San Juan 20:15 - Koreguaje

¹⁵ Vesʉkona i'kaasomʉ Jesús repao'te. —¿Je'se pa'iʉna oiko mʉ'ʉ? ¿Neeni ku'eko mʉ'ʉ? —chiniasomʉ repaʉ. Chikʉna, “Otera'ñʉrʉã kuirakʉcosomʉ ikʉ”, chini cuasako i'kaasomo repao. —Mʉ'ʉpi sasi'kʉ pani kʉajʉ̃'ʉ chʉ'ʉre repaʉ'te sa ũhasicheja. Miijani rara chiimo chʉ'ʉ —chiniasomo repao.

San Juan 20:15 Iomraidhean Croise

San Mateo 12:34

¡Aña pa'icheja'che cu'ache pa'ime mʉsanʉkona! Rekoñoã cu'ache cuasanajejʉ re'oja'che i'kama'me mʉsanʉkona. Pãi ũcuanʉko repana rekoñoã cuasache'te cutunaa'me.

San Mateo 28:5

Jã'ata'ni ángel repanare romi ija'che i'kaasomʉ: —Vajʉchʉmanejʉ̃'ʉ. Mʉsanʉkona Jesure ku'eche masimʉ chʉ'ʉ. Kurususẽ'verona jẽ'jo nʉko vẽasõsi'kʉni ku'eme mʉsanʉkona.

San Marcos 16:6

Kʉkʉrena repanare i'kaasomʉ repaʉ. —Vajʉchʉmanejʉ̃'ʉ. Mʉsanʉkona Jesure Nazaret vʉ'ejoopo raisi'kʉre ku'eche masimʉ chʉ'ʉ. Kurususẽ'verona jẽ'jo nʉko vẽasocojñosi'kʉni ku'eme mʉsanʉkona. Icheja peomʉ repaʉ; vajʉranicuhasi'kʉa'mʉ. Ñajʉ̃'ʉ repaʉ'te ũhasicheja.

San Lucas 2:44

Vesʉjʉ, “Chekʉnana'me co'icosomʉ mai chĩi”, chini te'eumucuse co'inapi mamakʉ'te ku'easome repana. Ku'ejʉ peore repana majapãina'me repaʉ ñanare sẽniasaasome repana chĩiva'ʉni jñaañu chini.

San Lucas 24:5

Peosichejapi pa'ijʉna ña kʉkʉso, meñe sime nʉkajʉna ija'che i'kaasome: —¿Je'se pa'iʉna mʉsanʉkona vajʉraisi'kʉni pãi jũ'isina pa'ichejare ku'eche?

San Juan 1:38

Tuhajʉna Jesús chʉri ña i'kaasomʉ repanare. —¿Ʉ̃que tuhache mʉsanʉkona chʉ'ʉre? —chiniasomʉ repaʉ. Chikʉna i'kaasome repana. —Masiʉ, ¿keecheja cavʉ'ere pa'iʉ ku'ikʉ mʉ'ʉ? —chiniasome repana.

San Juan 18:4

Ũcuarʉmʉ Jesús repaʉ'te ti'jñejañe peore masikʉjekʉ repanare eta tijña sẽesi'kʉa'mʉ. —¿Neeni ku'eche mʉsanʉkona? —chiisi'kʉa'mʉ repaʉ.

San Juan 18:7

Cho'je co'iche tãijʉna repanare jo'e i'kasi'kʉa'mʉ repaʉ. —¿Neeni ku'eche mʉsanʉkona? —chiisi'kʉa'mʉ. Chikʉna jo'e i'kasinaa'me repana. —Nazaret vʉ'ejoopo cakʉni Jesuni ku'eme chʉkʉna —chiisinaa'me repana.

San Juan 20:13

Ũcuarʉmʉ ángeles repao'te sẽniasome. —¿Je'se pa'iʉna oiko mʉ'ʉ? —chiniasome repana. Chitena i'kaasomo. —Chʉkʉna'te Paakʉ'te pãipi sasõsinaa'me. Repaʉ'te sa ũhasichejajẽ'e vesʉmo chʉ'ʉ —chiniasomo repao.