San Juan 20:23 - Koreguaje

²³ Cu'ache cho'oche ũhasõsinare pãi, “Mʉsanʉkona cu'ache cho'osi'e tʉnosõsi'ea'me”, chiire'omʉ mʉsanʉkonare. Chiito tʉnorepasi'ea'me repa. Jã'ata'ni cu'ache cho'oche ũhamanareta'ni, “Mʉsanʉkona cu'ache cho'oche tʉnoma'ñea'me”, chiire'omʉ mʉsanʉkonare, tʉnoma'ñejekʉna —chiisi'kʉa'mʉ repaʉ.

San Juan 20:23 Iomraidhean Croise

San Mateo 16:19

Chʉ'ʉ mʉ'ʉre, Dios chʉ'ore chʉ'vaa'kʉ chini jo'kamʉ. Mʉ'ʉpi chʉ'vakʉna pãipi asa chẽa Repaʉ'te cuasajʉ jovonare repana cu'ache cho'oche Dios Cʉnaʉmʉ Pa'ikʉ tʉnosõkaija'mʉ, repanapi Ũcuaʉ pa'ichejare sani paapʉ chini. Mʉ'ʉ chʉ'vache'te asa jachajʉ Repaʉ'te cuasacuhenareta'ni Dios Cʉnaʉmʉ Pa'ikʉ repana cu'ache cho'oche tʉnosõkaimaneja'mʉ. Jã'ajekʉna Repaʉ pa'icheja saimanejanaa'me repana —chiisi'kʉa'mʉ Jesús.

San Mateo 18:18

’Mʉsanʉkonapi Diore cuasanapi jã'aja'ñe cho'onani chekʉre, “Mʉ'ʉ cu'ache cho'osi'e ro'i cu'ache chʉ̃'ʉcojñoja'mʉ mʉ'ʉ”, chiito Dios Cʉnaʉmʉ Pa'ikʉ ũcuaja'che i'kaja'mʉ. Jã'ata'ni mʉsanʉkonapi repaʉni, “Mʉ'ʉ cu'ache cho'osi'e ro'i cu'ache chʉ̃'ʉñe peomʉ mʉ'ʉre”, chiito Dios Cʉnaʉmʉ Pa'ikʉ ũcuaja'che i'kaja'mʉ. Ũcuarepaa'me jã'a.

San Juan 20:22

Chini chʉkʉnani jujukʉ ija'che i'kasi'kʉa'mʉ: —¡Dios Rekochoji mʉsanʉkona rekoñoãre ja'me paaʉ!

Los Hechos 10:43

Jesús chuta'a raimarʉmʉ Dios chʉ'o aperʉmʉ kʉasina ũcuanʉko Repaʉ pa'ijachere kʉajʉ tocha jo'kasi'e ija'che chiimʉ: Pãi ũcuanʉkore jũni ro'ikaisi'ejekʉna Repaʉ Mamakʉ'te cuasanare repana cu'ache cho'osi'e jo'e cuasamaneja'mʉ Dios, chiimʉ repana tocha jo'kasi'e —chiniasomʉ Pedro.

Los Hechos 2:38

Chitena, repaʉ Pedro jo'e i'kaasomʉ. —Mʉsanʉkona cu'ache cho'oche'te ũcuanʉko jo'kasõ Dios chʉ̃'ʉñe'te cho'ojʉ pa'ijʉ̃'ʉ. Cu'are jo'kasõ re'oja'che pa'ijʉ okoro'vecojñojʉ̃'ʉ, “Jesucristo'te cuasanaa'me chʉkʉna”, chiijʉ. Jã'aja'ñe cho'oru Dios mʉsanʉkonare cu'ache cho'osi'e tʉ'nesõkaija'mʉ. Tʉ'nesõ Ũcuaʉ Rekocho'te ĩsija'mʉ Repaʉ mʉsanʉkonare, ai ja'me paaʉ chini.

1 Corintios 5:4

Mʉsanʉkonare rʉa cuasakʉ pa'imʉ chʉ'ʉ. Mʉsanʉkona Jesús chʉ̃'ʉñe'te cho'oñu chini chi'irʉmʉ chʉ'ʉ rekocho mʉsanʉkonare ja'me pa'icheja'che pa'ikʉ'mʉ chʉ'ʉ. Mʉsanʉkonare Maire Paakʉ Jesucristoji chʉ̃'ʉkʉna chʉ̃'ʉmʉ chʉ'ʉ, mʉsanʉkonapi cu'ache cho'okʉni ija'che cho'oa'jʉ chini: Mʉsanʉkonani Jesupi cho'okaiʉna, cu'ache cho'okʉ'te jo'kasojʉ̃'ʉ. Vati aini jo'kajʉ̃'ʉ repaʉ'te cu'ache cho'oa'kʉ. Chekʉrʉmʉ repaʉji cu'ache cho'ocojñoni kʉkʉ cu'ache cho'oche ũhasocosomʉ repaʉ. Repaʉji cu'ache cho'oche'te ũhasoni rekocho Dios pa'ichejana saija'mʉ, Jesús jo'e raiumucuse.

Efesios 2:20

Mai ũcuanʉko Dios vʉ'e chuta'a cho'o pi'nimavʉ'eja'che pa'ime. Dios maire re'oja'che pa'iche che'chokʉ vʉ'e rʉa re'ojavʉ'e cho'ocheja'che cho'omʉ Repaʉ maire. Chʉkʉnapi Jesús saosinana'me Repaʉ chʉ'o kʉanapi chʉ'vajʉna asa chẽa cuasajʉ jovosinaa'me mʉsanʉkona. Jesucristoji jũni ro'ikakʉna chura ũcuanʉko Dios neenaa'me mai.

1 Timoteo 1:20

Jã'aja'ñe cho'osinaa'me Himeneona'me Alejandro. Jã'ajekʉna repanare vati aini jo'kasi'kʉa'mʉ chʉ'ʉ, repanapi kʉkʉ Diore cu'ache i'kama'ñe pa'iche'te che'chea'jʉ chini.