San Juan 19:4 - Koreguaje

⁴ Jã'aja'ñe cho'orena Pilato repanare pãi jo'e eta i'kasi'kʉa'mʉ. —Asarepajʉ̃'ʉ, mʉsanʉkona. Eto ñoja'mʉ chʉ'ʉ repaʉ'te. Chʉ'ʉ cuasato cu'ache cho'oma'kʉa'mʉ repaʉ —chiisi'kʉa'mʉ repaʉ.

San Juan 19:4 Iomraidhean Croise

San Mateo 27:19

Jã'aja'ñe sẽniasa repaʉ pãi chʉ̃'ʉkʉ ñu'isaivʉ ñu'itona repaʉ rʉ̃jo chʉ'o raoasomo repaʉ'te. “Jã'ʉre re'okʉ'te pãiʉ'te cu'ache cho'omanejʉ̃'ʉ. Mʉ'ʉpi repaʉni chẽa paakʉna ñami rʉa vajʉchʉache ñoñe'te cu'ache kãni ñasi'koa'mo chʉ'ʉ”, chiniasomo.

San Mateo 27:24

Jã'aja'ñe i'kajʉ repanapi na'a rʉa pe'rujʉ i'kajʉna asa Pilato, “I'kate'ecuhamʉ chʉ'ʉ inare”, chiiʉ cuasaasomʉ. Jã'ajekʉna repana cho'oñu chiiche'te chʉ̃'ʉcuhekʉ repaʉ chʉ'o peoche'te cho'o ñokʉ jʉ̃jñare choara chini okore raa'jʉ chini chʉ̃'ʉasomʉ repaʉ. Oko rarena repana ñajʉ'te jʉ̃jñare choakʉ repanare ija'che i'kaasomʉ repaʉ: —Chʉ'ʉ ikʉre vanisõñe chʉ̃'ʉcuhekʉjekʉ chʉ'o peomʉ. Mʉsanʉkona cho'oche'me jã'a —chiniasomʉ Pilato repanare.

San Mateo 27:4

Jo'e co'chokʉ ija'che i'kaasomʉ repaʉ: —Jesure, cu'ache cho'omanesi'kʉni vanisõa'jʉ chini jo'kakʉ cu'ache cho'osi'kʉa'mʉ chʉ'ʉ —chiniasomʉ repaʉ repanare. Chikʉna i'kaasome repana. —Chʉkʉna'te chʉ'ojẽ'e peomʉ jã'a. Mʉ'ʉ cho'osi'ea'me jã'a —chiniasome repana.

San Mateo 27:54

Ũcuarʉmʉ sõtaopãi cienrepanare chʉ̃'ʉkʉ sõtao Jesure pẽ'jekainana'me cheja pi'ruche'te ñajʉ reparʉmʉ cho'oche peore ña, kʉkʉsõ ija'che i'kasinaa'me: —Dios Mamarepakʉ pa'icosomʉ jã'ʉ —chiisinaa'me.

San Lucas 23:4

Chikʉna Pilato i'kaasomʉ repanare judío phairipãi chʉ̃'ʉnana'me chekʉnare pãi ũcuavʉ'e pa'inare. —Cu'ache cho'osi'e peomʉ ikʉ —chiniasomʉ.

San Lucas 23:41

Maita'ni cu'ache cho'osinajejʉ cu'ache cho'ocojñome. Mai cu'ache cho'osi'e ro'ia'me ie. Ikʉta'ni cu'ache cho'omanesi'kʉpi cu'ache cho'ocojñomʉ —chiniasomʉ repaʉ.

San Lucas 23:47

Ũcuarʉmʉ sõtaopãi cienrepanare chʉ̃'ʉkʉ ũcuachejare kueñe nʉkakʉ repa cho'osi'ere ña Dioni pojokʉ ija'che i'kaasomʉ: —Rʉa re'okʉ pa'isi'kʉa'mʉ jã'ʉ. Ũcuarepaa'me —chiniasomʉ repaʉ.

San Juan 18:33

Pilato jo'e kaka Jesure soni rao i'kaasomʉ. —¿Mʉ'ʉ judíopãi ũcuanʉkore chʉ̃'ʉkʉ'ʉ? —chiniasomʉ.

San Juan 18:38

Chikʉna Pilato jo'e i'kaasomʉ. —¿Ʉ̃quea'che jã'a, chʉ'o ũcuarepa kʉache? —chiniasomʉ repaʉ. Repaʉ'te sẽni pi'ni Pilato jo'e eta i'kasi'kʉa'mʉ repanare judíopãi chʉ̃'ʉnare. —Ikʉre repaʉ cu'ache cho'osi'ere kʉakʉna asara chini chʉ'o sẽniasasi'kʉa'mʉ chʉ'ʉ. Jã'ata'ni chʉ'ʉ cuasato jmamakarʉjẽ'e repaʉ cu'ache cho'osi'e peomʉ. Mʉsanʉkona, “Cu'ache cho'okʉ'mʉ ikʉ”, chiiche cho'oma'kʉa'mʉ.

San Juan 19:6

Chikʉna phairipãi chʉ̃'ʉnana'me Dios vʉ'e pẽ'jekaina repaʉ'te Jesure ña cuijʉ i'kasinaa'me. —Kurususẽ'verona jẽ'jo nʉkojʉ̃'ʉ jã'ʉre. Kurususẽ'verona jẽ'jo nʉkojʉ̃'ʉ —chiisinaa'me repana. Chitena Pilato i'kasi'kʉa'mʉ. —Chʉ'ʉ cuasato cu'ache cho'omanesi'kʉa'mʉ ikʉ. Jã'ajekʉna ikʉre vanisõñe chʉ̃'ʉcuhemʉ chʉ'ʉ. Mʉsanʉkonapi sa kurususẽ'verona jẽ'jo nʉkojʉ̃'ʉ ikʉre —chiisi'kʉa'mʉ repaʉ.

2 Corintios 5:21

Cristo jmamakarʉjẽ'e cu'ache cho'omanesi'kʉa'mʉ. Jã'ata'ni Dios Repaʉ'te peore cu'ache cho'osi'kʉre cho'ocheja'che cho'osi'kʉa'mʉ, pãi ũcuanʉko cu'ache cho'oche'te jũni ro'ikaaʉ chini. Maini cu'ache cho'omanesinare cuasacheja'che cuasara chini jã'aja'ñe cho'oasomʉ Dios.

Hebreos 7:26

Jã'aja'ñe phairi ai pa'iʉ maire karache cho'okaiʉ pa'imʉ. Si'arʉmʉ re'oja'chechi'a cho'okʉ'mʉ Repaʉ. Jmamakarʉjẽ'e cu'ache cuasamaʉ cu'achejẽ'e cho'oma'kʉa'mʉ Repaʉ. Repaʉ icheja cheja pa'irʉmʉ pãi cu'ache cho'onana'me pa'isi'kʉta'ni jmamakarʉjẽ'e repana cu'ache cho'ocheja'che ña chẽa cho'omaneasomʉ Repaʉ. Jã'aja'ñe pa'iʉna Pʉka'kʉ Dios Repaʉ'te cʉnaʉmʉ na'a jeecho'jena mʉa kueñe ñu'iʉ chʉ̃'ʉñe jo'kaasomʉ.

1 San Pedro 1:19

Jã'aja'ñepi ro'ima'ñe Cristo cu'achejẽ'e peokʉ chiepi ro'ikaisi'kʉa'mʉ Repaʉ, Ũcuaʉji chʉ̃'ʉʉna mai cu'are ro'ikani chẽa paara chini chuenisõ raosi'epi. Aperʉmʉ pa'isina mai aipãi repana cu'are tʉnoñu chini Dioni ĩsijʉ ovejachĩiva'ʉre cu'achejẽ'e peova'ʉni vanisõjʉna rao ro'ikaisi'eja'che Repaʉ chiepi rao mai cu'a ro'ikaisi'kʉa'mʉ Repaʉ.

1 San Pedro 2:22

Repaʉ Cristo jmamakarʉjẽ'e cu'ache cho'omanesi'kʉa'mʉ. Ũcuachi'a te'eʉ'terejẽ'e joremanesi'kʉa'mʉ Repaʉ.

1 San Pedro 3:18

Maire Paakʉ Cristo mai ũcuanʉko cu'ache cho'oche'te ro'ikaiʉ chuenisõsi'kʉa'mʉ. Ũcuate'echoji peore ũcuanʉkore ro'ikaisi'kʉa'mʉ. Re'okʉjekʉ cu'ache pa'inani cho'okaisi'kʉa'mʉ Repaʉ, maipi Diona'me re'oja'che paapʉ chini. Maija'iʉ pa'iʉ chuenisõsi'kʉta'ni Dios Rekochoji cho'okaiʉna jo'e vajʉraisi'kʉa'mʉ.

1 San Juan 3:5

Jesucristo mai cu'ache cho'oche'te tʉ'nesõkasa chini icheja mai pa'ichejare caje pa'iʉ jũni ro'ikaisi'kʉa'mʉ. Repaʉ jmamakarʉjẽ'e cu'ache cho'oma'kʉa'mʉ. Chura mʉsanʉkona masime jã'a.