San Juan 21:12 - Koreguaje

¹² Jã'aja'ñe cho'o pi'niʉna Jesús i'kasi'kʉa'mʉ chʉkʉna'te. —Rani ãijʉ̃'ʉ ãu —chiisi'kʉa'mʉ. Chʉkʉna repaʉ neena te'eʉjẽ'e, “¿Jeeja'iʉ'ʉ mʉ'ʉ?”, chiimanesinaa'me, repaʉni ña masijʉ. “Chʉkʉna'te Paakʉ'mʉ ikʉ”, chini cuasasinaa'me.

San Juan 21:12 Iomraidhean Croise

San Mateo 22:46

Jã'aja'ñe i'kaʉna asa sãiñe i'kavesʉjʉ te'echʉ'opojẽ'e i'kamanesinaa'me repana. Jã'ajekʉna repana fariseopãi jã'arʉmʉpi pi'ra repaʉ'te te'eʉjẽ'e jo'e chʉ'o sẽevajʉchʉsinaa'me.

San Marcos 9:32

Jã'ata'ni repaʉ i'kache asavesʉasome repana. Asavesʉnata'ni repaʉ'te Jesure sẽevajʉchʉasome repana.

San Lucas 9:45

Jã'ata'ni repaʉ i'kache asavesʉasome repana. Reparʉmʉ Dios repanapi masi asamanea'jʉ chini asavesache cho'oasomʉ repanare. Masi asamanata'ni repaʉ'te Jesure sẽevajʉchʉasome repana.

San Juan 16:19

Repaʉ'te sẽni asañu chiiche'te masikʉ i'kasi'kʉa'mʉ repaʉ. —Chʉ'ʉ mʉsanʉkonare, “Jmamakarʉ pa'isirʉmʉ mʉsanʉkona chʉ'ʉre ñamanejanaa'me. Jã'ata'ni mʉsanʉkona chʉ'ʉre jmamakarʉ pani jo'e ñajanaa'me”, chiisi'ere asavesʉjʉ, ¿sãiñechi'a sẽniasajʉ pa'iche mʉsanʉkona?

San Juan 21:11

Chikʉna jo'e Simón Pedro choovʉna caje tuni va'i chorʉ ciento cincuenta y trerepana va'i ʉjanachi'a timusi'rʉre jñajñu ma ũhasi'kʉa'mʉ. Va'i jainʉko pa'irʉta'ni che'remanesi'kʉa'mʉ reparʉ.

San Juan 21:15

Ãu ãni pi'nisirʉmʉ Jesús Simón Pedro'te sẽesi'kʉa'mʉ. —Simón, Juan mamakʉ, ina chiime chʉ'ʉre. Jã'ata'ni, ¿mʉ'ʉ chʉ'ʉre na'a rʉa chiima'kʉ? —chiisi'kʉa'mʉ. Chiiʉna Pedro i'kasi'kʉa'mʉ. —Jʉ̃jʉ, Chʉ'ʉre Paakʉ, mʉ'ʉre rʉa chiimʉ chʉ'ʉ. Masimʉ mʉ'ʉ jã'a —chiisi'kʉa'mʉ repaʉ. Chikʉna Jesús i'kasi'kʉa'mʉ. —Jã'aja'ñe pa'ito ovejachĩiva'nare kuiracheja'che kuirakaijʉ̃'ʉ mʉ'ʉ chʉ'ʉ neenare —chiisi'kʉa'mʉ repaʉ.

San Juan 4:27

Ũcuarʉmʉ chʉkʉna repaʉ neena tĩ'a Jesupi romiona'me cutukʉna ña jñanosinaa'me. Jã'ata'ni, “¿Je'se pa'iʉna ikore i'kakʉ mʉ'ʉ? ¿Ʉ̃quere mʉsanʉkona cutuche?”, chiimanesinaa'me chʉkʉna.

Los Hechos 10:41

Vajʉraisi'kʉta'ni judíopãi ũcuanʉkore ñomanesi'kʉa'mʉ Repaʉ. Chʉkʉna'te Dios chẽasinarechi'a ñosi'kʉa'mʉ Jesús chekʉnani kʉajʉ paapʉ chini. Chʉkʉna Ũcuaʉna'me ãu ãisinaa'me Repaʉ jũni vajʉraisirʉmʉ.