San Juan 3:28 - Koreguaje

²⁸ Ija'che i'kasi'kʉa'mʉ chʉ'ʉ aperʉmʉ: “Dios chʉ'ʉre pãire ũcuanʉkore chʉ̃'ʉa'kʉ chini raomanesi'kʉa'mʉ. Repaʉ Raojaʉ raijachere kʉaa'kʉ chini raosi'kʉa'mʉ Dios chʉ'ʉre”, chiiche asasinaa'me mʉsanʉkona.

San Juan 3:28 Iomraidhean Croise

San Mateo 3:3

Aperʉmʉ Dios chʉ'o kʉasi'kʉ Isaías repaʉ Juan cho'ojachere kʉakʉ ija'che i'kakʉ tocha jo'kaasomʉ: Pãiʉ pãi peochejare sani pa'iʉ pãipi repaʉni saito ʉjachʉ'opi ija'che i'kakʉ chʉ'vaja'mʉ: “Maire Paakʉ tĩ'api'ramʉ. Repaʉni cha'ajʉ mʉsanʉkona rekoñoã ma'a rũhiñe pa'ima'a care'vacheja'che re'ojarekoñoã care'vajʉ pa'ijʉ̃'ʉ”, chiija'mʉ, chiiche tocha jo'kaasomʉ repaʉ.

San Lucas 1:76

Chini mamakʉ'te i'kaasomʉ repaʉ Zacarías. Jmava'ʉ, mʉ'ʉ pa'iche'te pãipi ñajʉ i'kani, “Dios Cʉnaʉmʉ Pa'ikʉ chʉ'o kʉakʉ'mʉ ikʉ”, chiijanaa'me mʉ'ʉre. Dios Raojaʉ raijachere kʉaja'mʉ mʉ'ʉ, pãipi asa care'va paapʉ chini.

San Juan 1:20

Saorena sani repaʉ pa'iche'te sẽejʉna rũhiñe kʉaasomʉ Juan repanare. —Pãi ũcuanʉkore chʉ̃'ʉa'kʉ chini Dios Raoja'mʉ chiisi'kʉma'mʉ chʉ'ʉ —chiniasomʉ repaʉ.

San Juan 1:23

Chitena i'kaasomʉ repaʉ. —Pãi peochejare rani pa'iʉ pãipi raito ʉjachʉ'opi ija'che i'kakʉ chʉ'vamʉ chʉ'ʉ: “Maire Paakʉni cha'ajʉ mʉsanʉkona rekoñoã ma'a rũhiñe pa'ima'a care'vacheja'che, re'ojarekoñoã care'vajʉ pa'ijʉ̃'ʉ.” “Jã'aja'ñe i'kaja'mʉ repaʉ”, chiiʉ aperʉmʉ Isaías, Dios chʉ'o kʉasi'kʉ tocha jo'kaasomʉ, chʉ'ʉ i'kajachere kʉara chini —chiniasomʉ repaʉ Juan.

San Juan 1:27

“Chʉ'ʉre cho'je raija'mʉ”, chiisi'kʉre mʉsanʉkonare ja'me pa'ikʉ'te na'a rʉa masikʉjekʉna repaʉ'te cuasa, vajʉchʉkʉ pa'imʉ chʉ'ʉ —chiniasomʉ repaʉ Juan Pãi Okoro'vekʉ.