San Juan 19:19 - Koreguaje

¹⁹ Ũcuarʉmʉ Pilatoji chʉ̃'ʉʉna tochasiko'a kurususẽ'vero chã'tirona jẽ'jo sʉosinaa'me repana, Ikʉ Jesus, Nazaret Vʉ'ejoopo Cakʉa'mʉ. Judiopãi Chʉ̃'ʉkʉ'mʉ, chiiche tochasiko'are.

San Juan 19:19 Iomraidhean Croise

San Mateo 2:23

Repacheja sani tĩ'a Nazaret vʉ'ejoopo'te paniasomʉ repaʉ. Jã'aja'ñe cho'orena aperʉmʉ Dios chʉ'o kʉasina kʉajʉ tocha jo'kasi'epi ija'che chiicheji ũcuarepa ti'jñecuhaasomʉ, “Dios Raosi'kʉre, ‘Nazaret vʉ'ejoopo cakʉa'mʉ ikʉ’, chiijanaa'me pãi”, chiicheji.

San Mateo 27:37

Ũcuachi'a repaʉni cho'ojʉ sojʉ repaʉ'te cu'ache i'kasi'ere kʉajʉ, Jesua'mʉ Ikʉ. Judiopãi Chʉ̃'ʉkʉ'mʉ, chiiche chooko'ana tocha kurususẽ'vero chã'tirona jẽ'jo sʉosinaa'me repana.

San Marcos 15:26

Ũcuachi'a repaʉ cu'ache cho'osi'ere kʉajʉ, Judiopãi Chʉ̃'ʉkʉ'mʉ Ikʉ, chiiche chooko'ana tocha kurususẽ'vero chã'tirona jẽ'jo sʉoasome repana.

San Lucas 18:37

Chikʉna, —Jesús, Nazaret vʉ'ejoopo raisi'kʉpi caraimʉ —chiniasome pãi repaʉ'te ja'me saina.

San Lucas 23:38

Kurususẽ'vero chã'tiro'te tochasiko'a sʉniasomʉ, Ikʉ Judiopãi Chʉ̃'ʉkʉ'mʉ, chiiko'a.

San Juan 1:49

Chikʉna Natanael i'kaasomʉ repaʉ'te. —Masiʉ, Dios Mamakʉ'mʉ mʉ'ʉ. Israelpãi chʉ̃'ʉkʉ'mʉ —chiniasomʉ repaʉ.

San Juan 18:33

Pilato jo'e kaka Jesure soni rao i'kaasomʉ. —¿Mʉ'ʉ judíopãi ũcuanʉkore chʉ̃'ʉkʉ'ʉ? —chiniasomʉ.

San Juan 19:12

Jã'aja'ñe i'kaʉna asa Pilato repaʉni jose etora chini jo'e eta rʉa i'kasi'kʉa'mʉ repanare pãi. I'kakʉ'teta'ni repana judíopãi cuijʉ i'kasinaa'me. —“Pãi chʉ̃'ʉkʉ'mʉ chʉ'ʉ”, chiinapi maire ũcuanʉkore chʉ̃'ʉkʉ'te Césa'te cuheme. Jã'ajekʉna mʉ'ʉpi jã'ʉni ũcuare jã'aja'ñe i'kasi'kʉni jose etoni repaʉ'te maire ũcuanʉkore chʉ̃'ʉkʉ'te ja'me pa'ikʉma'mʉ mʉ'ʉ —chiisinaa'me.

San Juan 19:14

Pascuarʉmʉ tĩ'añe te'eumucuse karatona nʉkarepaʉ sʉ'itona judíopãi chʉ̃'ʉnare i'kasi'kʉa'mʉ Pilato. —¡Ñajʉ̃'ʉ ikʉre, mʉsanʉkonare ũcuanʉkore chʉ̃'ʉkʉ'te! —chiisi'kʉa'mʉ repaʉ.

San Juan 19:21

Judío phairipãi chʉ̃'ʉna repako'a tochasi'ere ña i'kasinaa'me Pilato'te. —Jã'a, “Judíopãi chʉ̃'ʉkʉ'mʉ ikʉ”, chiijʉ tochasi'e tʉnosõ, “ ‘Judíopãi chʉ̃'ʉkʉ'mʉ chʉ'ʉ’, chiisi'kʉa'mʉ ikʉ”, chiiche tocha sʉojʉ̃'ʉ —chiisinaa'me repana.

San Juan 19:3

Sacha pi'ni repaʉ'te rʉarepañoã kueñe raijʉ ija'che i'kaasome repana: —¡Ikʉpi judíopãire si'arʉmʉ chʉ̃'ʉkʉ paaʉ! —chiijʉ repaʉ chiana vaniasome repana.

Los Hechos 26:9

’Aperʉmʉ chʉ'ʉ ũcuachi'a, “Nazaret raisi'kʉre Jesure cuasanare rʉa cu'ache cho'oto re'omʉ; peore cho'ore'ochetʉ'ka cu'ache cho'ora repanare”, chiiʉ cuasasi'kʉa'mʉ.

Los Hechos 3:6

Cha'akʉna Pedro jo'e i'kaasomʉ repaʉ'te. —Kurijẽ'e peomʉ chʉ'ʉ. Jã'ata'ni chekere na'a re'oja'chere cho'okaija'mʉ chʉ'ʉ mʉ'ʉre. Jesucristo Nazaret raisi'kʉpi chʉ̃'ʉkʉna, vʉni nʉka ku'ijʉ̃'ʉ mʉ'ʉ. Vajʉjʉ̃'ʉ chiimʉ chʉ'ʉ mʉ'ʉre —chiniasomʉ Pedro repaʉ'te, nʉka ku'imava'ʉre.