San Juan 20:27 - Koreguaje

²⁷ Chini repaʉ'te Tomare i'kasi'kʉa'mʉ. —Chʉ'ʉ jʉ̃jña jẽ'josicojñana mʉ'ʉ mʉoñoji cuacha ñajʉ̃'ʉ. Ũcuachi'a chʉ'ʉ me'jupo totacojñosicoje mʉ'ʉ jʉ̃tʉpi suãni ña jachama'ñe cuasajʉ̃'ʉ chʉ'ʉre. Ũcuaʉ'mʉ chʉ'ʉ —chiisi'kʉa'mʉ repaʉ.

San Juan 20:27 Iomraidhean Croise

San Mateo 17:17

Chitena Jesús i'kasi'kʉa'mʉ. —Mʉsanʉkona pãi irʉmʉ cana rʉa tĩiñe cuasajʉ masi cuasama'me chʉ'ʉre. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ repava'ʉre mʉ'ʉ chĩiva'ʉre —chiisi'kʉa'mʉ.

San Marcos 9:19

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ repaʉ.

San Lucas 24:39

Chʉ'ʉa'mʉ. Ñajʉ̃'ʉ chʉ'ʉ jʉ̃jñana'me cũ'a. Chẽse ña masijʉ̃'ʉ chʉ'ʉre. Jũ'isi'kʉ rekocho ca'nivʉjẽ'e peomʉ. Chʉ'ʉta'ni ca'nivʉna'me tara paamʉ. Ñame mʉsanʉkona chʉ'ʉ paache —chiniasomʉ Jesús repanare.

San Lucas 24:40

Chini repanare jʉ̃jñana'me cũ'a ñoasomʉ repaʉ.

San Lucas 9:41

Chikʉna Jesús i'kaasomʉ repaʉ'te. —Mʉsanʉkona pãi irʉmʉ cana chʉ'ʉre masi cuasama'me. Rʉa tĩiñe cuasame mʉsanʉkona. ¿Keekerʉmʉ mʉsanʉkona tĩiñe cuasache ñakʉ pa'iche chʉ'ʉ? —Jã'aja'ñe i'ka pi'ni— Ichejana rajʉ̃'ʉ mʉ'ʉ chĩiva'ʉre —chiniasomʉ Jesús.

San Juan 20:20

Chini repaʉ jʉ̃jñana'me me'jupo totasicoje ñosi'kʉa'mʉ repaʉ chʉkʉna'te. Ñokʉna ña, “Maire Paakʉ'mʉ ikʉ”, chini pojosinaa'me chʉkʉna.

San Juan 20:25

Peosi'kʉjekʉna repaʉ'te ija'che kʉasinaa'me chʉkʉna: —Maire Paakʉ'te ñasinaa'me chʉkʉna —chiisinaa'me chʉkʉna repaʉ'te. Chitena Tomás jachakʉ ija'che i'kasi'kʉa'mʉ: —Repaʉ jʉ̃jña jẽ'josicojña ña chʉ'ʉ mʉoñoji cuacha ñani'te ũcuachi'a repaʉ me'jupo totasicoje chʉ'ʉ jʉ̃tʉpi suãni ñani'te mʉsanʉkona i'kache cuasaja'mʉ chʉ'ʉ —chiisi'kʉa'mʉ repaʉ.

San Juan 20:28

Chikʉna i'kasi'kʉa'mʉ repaʉ. —Dioa'mʉ mʉ'ʉ. Chʉ'ʉre Paakʉ'mʉ —chiisi'kʉa'mʉ repaʉ.

Romanos 5:20

Dios re'oja'che chʉ̃'ʉasomʉ pãipi Repaʉ chʉ̃'ʉsi'ere jachajʉ cu'ache cho'onapi ũcuana jachache'te masia'jʉ chini. Jã'ata'ni Repaʉ chʉ̃'ʉsi'e jachajʉ si'arʉmʉ na'a rʉa cu'ache cho'onareta'ni ũcuanani oiʉ na'a rʉa re'oja'che cho'okaisi'kʉa'mʉ Dios.