi'a cho'ona Dios chĩia'me, Jesucristo repanare cho'okaisi'ejekʉna.

1 San Juan 3:9

Dios chĩi, Repaʉ'te cuasana Dios Rekocho'te paajʉ si'areparʉmʉ cu'ache cho'ojʉ pa'ima'me. Repaʉ chĩijejʉ cu'achejẽ'e cho'ocuheme repana.

1 San Juan 5:1

“Pãi ũcuanʉkore chʉ̃'ʉa'kʉ chini Dios Raosi'kʉa'mʉ Jesús”, chini cuasana Dios chĩia'me. Dios chĩi chekʉna Repaʉ'te cuasanare mai Ja'kʉ Dios chĩijejʉna cuasame.

1 San Juan 5:18

Pãi Diore cuasana Repaʉ chĩijejʉ si'areparʉmʉ cu'ache cho'ojʉ pa'ima'me. Vati repanare Diore cuasanare cu'ache chʉ̃'ʉra chiimʉ, repanapi cu'ache cho'oa'jʉ chini. Jã'ata'ni Jesucristo Dios Mamakʉji ʉ̃sekaiʉna repana cu'ache cho'oma'ñe pa'ime. Jã'are masime mai.

1 San Juan 5:4

Repaʉ chĩi, “Dios maire oiʉ cho'okaija'mʉ”, chiijʉ cuasanajejʉ Ũcuaʉji cho'okaiʉna vati chʉ̃'ʉñe cho'oma'ñe re'oja'chechi'a cho'ome.

El Apocalipsis 3:14

Ũcuarʉmʉ Jesucristo jo'e i'kasi'kʉa'mʉ chʉ'ʉre. “Laodicea vʉ'ejoopo canare chʉ'ʉre cuasakuanupʉ chʉ̃'ʉkʉ'te ija'chere tocha saojʉ̃'ʉ mʉ'ʉ”, chiisi'kʉa'mʉ. Chʉ'ʉ Jesucristo chʉ'ʉ cho'ora chiiche peore ũcuarepa cho'okʉ'mʉ. Ũcuachi'a chʉ'ʉ ñasi'e jorema'ñe ũcuarepare kʉakʉ'mʉ chʉ'ʉ. Diopi chʉ̃'ʉʉna chejana'me pãi peore cho'oasomʉ chʉ'ʉ. Jã'aja'ñe Pa'ikʉji Jesucristo ija'che i'kamʉ chʉ'ʉ mʉsanʉkonare: