San Juan 21:16 - Koreguaje

¹⁶ Chini repaʉ'te jo'e sẽesi'kʉa'mʉ repaʉ. —Simón, Juan mamakʉ, ¿chʉ'ʉre chiikʉ mʉ'ʉ? —chiisi'kʉa'mʉ. Chiiʉna i'kasi'kʉa'mʉ repaʉ. —Jʉ̃jʉ, Chʉ'ʉre Paakʉ, mʉ'ʉre chiimʉ chʉ'ʉ. Masimʉ mʉ'ʉ jã'a —chiisi'kʉa'mʉ repaʉ. Chiiʉna Jesús i'kasi'kʉa'mʉ. —Ovejava'nare kuiracheja'che kuirakaijʉ̃'ʉ chʉ'ʉ neenare —chiisi'kʉa'mʉ.

San Juan 21:16 Iomraidhean Croise

San Mateo 2:6

Mʉsanʉkona Judea cheja cajoopo Belén vʉ'ejoopo cana, “Ʉjajoopo, pa'ipãi pa'ijoopo pa'imanaa'me mai”, chiimanejʉ̃'ʉ. Mʉsanʉkona pa'ijoopo cajacojñojaʉ Israelpãi ũcuanʉkore chʉ̃'ʉja'mʉ. Ũcuaʉji chʉ'ʉ neenare Israelpãi mʉsanʉkonare kuirakʉ re'oja'che chʉ̃'ʉkʉ pa'ija'mʉ, chiimʉ —chiniasome repana.

San Mateo 25:32

Ñu'iʉ chʉ̃'ʉkʉna pãi ũcuanʉko rani chʉ'ʉ ti'jñeñena chi'ijanaa'me. Ũcuanʉko rani chi'irena oveja kuirakʉ ovejava'nana'me cabrava'nare te'ekuanuchi'a jña'nuñeja'ñe chʉ'ʉ Dios Raosi'kʉ repanare pãi re'oja'che pa'inana'me cu'ache pa'inare te'ekuanuchi'a jña'nuja'mʉ.

San Mateo 26:72

Chikona Pedro Dioni roiʉ jo'e jachakʉ ija'che i'kaasomʉ: —Jã'ʉre ñama'kʉa'mʉ chʉ'ʉ —chiniasomʉ.

San Lucas 19:10

Chʉ'ʉ, Dios Raosi'kʉ, pãipi jũnisõ vati toana saimanea'jʉ chini chejana cajesi'kʉa'mʉ. Repanare chẽa paakʉ repana cu'ache cho'ocojñora'asi'e ʉ̃sekani paaja'mʉ chʉ'ʉ —chiniasomʉ Jesús repaʉ'te Zaqueo'te.

San Juan 18:17

Jã'aja'ñe vata cuaoko ña i'kasi'koa'mo repao Pedro'te. —¿Jesús neekʉma'kʉ mʉ'ʉ? —chiisi'koa'mo repao. Chiiona i'kasi'kʉa'mʉ repaʉ. —Pãamʉ. Jã'ʉ neekʉma'mʉ chʉ'ʉ —chiiʉ joresi'kʉa'mʉ repaʉ.

San Juan 18:25

Ũcuarʉmʉ Pedro'te nʉkakʉ kũhikʉni ija'che sẽesinaa'me repana: —¿Jesús neekʉma'kʉ mʉ'ʉ? —chiisinaa'me. Chiijʉna Pedro jachakʉ, —Pãamʉ. Jã'ʉ neekʉma'mʉ chʉ'ʉ —chiisi'kʉa'mʉ.

San Juan 21:17

Jo'e ũcuate'ere sẽesi'kʉa'mʉ Jesús repaʉ'te. —Simón, Juan mamakʉ, ¿chʉ'ʉre chiikʉ mʉ'ʉ? —chiisi'kʉa'mʉ. Jesupi ũcuate'ere choteñoã, “¿Chʉ'ʉre chiikʉ mʉ'ʉ?”, chiiʉna Simón Pedro sʉmaʉna i'kasi'kʉa'mʉ. —Chʉ'ʉre Paakʉ, peore masikʉ'mʉ mʉ'ʉ. Chʉ'ʉ mʉ'ʉre chiiche masimʉ mʉ'ʉ —chiisi'kʉa'mʉ. Chikʉna i'kasi'kʉa'mʉ repaʉ. —Jã'aja'ñe pa'ito mʉ'ʉpi ovejava'nare kuiracheja'che kuirakaijʉ̃'ʉ chʉ'ʉ neenare.

Los Hechos 20:28

Asarepajʉ̃'ʉ, mʉsanʉkona pãi chʉ̃'ʉna. Ñarepajʉ pa'ijʉ re'oja'che pa'ijʉ̃'ʉ. Dios Rekocho mʉsanʉkonare Jesure cuasanare kuirache'te jo'kasi'kʉa'mʉ, mʉsanʉkonapi repanani re'oja'chere chʉ'vajʉ paapʉ chini. Masi kuirajʉ̃'ʉ repanare Jesure cuasakuanupʉ Repaʉ jũni Ũcuaʉ chiepi ro'ikani chẽa paakuanupʉ.

Hebreos 13:20

Mʉsanʉkonare ũcuachi'a sẽekaimʉ chʉ'ʉ Repaʉ'te. Mai rekoñoã re'oja'che pa'iche cho'okaikʉ'mʉ Dios. Ũcuaʉji maire ovejava'nare masi kuiracheja'che re'oja'che kuirakʉ'te Maire Paakʉ'te Jesure jũniso tãcojñosi'kʉre vasosi'kʉa'mʉ. Mai cu'are ro'ikasa chini jũnisoʉna Repaʉ raosi'e chiere ña, “Pãi cu'ache cho'osi'e ro'i peore ro'iche'me ie”, chiniasomʉ. Jã'aja'ñe cho'osi'ejekʉna irʉmʉ Diona'me si'arʉmʉ re'oja'che pa'ire'omʉ maire, Repaʉ mamare, “Ija'che cho'oñu”, chiisi'e cho'osi'epi si'arʉmʉ pa'iʉna.

1 San Pedro 2:25

Aperʉmʉ mai ovejava'na ma'are vesʉjʉ cavesʉsõsinaja'ñe pa'isinaa'me. Jã'ata'ni chura Cristoni oveja kuirakʉja'che pa'ikʉni jo'e co'icheja'che cuasajʉ jovorena kuirakʉ cu'ache ʉ̃sekaimʉ Repaʉ maire.

1 San Pedro 5:2

Aina, mʉsanʉkonapi kuiraa'jʉ chini jo'kasinare Diore cuasanare ovejava'naja'ñe pa'inare kuirajʉ pa'ijʉ̃'ʉ. Kurineema'ñe, re'oja'che cho'okaineejʉ, kuiracuhema'ñe Dioni pojojʉ Repaʉ chiiche'te cho'ojʉ masi kuirajʉ pa'ijʉ̃'ʉ repanare.